નિયમ તોડીને મળ્યું હતું પ્રમોશન, ચાર ઓફિસરોને યોગી સરકારે બનાવ્યા પટ્ટાવાળા-ચોકીદાર

ઉત્તર પ્રદેશની યોગી સરકારે ભ્રષ્ટાચાર સામે કડક નિર્ણયો લેવાનું ચાલુ રાખ્યું છે. રાજ્ય સરકારે યુપીના માહિતી વિભાગમાં વધારાના જિલ્લા માહિતી અધિકારીઓનું ડિમોશન કરી તેમને પટાવાળા, ચોકીદાર, ઓપરેટર અને સહાયકો બનાવી દીધા છે.

યોગી સરકારે યુપીના માહિતી વિભાગમાં વધારાના જિલ્લા માહિતી અધિકારીઓને પટાવાળા, ચોકીદાર, ઓપરેટર્સ અને સહાયક બનાવ્યા તે અધિકારીઓને નિયમ વિરુધ્ધ અધિક જિલ્લા માહિતી અધિકારીઓ બનાવી દેવામાં આવ્યા હતા. આ ચારેય અધિકારીઓને તેમની મૂળ પોસ્ટ પર પરત મોકલવામાં આવ્યા હતા.


ઉત્તર પ્રદેશના માહિતી વિભાગમાં પ્રમોશન મેળવનારા 4 લોકોનું ડિમોશન કરવામાં આવ્યું છે. તેમના નામ નરસિંહ, દયાશંકર, વિનોદકુમાર શર્મા અને અનિલકુમાર સિંહ હોવાનું સામે આવ્યું છે. નરસિંહને પટાવાળા બનાવવામાં આવ્યા છે, દયાશંકરને ચોકીદાર તરીકે, વિનોદકુમાર શર્મા અને અનિલકુમાર સિંહને સિનેમા ઓપરેટરો કમ પ્રચાર સહાયક બનાવવામાં આવ્યા છે.