આધાર કાર્ડમાં ફોટો પસંદ નથી, તો આ રીતે બદલી શકો છો ફોટો

નવી દિલ્હીઃ કેન્દ્ર સરકારે ફરજિયાત કરેલું આધાર કાર્ડ, આજે સૌથી મહત્વનું દસ્તાવેજ બની ચૂક્યું છે. અભ્યાસથી માંડી બેન્ક અને અન્ય તમામ ક્ષેત્રે આધાર કાર્ડનું મહત્વ છે. સૌથી મહત્વપૂર્ણ ઓળખ પત્રમાંથી એક આધાર કાર્ડમાં વ્યક્તિની વસ્તી વિષયક અને બાયોમેટ્રિક એમ બંને માહિતી સામેલ છે. આધાર કાર્ડને અપડેટ કરવા માટે મુખ્ય બે પદ્ધતિઓ છે, પહેલી સેલ્ફ સર્વિસ અપડેટ પોર્ટલ અને બીજી આધાર કેન્દ્ર પર જઇને.

ઘણીવાર એવુ બને છે કે, આધાર કાર્ડમાં કાર્ડ ધારકનો ફોટો કોઇ કારણોસર તેને પસંદ નથી આવતો. જે હવે બદલી શકાય એમ છે. જો તમે પણ આધાર ફોટોથી ખુશ નથી તો જાતે જ કેટલાક સ્ટેપને અનુકરણ કરીને આધારમાં રહેલો ફોટો બદલી શકો છે અથવા અપડેટ કરી શકો છો.
શું ચાલી રહ્યું છે મોદી-શાહના મનમાં? 24મીએ કાશ્મીરી નેતાઓ સાથે મોટી બેઠક
પોતાની આધાર માહિતી અપડેટ કરવા માટે કોઇ વ્યક્તિ નજીકના આધાર નોંધણી કેન્દ્ર પર જઇ શકે છે અથવા આધાર સેવા કેન્દ્ર ડાઉનલોડ કરી શકે છે. આધાર સેવા કેન્દ્રને ડાઉનલોડ કર્યા બાદ ફોર્મને સચોટ માહિતી સાથે ધ્યાનથી ભરવાનું રહેશે. ફોર્મને એક્ઝિક્યુટ પાસે જમા કરાવો અને બાયોમેટ્રિક આપો. એક્ઝિક્યુટિવ ફોર્મ લીધા બાદ તમારી લાઇવ ફોટો લેશે. માહિતી અપડેટ કરવા માટે 25 રુપિયા ઉપરાંત GST ચાર્જ આપવાનો રહે છે. આધાર ડિટેલ્સને અપડેટ કરવા માટે એક્ઝિક્યુટિવ દ્વારા તમામ જરુરી પ્રક્રિયાઓ પૂરી થયા પછી તમને એક URN સાથે પાવતી આપવામાં આવશે. અપડેટ માહિતીને ટ્રેક કરવા માટે Update Request Number નો ઉપયોગ કરી શકાય છે.
ધોરણ 10 અને 12ના રિપીટર વિદ્યાર્થીઓની 15 જુલાઈએ યોજાશે બોર્ડની એક્ઝામ
આધારમાં નવો ફોટો અપડેટ થયા પછી કોપણ આધાર કાર્ડને સરળતાથી ડાઉનલોડ કરી શકે છે. આધાર કાર્ડ ડાઉનલોડ કરવા માટે UIDAI પોર્ટલ પર જવાનું રહેશે. જે પછી નોર્મલ કે માસ્ક્ડ આધાર કાર્ડ ડાઉનલોડ કરવા માટે પસંદ કરી શકો છો. આધાર અપડેટ પછી આધાર ડિટેલ્સને mAadhaar એપમાં રિફ્રેશ કરવાની રહેશે અને ડીજી લોકર (Digi Locker)માં પણ અપડેટ કરવાનું રહેશે.
સ્માર્ટફોન ખરીદવાનું વિચારી રહ્યા છો? તો પહેલા આ જાણી લેજો
આધાર કાર્ડમામં ફોટો બદલવા માટે કોઇ દસ્તાવેજની જરુર નથી, કારણ કે આ માટે કોઇ ફોટો જમા કરવાની જરુર પડતી નથી. હાજર કર્મચારી વેબકેમનો ઉપયોગ કરી ત્યાંજ નવી ફોટો ખેંચી લે છે. આધાર કાર્ડમાં નવી માહિતી અપડેટ કરવા માટે ઓછામાં ઓછા 90 દિવસની સમયમર્યાદા છે. URNની મદદથી આધાર અપડેટને ટ્રેક કરી શકો છો.

Self-Service Update Portal (SSUP) દ્વારા આધાર કાર્ડમાં ફોટો બદલવાની કોઇ ઓનલાઇન પ્રોસેસ નથી.