US જવાનું સપનું રોળાયું: મેક્સિકોથી ડિપોર્ટ થયેલા 311 ભારતીયોએ વર્ણવી ભયાનક દાસ્તાન

સોમરીત ભટ્ટાચાર્ય & પંખુરી યાદવ, નવી દિલ્હીઃ અમેરિકામાં ચોરી-છુપે પ્રવેશ કરવા માટે ગેરકાયદેસર રીતે મેક્સિકો પહોંચેલા 300થી વધુ ભારતીય નાગરિકોને મેક્સિકોએ પરત ભારત ડિપોર્ટ કરતા શુક્રવારે સવારે નવી દિલ્હી એરપોર્ટ પર પરત ફર્યા હતા. અમેરિકા જઈને વધુ સારા જીવનની આશામાં લાખો રુપિયા એજન્ટોને આપનાર આ લોકોની તમામ આશાઓ પર પાણી ફરી વળ્યું છે. અમેરિકન ડ્રિમનો બિહામણો ચહેરો જોયા બાદ આ લોકો ભારત પહોંચીને હવે ખુશ દેખાઈ રહ્યા છે. તેમાંથી કેટલાકે પોતાની આપવીતી જણાવી હતી જે સાંભળીને રુંવાડા ઉભા થઈ જશે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:ડિપોર્ટ થઈને ભારત પરત ફરેલા જશ્નપ્રીત સિંહએ કહ્યું કે, ‘અમે સવારે 5 વાગ્યે ભારત પહોંચ્યા પરંતુ ઔપચારિક્તાઓ પૂરી કરવામાં બપોરના 1 વાગી ગયા.’ ડિપોર્ટ થઈને ભારત આવેલા 311 લોકો પૈકી મોટાભાગના પંજાબ અને હરિયાણાના નિવાસી છે. જ્યારે કેટલાક ગુજરાત અને અન્ય રાજ્યોના પણ લોકો સામેલ છે. આ જૂથમાં સામેલ એક 19 વર્ષના મનદીપ સિંહ હતો જેણે પહેલા તો ભારતમાં જ કેટલીક સરકારી નોકરી માટે પ્રયાસ કર્યા પરંતુ વિફળ થતા પટિયાલા છોડી દીધું અને અમેરિકન ડ્રીમ લઈને એજન્ટને 20 લાખ રુપિયા આપ્યા.મનદીપે પોતાનો અનુભવ વર્ણવતા કહ્યું કે, ‘તેઓ સાત દેશોમાંથી પસાર થયા હતા. સૌથી પહેલા તે ઇક્વાડોર પહોંચ્યો હતો અને છેલ્લે મેક્સિકો. હું 9 મેના રોજ ભારતથી નીકળીને ઇક્વાડોર પહોંચ્યો. મારી સાથે બીજા પણ કેટલાક લોકો હતા.’ જ્યાંથી અમે કોલંબિયા અને પછી પનામા પહોંચ્યા. પનામામાં અમે 7 દિવસ સુધી ખૂબ જ ઘોર જંગલમાં રહ્યા. જ્યાં ચારેતરફ જીવજંતુ અને ઝાડીઝાંખરામાં અમે ભટકતા રહ્યા. નિકારાગુઆમાં અમે 3 કલાક જંગલમાં ચાલતા ચાલતા પસાર કર્યા. જંગલમાંથી નીકળતા જ પોલીસે અમને પકડી લીધા અને એક બસમાં હોંડુરાસ મોકલી દીધા.મનદીપે કહ્યું કે પનામાના જંગલોમાંથી પસાર થતા અમે અનેક મૃતદેહો જોયા જે કદાચ તેના જેવા જ લોકોના હતા જેઓ અમેરિકન ડ્રીમની પાછળ આંધળી દોટ મુકી હતી. 12 સપ્ટેમ્બરના દિવસે અમે મેક્સિકો પહોંચ્યા અને ભારત ડીપોર્ટ થતા પહેલા ત્યાં 34 દિવસ સુધી કેમ્પમાં રહ્યા. મનદીપે કહ્યું કે ઇક્વાડોરથી મેક્સિકો સુધીનો પ્રવાસ એટલો આકરો નહોતો પરંતુ મેક્સિકો પહોંચતા જ દ્રશ્ય બદલાઈ ગયું. અહીં શિવિરોમાં જીવન બહારની જીંદગી કરતા વધારે કઠણ અને આકરું હતું.તેમણે ઉમેર્યું કે અમે અમેરિક બોર્ડરથી ફક્ત 800 કિમી જ દૂર હતા જ્યારે મેક્સિકન અધિકારીઓએ અમને પકડી લીધા અને ભારત ડીપોર્ટ કર્યા. આ અનુભવ એટલો ભયાવહ હતો કે હું ક્યારેય નહીં જાઉં અને કોઈને આવું કરવાની સલાહ પણ નહીં આપું. આવું જ કંઈક હરિયાણાનો 22 વર્ષીય યુવક સાહિલ મલિક પણ કહે છે. જે 5 જૂને દિલ્હીથી ઇક્વાડોર જવા રવાના થયો. તેણે કહ્યું અમે ત્યાંથી જુદા જુદા વાહનો દ્વારા મેક્સિકો પહોંચ્યા. મોટા ભાગે બસોમાં બેસીને સરહદો ઓળંગી.તેવીજ રીતે જલંધરની રહેવાસી એકમાત્ર મહિલા પ્રવાસી કમલજીત કૌર(34) કહ્યું કે પતિ અને દીકરા સાથે અમેરિકા પહોંચવા માટે તેણે 34 લાખ રુપિયા ખર્ચ કર્યા પરંતુ બધુ જ હવે પાણીમાં ગયું. તેવી જ રીતે અન્ય એક વ્યક્તિ સોમબીર સૈનીએ પણ મેક્સિકોના તપાચુલા શરણાર્તી શિબિરમાં રહેવાની અમાનવી સ્થિતિ અંગે ફરિયાદ કરી. તેમણે કહ્યું કે જંગલોનો પ્રવાસ પણ એટલો આકરો નહતો જેટલું આ શિબિરમાં રહેવાનું હતું.આ શિબિરમાં જુદા જુદા દેશના 6000-7000 લોકો રહેતા હતા. દિવસમાં ફક્ત એકવાર જ પાણી મળતું હતું. મેડિકલની પણ સુવિધા નહોતી. દરેક રોગીને એક જ દવા આપવામાં આવતી હતી પછી તેને ગમે તે બીમારી હોય. શિબિરમાં ભાગ્યે જ એકાદી વસ્તુ તમને શાકાહારી મળતી હતી બાકી મોટાભાગે ગૌમાંસ જ આપવામાં આવતું હતું. જે બાદ 25 સપ્ટેમ્બરથી અમે બે દિવસ સતત વિરોધ કર્યો જે બાદ અમને રાજમા-ભાત આપવામાં આવ્યા હતા પરંતુ તે ખૂબજ થોડા હતા.મહત્વનું છે કે અમેરિકન રાષ્ટ્રપતિ ડોનાલ્ડ ટ્રમ્પે જૂન મહિનામાં ચેતવણી આપ્યા બાદ મેક્સિકોએ પોતાની સરહદમાંથી ગેરકાયદે અમેરિકામાં જતા લોકોને અટકાવવા માટે સહમતી દર્શાવતા સરહદની આસપાસ સુરક્ષા વ્યવસ્થઆ વધુ મજબૂત કરી છે.