રદ અને રિશિડ્યુલ ફ્લાઈટ્સના કારણે અમેરિકા જતાં વિદ્યાર્થીઓ મુશ્કેલીમાં

યોગ્ય વિઝા ધરાવતા ભારતીય વિદ્યાર્થીઓ ઓગસ્ટમાં અમેરિકા જઈને તેમની યુનિવર્સિટીમાં અભ્યાસ શરૂ કરી શકે છે, પરંતુ છેલ્લા કેટલાક સપ્તાહથી ઘણા વિદ્યાર્થીઓએ જોયું કે તેમની ફ્લાઈટ્સ રદ થઈ છે અથવા તો તેના શિડ્યુલમાં ફેરફાર થયો છે. એર ઈન્ડિયાના સૂત્રોએ જણાવ્યું છે કે ભારતમાંથી અમેરિકા જનારા અન્ય કેટેગરીના પેસેન્જર્સ પર લગાવવામાં આવેલા પ્રતિબંધને લઈને આવું થઈ રહ્યું છે.

4 મેએ અમેરિકાએ ભારતમાંથી આવનારા નોન-ઈમિગ્રન્ટ કેટેગરી પર પ્રતિબંધ લગાવ્યો હતો. એર ઈન્ડિયાના સૂત્રોએ જણાવ્યું હતું કે કોરોનાના કેસ ઓછા થઈ રહ્યા છે જેના કારણે અમેરિકા જનારા મુસાફરો નિયંત્રણોમાં રાહતની અપેક્ષા રાખી રહ્યા છે. આવી અપેક્ષા રાખીને તેમણે અમેરિકાની ફ્લાઈટની ટિકિટો બૂક કરવાની હતી. પરંતુ હજી સુધી નિયંત્રણો ઉઠાવવામાં આવ્યા નથી તેથી આ કેટેગરીમાં આવતા મુસાફરોએ ટિકિટો રદ કરાવી રહ્યા છે.

અમેરિકા જનારી અમારી ઘણી બધી ફ્લાઈટ્સ સંપૂર્ણપણે બૂક હતી પરંતુ હવે ઘણી સીટો ખાલી થઈ છે જેના કારણે અમે ફ્લાઈટ્સ રદ કરવી પડી રહી છે અથવા તો તેને રિશિડ્યુલ કરવાની ફરજ પડી રહી છે. જે વિદ્યાર્થીઓએ આ ફ્લાઈટ્સમાં ટિકિટો બૂક કરાવી છે તેમને પણ નુકસાન થઈ રહ્યું છે તેમ સૂત્રોએ જણાવ્યું હતું.

બે વર્ષ અગાઉ અજય આનંદે (નામ બદલ્યું છે) દિલ્હી-ન્યૂયોર્ક ફ્લાઈટની 10 ઓગસ્ટની એર ઈન્ડિયાની રિટર્ન ટિકિટ 70,000 રૂપિયામાં ખરીદી હતી. આ સપ્તાહે એરલાઈન વેબસાઈટ પર હતું કે તેનું બૂકિંગ હવે બદલાઈ ગયું છે અને તેને કોલ સેન્ટરમાં ફોન કરવાનું કહ્યું હતું.

અજય આનંદે જણાવ્યું હતું કે, મેં એર ઈન્ડિયાના કોલ સેન્ટરમાં ઘણા બધા ફોન કર્યા હતા, તેમણે મારા ફોન હોલ્ડ પર રાખ્યા હતા પરંતુ તેમ છતાં હજી મારી ટિકિટ રિશિડ્યુલ થઈ નથી. તેથી મેં મારી એર ઈન્ડિયાની ટિકિટ કેન્સલ કરાવી હતી અને યુનાઈટેડ ફ્લાઈટની રિટર્ન ટિકિટ કરાવી હતી જેના માટે મારે 1.50 લાખ રૂપિયા ખર્ચવા પડ્યા. આ ફ્લાઈટ ફ્રેન્કફર્ટ થઈને આવશે. હાલમાં દુબઈ અને લંડન જેવા લોકપ્રિય ટ્રાન્સિટ હબ ભારતીયો માટે બંધ છે. તેથી અમેરિકા જવા માટેના વિકલ્પો ઘણા ઓછા છે અને ભાડા વધી ગયા છે.

એર ઈન્ડિયાના એક પ્રવક્તાએ જણાવ્યું હતું કે 4 મે બાદ અમેરિકાએ ભારતથી આવતા એર ટ્રાફિક પર પ્રતિબંધ મૂક્યો છે તેથી એર ઈન્ડિયાની અમેરિકા જતી ફ્લાઈટ રદ કરવી પડી છે અથવા તો રિશિડ્યુલ કરવી પડી છે. નોંધનીય છે કે અમેરિકાએ એફ-1 અથવા તો એમ-1ના વેલિડ વીઝા ધરાવતા વિદ્યાર્થીઓને મંજૂરી આપી છે જેથી કરીને તેઓ 1 ઓગસ્ટ કે ત્યારપછી શરૂ થઈ રહેલા એકેડેમિક અભ્યાસને ચાલું રાખી શકે.