ઉજ્જૈનઃ મધ્ય પ્રદેશના ઉજ્જૈન જિલ્લામાં એક ચોંકાવનારી ઘટના સામે આવી છે. જ્યાં એક એક્સાઈઝ સબ ઈન્સ્પેક્ટરની પોલીસે સગીર નોકરાણીના બળાત્કારના આરોપમાં ધરપકડ કરી છે. સગીરાએ પોતાના યૌન શોષણની ફરિયાદ કરી હતી જેના પર કાર્યવાહી કરતા પોલીસે તેને પકડી લીધો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો
સગીરા સાથે બળાત્કારના આરોપી પંકજ જૈનની પોલીસે ધરપકડ કરી લીધી છે. આરોપીના ઘરમાં કામ કરતી 17 વર્ષની નોકરાણીને 11 મહિનાથી ધમકાવી તેની સાથે દુષ્કર્મ કરતો હતો. આરોપી દ્વારા સગીરાનો વિડીયો પણ બનાવવામાં આવ્યો હતો. પંકજ જૈનને ઉજ્જૈનના નીલગંગા પોલીસે હોટલ મધુબનથી ઝડપી પાડ્યો.
સગીરાએ સોમવારે ACP ડો. રજનીશ કશ્યપને ફરિયાદ કરી હતી કે પંકજ જૈન તેની સાથે 10-11 મહિનાથી બળાત્કાર કરી રહ્યા છે. તેમણે અનેક વખત ઘરમાં અને હોટલમાં સંબંધ બનાવ્યા છે.આ સાથે સગીરાનો અશ્લીસ વિડીયો પણ પંકજ જૈને બનાવી રાખ્યો હતો, જેના આધારે તે સગીરાને બ્લેકમેલ કરીને સંબંધ બનાવવા માટે દબાણ કરતો હતો.