ઈન્દોર- મધ્યપ્રદેશના ઈન્દોર શહેરની MGM મેડિકલ કોલેજની કેન્ટીનમાં પાછલા 3-4 મહિનાથી એક યુવતી લોકો સાથે હળીમળી રહી હતી. હાથમાં પુસ્તકો અને ચહેરા પર સ્માઈલ, લોકોને લાગતુ હતું કે આ કોઈ મેડિકલ સ્ટુડન્ટ છે અથવા તો નર્સ હશે. કેમ્પસમાં ચા-નાસ્તો કરવો, ગપ્પા મારવા, અહીં-તહીં ફરવું... જાણે કે આ યુવતી સ્ટુડન્ટ લાઈફ એન્જોય કરી રહી હતી. પરંતુ કોઈને ભનક પણ નહોતી આવી કે આ યુવકી કોઈ વિદ્યાર્થિની કે સ્ટાફની સભ્ય નથી પરંતુ એક મહિલા પોલીસકર્મી છે જે પોતાના પ્રથમ મિશન પર નીકળી છે.
શાલિની ચૌહાણના પિતા પણ પોલીસકર્મી હતી, જે 2010માં મૃત્યુ પામ્યા અને ગત વર્ષે શાલિનીએ માતા પણ ગુમાવ્યા. પિતાથી પ્રેરિત શાલિનીએ પોલીસકર્મી બનવાનો નિર્ણય લીધો હતો. આમ તો શાલિની કોમર્સ ગ્રેજ્યુએટ છે પણ આ મિશન માટે તે એક નર્સ બની ગયા હતા. જીન્સ અને ટોપ પહેરીને પુસ્તકો ભરેલી એક બેગ લઈને તે કોલેજ આવતા હતા.
અમારા સહયોગી ટાઈમ્સ ઓફ ઈન્ડિયા સાથેની વાતચીતમાં શાલિનીએ જણાવ્યું કે, અમારા ઓફિસ ઈન-ચાર્જ તેહઝિબ કાઝી અને SI સત્યજીત ચૌહાણ આ તપાસનું નેતૃત્વ કરી રહ્યા હતા. તેમણે મને એ વિદ્યાર્થીઓની યાદી આપી હતી જેમના પર મારે નજર રાખવાની હતી. હું દરરોજ કેન્ટીનમાં 5-6 કલાક પસાર કરતી હતી. હું થોડા થોડા સમયે ત્યાં જતી હતી જેથી લોકોને લાગે કે હું કામ કરુ છું, માત્ર લટાર મારવા કેમ્પસમાં નથી આવતી. હું ત્યાં દરેક વ્યક્તિ સાથે વાત કરતી હતી. ધીરે ધીરે અમે એ વિદ્યાર્થીઓની ઓળખ કરી શક્યા જે રેગિંગ સાથે સંકળાયેલા હતા.
ચહેરા પર ખુશી સાથે શાલિની જણાવે છે કે, કોઈને શંકા નથી થઈ કે મારે મેડિકલ ફીલ્ડ સાથે કોઈ લેવાદેવા નથી. તેહઝીબ કાઝીએ આ સમગ્ર ઓપરેશનની સફળતાનો શ્રેય ટીમની મહેનતને આપ્યો છે. તેઓ જણાવે છે કે, આ સંપૂર્ણપણે બ્લાઈન્ડ કેસ હતો. અમને એક અજાણી વ્યક્તિ તરફથી ફરિયાદ મળી હતી જેમાં સીનિયર અને જૂનિયર વિદ્યાર્થીઓ વચ્ચે વોટ્સએપ પર થયેલી વાતચીતના સ્ક્રીનશોટ પણ હતા. મેસેજમાં તે સ્થળોના નામ પણ હતા જ્યાં વિદ્યાર્થીઓને રેગિંગ માટે બોલાવવામાં આવતા હતા. વિદ્યાર્થીઓ સાથે વાત કરવા માટે અન્ડરકવર ટીમે કોલેજ અને હોસ્ટેલની મુલાકાત લીધી હતી.
