વેક્સીન ટૂરિઝમ: 'USની 4 ડે ટ્રિપમાં વેક્સીન લગડાવીને પાછા આવો', ટ્રાવેલ કંપનીની ઓફર

નવી દિલ્હી/મુંબઈ: કોરોના વાયરસની રસી આવતા વર્ષે જાન્યુઆરી સુધીમાં ભારતમાં આવે તેવી સંભાવના છે. પરંતુ સામાન્ય લોકો તે ઘણા મહિના પછી મળશે. સરકાર શરૂઆતમાં પ્રાયોરિટી ગ્રુપ્સને વેક્સીન આપશે. જો કે, અમેરિકામાં ડિસેમ્બરના અંત સુધીમાં કોરોના રસીકરણ શરૂ થઈ શકે છે. આવી સ્થિતિમાં મુંબઇની એક કંપની લોકો અમેરિકામાં 4 દિવસ રોકાઈ શકે અને વેક્સીન લગડાવી શકે તેવો ઓફર લઈને આવી છે. કંપનીના 1.75 લાખના પેકેજનો મેસેજ કેટલાય દિવસથી વોટ્સએપ પર વાયરલ થઈ રહ્યો છે. કપંની આને 'વેક્સીન ટૂરિઝમ' કહી રહી છે.

શું છે કંપનીનો મેસેજ?
ટ્રાવેલ કંપનીના ટીઝર મેસેજમાં લખ્યું છે, ‘બી એમન્ગ ધ ફર્સ્ટ ટુ ગેટ કોરોના વેક્સિન’(કોરોના વેક્સિન મેળવનારા લોકોમાં તમે પ્રથમ વ્યક્તિ બનો)’. વ્હોટ્સએપ પર ફરતા આ મેસેજમાં લખ્યું છે, ‘જેવી ફાઈઝર વેક્સિન અમેરિકામાં વેચાણ માટે રજૂ થશે (ટેન્ટેટિવ તારીખ 11 ડિસેમ્બર) તો અમે પસંદગીના કેટલાક વીવીઆઈપી ક્લાયન્ટ્સ માટે રસી ઉપલબ્ધ કરાવવા અમે તૈયાર છીએ.’ આ પેકેજમાં મુંબઇથી ન્યૂયોર્ક આવા-જવાનું ભાડું, ત્રણ રાત અને ચાર દિવસનો સ્ટે વિધ બ્રેકફાસ્ટ અને વેક્સીનનો એક ડોઝ મળશે. મેસેજમાં જે નંબર હતો તે સોમવારે સતત વ્યસ્ત આવતો હતો.

ટ્રાવેલ કંપની દ્વારા એક ડિસ્ક્લેમર પણ મેસેજમાં મળે છે અને તેમાં જણાવાયું છે, ‘ અમે વેક્સિન ટૂરિઝમ’ વિકસાવી રહ્યા છીએ. અમારી પાસે કોઈ રસી નથી કે અમે રસી બનાવી રહ્યા નથી. અમે જે કંઈ વ્યવસ્થા કરીશું એ અમેરિકન કાયદાઓ અનુસાર રહેશે. અમે માત્ર તમારી જરૂરિયાત પૂરી કરીશું. હાલમાં કોઈ ટાઈમ ફ્રેમનું વચન આપતા નથી. અમે કોઈ એડવાન્સ કે ડિપોઝિટ પણ લઈ રહ્યા નથી. અમે તમારા નામ, ઈ-મેલ, મોબાઈલ, ઉંમર, કોઈ શારીરિક સમસ્યા અને પાસપોર્ટ કોપી સાથે રજિસ્ટ્રેશન જ કરી રહ્યા છીએ. બાકીનું બધું જ કામ અમેરિકન હેલ્થ ડિપાર્ટમેન્ટની અધિકૃત મંજૂરી અનુસાર થશે.

રસીની કોઈ ગેરંટી નથી
ડિસ્ક્લેમરના મેસેજમાં જણાવાયું છે કે, જ્યાં સુધી તેઓ અમેરિકન નાગરિકો સિવાયના લોકોને રસીના અધિકૃત વેચાણની ઘોષણા નહીં કરે ત્યાં સુધી અમે તમને રસી આપી શકીશું નહીં.’ અનેક વખત પ્રયાસ કરવા છતાંય અમારા સહયોગી અખબાર ટાઈમ્સ ઓફ ઈન્ડિયાનો ટ્રાવેલ કંપની સાથે કોઈ સંપર્ક થઈ શક્યો નહોતો.