અનોખા લગ્નઃ 11KM દોડીને લગ્નમાં પહોંચ્યો વરરાજો, સાથે જાનૈયા પણ દોડ્યા

ઈંદોરઃ મધ્યપ્રદેશના ઈંદોરમાં બેન્ડવાજા વગર એક અનોખી જાન જોવા મળી. જેને જોઈને રોડ પર સૌકોઈ ચોંકી ગયા હતા. કારણ કે વરરાજો શેરવાનીમાં દોડતો હતો તેની પાછળ 50થી વધારે લોકોની જાન પણ દોડી રહી હતી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો આ જાન ઈન્દોરના ગણેશ નગરમાં રહેતા ફિજિકલ ટ્રેનર નીરજ માલવીયની હતી. તેણે શહેરના માલવીય દશેરા મેદાનથી સંગમ નગર સુધી 11 કિમી દોડીને જાન લઈને પહોંચ્યો હતો. આ અંગે કન્યા(બ્રાઈડ) નિકિતા બિલ્લોરે કહ્યું કે, ‘મેં ક્યારેય વિચાર્યું પણ નહોતું કે મારી જાન આવી રીતે આવશે.’ વરરાજાના આ પગલાથી તેની બ્રાઈડ ઈમ્પ્રેસ થઈ ગઈ. વરરાજા નીરજે જણાવ્યું કે, ‘હું મારા લગ્ને ખાસ બનાવવા માગતો હતો, એટલા માટે લગ્નમાં દોડતા જાન લઈ જવાનો પ્લાન બનાવ્યો. જ્યારે આ પ્લાન અંગે મેં પરિવારમાં વાત કરી તો કેટલાકે વિરોધ કર્યો, પરંતુ તેની પાછળનું કારણ જણાવ્યા બાદ બધાએ મારા નિર્ણયને માન્ય રાખ્યો.’ જ્યારે અમે ઘરેથી બહાર નીકળ્યા ત્યારે ઘોડી પર બેસેલો હતો પરંતુ જેવા ઘરની થોડા આગળ ગયા કે અમે દોડવાનું શરૂ કર્યું. જેમાં મારી સાથે 18 થી 70 વર્ષ સુધીના તમામ ઉંમરના લોકોએ સ્વેચ્છાએ જાનમાં દોડ લગાવી.