તેમણે વધુમાં જણાવ્યું કે, તપાસ અધિકારી સત્યજીત ચૌહાણ કેમ્પસમાં ઘણી વાર ગયા હતા જેથી વિદ્યાર્થીઓ વિરુદ્ધ પુરાવા એકઠા કરી શકાય. પરંતુ લોકો પોલીસને જોઈને ડરી જતા હતા અને આરોપીઓ નાસી જતા હતા. માટે અમે આ ઉપાય વિચાર્યો અને શાલિનીને કામ સોંપ્યું. તે એક કોલેજ જતી યુવતીની જેમ જ દેખાય છે અને વાતચીત કરવાનો અંદાજ પણ ઘણો સારો છે. માટે વિદ્યાર્થીઓ તેમના પર વિશ્વાસ કરી શકતા હતા.
શાલિની જણાવે છે કે, આ દેખાય છે તેટલું સરળ કામ નહોતું. મને મારા સીનિયર કર્મીઓએ સલાહ આપી હતી કે વિદ્યાર્થીઓ સાથે એવી રીતે વાત કરવી જોઈએ કે તેમને મારી સાથે સામે વાત કરવામાં સરળતા રહે. ઘણી વાર મારે એવી વાત કરવી પડતી હતી કે તેમને વિશ્વાસ થાય કે હું તમામ બાબતોથી જાણકાર છુ. હું રેગિંગને લગતા મારા મનઘડત કિસ્સા કહેતી હતી, જે સાંભળીને અન્ય વિદ્યાર્થીઓ પોતાના અનુભવ શેર કરવા બેસી જતા હતા અને મને ઘણી જાણકારી મળતી હતી.
સત્યજીત ચૌહાણ જણાવે છે કે, અમે આ કેસ માટે યંગ મેલ પોલીસની પણ મદદ લીધી છે. સંજય અને રિંકુ જેવા નવા જોડાયેલા પોલીસકર્મીઓને અમે કેમ્પસમાં મોકલ્યા અને વિદ્યાર્થીઓ સાથે વાત કરવાનું કામ સોંપ્યું. તેઓ શાલિનીના સંપર્કમાં રહેતા હતા. શાલિની જણાવે છે કે, હું બેસીને આ 11 વિદ્યાર્થીઓને જોતી હતી. તેમનું વર્તન ઘણું જ ઉદ્ધત હતું. તેઓ હંમેશા ગુસ્સામાં રહેતા હતા. સીનિયર વિદ્યાર્થીઓ નવા વિદ્યાર્થીઓ પાસે વાંધાજનક કાર્યો કરાવતા હતા. તેઓ વિદ્યાર્થીઓને સરનામું આપતા હતા જ્યાં તેમણે પહોંચવાનુ રહેતુ હતું. અન્ય અન્ડરકવર એજન્ટ્સ દ્વારા પ્રાપ્ત જાણકારીની મદદથી અમે ઓળખ કરી કે આ તે જ સ્થળો છે જ્યાં આરોપી વિદ્યાર્થીઓ ભાડાના ફ્લેટમાં રહે છે.
પ્રાપ્ત જાણકારી અનુસાર, 11 શંકાસ્પદ વિદ્યાર્થીઓમાંથી નવ મધ્યપ્રદેશના છે, એક પશ્ચિમ બંગાળનો છે જ્યારે એક બિહારનો છે. ગુરુવારના રોજ જ્યારે તેમને પોલીસ સ્ટેશન બોલાવવામાં આવ્યા ત્યારે તેમની આંખો પહોળી થઈ ગઈ હતી. CrPCની કલમ 41A અંતર્ગત તેમને નોટિસ મોકલવામાં આવી છે. પોલીસના જણાવ્યા અનુસાર, તમામ આરોપી વિદ્યાર્થીઓ મધ્યમવર્ગીય પરિવારથી આવે છે. તેઓ શિક્ષક, ટેકી, ખેડૂત વગેરેના બાળકો છે. એકના પિતા તો પોલીસકર્મી છે. MGM તંત્ર દ્વારા તેમને સસ્પેન્ડ કરવામાં આવ્યા છે. તેઓ 3 મહિના સુધી કોલેજ અથવા હોસ્ટેલમાં પગ નહીં મૂકી શકે.
