અલીગઢઃ લગ્નમાં લડી પડ્યા બે સાઢુભાઈ, રોકવા પહોંચેલી પોલીસ પર કરી દીધો હુમલો

ઉત્તરપ્રદેશના અલીગઢમાં લગ્ન સમારોહ દરમિયાન બે સાઢુભાઈઓ વચ્ચેની લડાઈમાં પોલીસની એન્ટ્રી થતા માથકૂટ વધી ગઈ. વચ્ચે પડેલી પોલીસને પણ તેમણે હુમલો કરી દધો હતો. આ ઘટના બાદ સ્થાનિક ધારાસભ્યો ઘટના સ્થળે પહોંચી ગયા હતા. પોલીસે બે લોકોને કસ્ટડીમાં લીધા હતા. એસએસપીના આદેશથી પોલીસ ઉપર હુમલો અને અભદ્રતાના કેસની એફઆઈઆર નોંધવામાં આવી છે.

ગાંધીપાર્ક પોલીસ સ્ટેશન વિસ્તારમાં આવેલી નૌરંગાબાદ મુખિયા જીની ધર્મશાળામાં ગઈકાલે રાત્રે લગ્નનો કાર્યક્રમ હતો. અહીં પોલીસને બાતમી મળી હતી કે ઝઘડો થયો છે. બાતમી મળતાં ચોકી ઈન્ચાર્જ 112 ડાયલ સાથે ઘટના સ્થળે પહોંચ્યા હતા. સમારોહમાં બે જીજાજી વચ્ચે ઝઘડો થયો હતો.

એવું કહેવામાં આવે છે કે દાવત માટે વિવાદ શરૂ થયો હતો. જે બાદ બંને સાઢુના પક્ષના લોકો સામ-સામે આવી ગયા હતા. આ માથાકૂટને શાંત પાડતી વખતે તેમણે પોલીસકર્મીઓ વિરુદ્ધ અભદ્ર વર્તન પણ શરૂ કરાયું હતું. એવું કહેવામાં આવી રહ્યું છે કે ચોકી ઈન્ચાર્જ ઉપર હુમલો કરવામાં આવ્યો હતો. ત્યાર બાદ પોલીસે બે લોકોને અટકાયતમાં લઇને પોલીસ સ્ટેશન લાવ્યા હતા.

ઘટનાની માહિતી મળતાં ધારાસભ્ય અનિલ પરાશર પોલીસ સ્ટેશન પહોંચ્યા હતા. પોલીસ કસ્ટડીમાં લેવાયેલા બંને લોકોને તેઓએ બચાવ્યા. આ કેસમાં ધારાસભ્યએ કહ્યું કે બંને સગાં છે. ઝઘડો શાંત કર્યા પછી બંને સાથે સમાધાન કરાવ્યું હતું.

બીજી તરફ જ્યારે આ મામલો એસએસપીના ધ્યાનમાં આવ્યો ત્યારે તેણે અભદ્ર કાર્ય અને પોલીસ સાથે હુમલો કરવાના કેસમાં કડક કાર્યવાહી કરવા આદેશ આપ્યો હતો. આ કેસમાં એસએસપીએ સ્થળ પર મોડા પહોંચેલા એસએચઓ સામે કાર્યવાહી કરી છે સાથે પોલીસ સાથે અભદ્ર કરનારાઓ સામે એફઆઈઆર નોંધવાનો આદેશ આપ્યો છે.