ધનબાદ/રાંચી: ઝારખંડમાં કોરોના વાયરસ હાહાકાર મચાવી રહ્યો છે. ઝારખંડના ધનબાદ જિલ્લામાં કોરોના વાયરસ સંક્રમિત એક મહિલાના મોત બાદ 24 કલાકમાં કોરોના સંક્રમિત તેમના બે પુત્રોના મોતના સમાચારથી સમગ્ર જિલ્લામાં હાહાકાર મચી ગયો છે. એવું જાણવા મળ્યું છે કે કોરોનાના કારણે મૃત્યુ પામનાર મહિલાના ત્રીજા પુત્રની હાલત પણ ગંભીર છે. તેઓનો હાલ ઈલાજ ચાલી રહ્યો છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
પ્રાપ્ત માહિતી મુજબ ઝારખંડના ધનબાદમાં રહેતી એક મહિલાનું તારીખ 4 જુલાઈના રોજ હોસ્પિટલમાં નિધન થયું હતું. આ મહિલાના મૃત્યુ બાદ કોરોના રિપોર્ટ પોઝિટિવ આવ્યો હોવાનું જાણવા મળ્યું હતું. ત્યારબાદ કોરોનાના સંક્રમણની આશંકા વ્યક્ત કરવામાં આવી હતી. આ શંકા ત્યારે સાચી સાબિત થઈ કે જ્યારે કોરોનાથી મૃત્યુ પામેલી આ મહિલાના બે દીકરાના 24 કલાકમાં જ કોરોના વાયરસના કારણે મોત થયા.
એક જ પરિવારમાં કોરોના વાયરસના કારણે ત્રણ લોકોના મોતનો ઝારખંડના ધનબાદમાં આ પ્રથમ કેસ છે. બંને ભાઈઓને શ્વાસ લેવામાં તકલીફ પડવાથી હોસ્પિટલમાં દાખલ કરવામાં આવ્યા હતા. તેમનો ભાઈ પણ કોરોના વાયરસ સંક્રમિત છે અને તેની હાલત ગંભીર છે. તેમની માતાનું કોરોના વાયરસના કારણે મોત થયું હતું અને તેઓ દિલ્હીથી ધનબાદ આવ્યા હતા.
તારીખ 26 જૂનના રોજ આ મહિલાની તબિયત બગડી અને તારીખ 4 જુલાઈના રોજ તેમનું મોત થયું. હવે કોરોના વાયરસના કારણે તેમના બે દીકરાનું મોત થયું છે અને ત્રીજા દીકરાની હાલત પણ ગંભીર છે. આ મહિલાની ઉંમર 89 વર્ષ જ્યારે બંને દીકરાની ઉંમર 65 વર્ષ કરતા વધુ હતી.
સુરતઃ આરોગ્ય મંત્રી કુમાર કાનાણીના પુત્રનો મહિલા પોલીસકર્મી સાથેની માથાકૂટનો વિડીયો સામે આવ્યો