શાલિની ચૌહાણના પિતા પણ પોલીસકર્મી હતી, જે 2010માં મૃત્યુ પામ્યા અને ગત વર્ષે શાલિનીએ માતા પણ ગુમાવ્યા. પિતાથી પ્રેરિત શાલિનીએ પોલીસકર્મી બનવાનો નિર્ણય લીધો હતો. આમ તો શાલિની કોમર્સ ગ્રેજ્યુએટ છે પણ આ મિશન માટે તે એક નર્સ બની ગયા હતા. જીન્સ અને ટોપ પહેરીને પુસ્તકો ભરેલી એક બેગ લઈને તે કોલેજ આવતા હતા.
અમારા સહયોગી ટાઈમ્સ ઓફ ઈન્ડિયા સાથેની વાતચીતમાં શાલિનીએ જણાવ્યું કે, અમારા ઓફિસ ઈન-ચાર્જ તેહઝિબ કાઝી અને SI સત્યજીત ચૌહાણ આ તપાસનું નેતૃત્વ કરી રહ્યા હતા. તેમણે મને એ વિદ્યાર્થીઓની યાદી આપી હતી જેમના પર મારે નજર રાખવાની હતી. હું દરરોજ કેન્ટીનમાં 5-6 કલાક પસાર કરતી હતી. હું થોડા થોડા સમયે ત્યાં જતી હતી જેથી લોકોને લાગે કે હું કામ કરુ છું, માત્ર લટાર મારવા કેમ્પસમાં નથી આવતી. હું ત્યાં દરેક વ્યક્તિ સાથે વાત કરતી હતી. ધીરે ધીરે અમે એ વિદ્યાર્થીઓની ઓળખ કરી શક્યા જે રેગિંગ સાથે સંકળાયેલા હતા.
ચહેરા પર ખુશી સાથે શાલિની જણાવે છે કે, કોઈને શંકા નથી થઈ કે મારે મેડિકલ ફીલ્ડ સાથે કોઈ લેવાદેવા નથી. તેહઝીબ કાઝીએ આ સમગ્ર ઓપરેશનની સફળતાનો શ્રેય ટીમની મહેનતને આપ્યો છે. તેઓ જણાવે છે કે, આ સંપૂર્ણપણે બ્લાઈન્ડ કેસ હતો. અમને એક અજાણી વ્યક્તિ તરફથી ફરિયાદ મળી હતી જેમાં સીનિયર અને જૂનિયર વિદ્યાર્થીઓ વચ્ચે વોટ્સએપ પર થયેલી વાતચીતના સ્ક્રીનશોટ પણ હતા. મેસેજમાં તે સ્થળોના નામ પણ હતા જ્યાં વિદ્યાર્થીઓને રેગિંગ માટે બોલાવવામાં આવતા હતા. વિદ્યાર્થીઓ સાથે વાત કરવા માટે અન્ડરકવર ટીમે કોલેજ અને હોસ્ટેલની મુલાકાત લીધી હતી.
તેમણે વધુમાં જણાવ્યું કે, તપાસ અધિકારી સત્યજીત ચૌહાણ કેમ્પસમાં ઘણી વાર ગયા હતા જેથી વિદ્યાર્થીઓ વિરુદ્ધ પુરાવા એકઠા કરી શકાય. પરંતુ લોકો પોલીસને જોઈને ડરી જતા હતા અને આરોપીઓ નાસી જતા હતા. માટે અમે આ ઉપાય વિચાર્યો અને શાલિનીને કામ સોંપ્યું. તે એક કોલેજ જતી યુવતીની જેમ જ દેખાય છે અને વાતચીત કરવાનો અંદાજ પણ ઘણો સારો છે. માટે વિદ્યાર્થીઓ તેમના પર વિશ્વાસ કરી શકતા હતા.
શાલિની જણાવે છે કે, આ દેખાય છે તેટલું સરળ કામ નહોતું. મને મારા સીનિયર કર્મીઓએ સલાહ આપી હતી કે વિદ્યાર્થીઓ સાથે એવી રીતે વાત કરવી જોઈએ કે તેમને મારી સાથે સામે વાત કરવામાં સરળતા રહે. ઘણી વાર મારે એવી વાત કરવી પડતી હતી કે તેમને વિશ્વાસ થાય કે હું તમામ બાબતોથી જાણકાર છુ. હું રેગિંગને લગતા મારા મનઘડત કિસ્સા કહેતી હતી, જે સાંભળીને અન્ય વિદ્યાર્થીઓ પોતાના અનુભવ શેર કરવા બેસી જતા હતા અને મને ઘણી જાણકારી મળતી હતી.
સત્યજીત ચૌહાણ જણાવે છે કે, અમે આ કેસ માટે યંગ મેલ પોલીસની પણ મદદ લીધી છે. સંજય અને રિંકુ જેવા નવા જોડાયેલા પોલીસકર્મીઓને અમે કેમ્પસમાં મોકલ્યા અને વિદ્યાર્થીઓ સાથે વાત કરવાનું કામ સોંપ્યું. તેઓ શાલિનીના સંપર્કમાં રહેતા હતા. શાલિની જણાવે છે કે, હું બેસીને આ 11 વિદ્યાર્થીઓને જોતી હતી. તેમનું વર્તન ઘણું જ ઉદ્ધત હતું. તેઓ હંમેશા ગુસ્સામાં રહેતા હતા. સીનિયર વિદ્યાર્થીઓ નવા વિદ્યાર્થીઓ પાસે વાંધાજનક કાર્યો કરાવતા હતા. તેઓ વિદ્યાર્થીઓને સરનામું આપતા હતા જ્યાં તેમણે પહોંચવાનુ રહેતુ હતું. અન્ય અન્ડરકવર એજન્ટ્સ દ્વારા પ્રાપ્ત જાણકારીની મદદથી અમે ઓળખ કરી કે આ તે જ સ્થળો છે જ્યાં આરોપી વિદ્યાર્થીઓ ભાડાના ફ્લેટમાં રહે છે.
પ્રાપ્ત જાણકારી અનુસાર, 11 શંકાસ્પદ વિદ્યાર્થીઓમાંથી નવ મધ્યપ્રદેશના છે, એક પશ્ચિમ બંગાળનો છે જ્યારે એક બિહારનો છે. ગુરુવારના રોજ જ્યારે તેમને પોલીસ સ્ટેશન બોલાવવામાં આવ્યા ત્યારે તેમની આંખો પહોળી થઈ ગઈ હતી. CrPCની કલમ 41A અંતર્ગત તેમને નોટિસ મોકલવામાં આવી છે. પોલીસના જણાવ્યા અનુસાર, તમામ આરોપી વિદ્યાર્થીઓ મધ્યમવર્ગીય પરિવારથી આવે છે. તેઓ શિક્ષક, ટેકી, ખેડૂત વગેરેના બાળકો છે. એકના પિતા તો પોલીસકર્મી છે. MGM તંત્ર દ્વારા તેમને સસ્પેન્ડ કરવામાં આવ્યા છે. તેઓ 3 મહિના સુધી કોલેજ અથવા હોસ્ટેલમાં પગ નહીં મૂકી શકે.