પત્નીને નોટોના બંડલ પર સૂવડાવતો એન્જિનિયર, પલંગ નીચે કેશ મળતા અધિકારી ચોંક્યા

પટણા/કિશનગંજ: અપ્રમાણસર મિલ્કત કેસમાં સર્વેલન્સ ઇન્વેસ્ટિગેશન બ્યુરોની ટીમે દરોડો પાડ્યો. આ દરોડા ગ્રામીણ બાંધકામ વિભાગના એન્જિનિયર સંજય કુમાર અને કેશિયર ખુર્રમ સુલતાનના ઘરે પડ્યા હતા. આ દરોડામાં મોટી માત્રામાં રોકડ, ઝવેરાત અને બેંક દસ્તાવેજો મળી આવ્યા છે. મળતી માહિતી મુજબ અલગ અલગ જગ્યાએથી કરોડો રૂપિયાની રોકડ, બેંક પાસબુક, જ્વેલરી અને ઘણા દસ્તાવેજો મળી આવ્યા છે. દરોડા દરમિયાન જાણવા મળ્યું હતું કે એન્જિનિયર તેની કમાણીનો એક ભાગ તેના સહયોગીઓના ઠેકાણા પર રાખે છે. અહીં દાનાપુરમાં સંજય કુમારના પલંગની નીચેથી એક કરોડ રૂપિયાથી વધુ રકમ મળી આવી છે.

અપ્રણાસર મિલ્કતના સંબંધમાં કરી રહી રેડ
સર્વેલન્સ વિભાગના જણાવ્યા અનુસાર, અપ્રમાણસર સંપત્તિના સંપાદનના સંબંધમાં કુલ ત્રણ ટીમોએ કિશનગંજ અને પટણામાં અલગ-અલગ સ્થળોએ દરોડા પાડ્યા હતા. તેમણે કહ્યું કે ટીમે રૂઈધસા મોહલ્લા ખાતે કાર્યકારી ઈજનેરનાં નિવાસસ્થાને દરોડો પાડ્યો હતો. આ પછી અન્ય જગ્યાઓ શોધી કાઢવામાં આવી હતી અને તે મુજબ કામગીરી આગળ ધપાવવામાં આવી રહી છે.

5 કરોડ રૂપિયાની રોકડ મળતા ખળભળાટ મચ્યો
સુત્રો પાસેથી મળતી માહિતી મુજબ અત્યાર સુધીમાં 5 કરોડ રૂપિયાની વસુલાત કરવામાં આવી છે. કહેવામાં આવી રહ્યું છે કે હાલમાં ચારથી પાંચ જગ્યાએ દરોડા પાડવામાં આવી રહ્યા છે. તે જ સમયે, દાનાપુર સ્થિત સંજય કુમાર રાયના ઘરેથી લગભગ એક કરોડ રોકડ, લાખોની કિંમતના ઘરેણાં, જમીન અને ફિક્સ ડિપોઝિટના કાગળો મળી આવ્યા છે. પ્રાપ્ત માહિતી અનુસાર, મોટાભાગની રોકડ પલંગની નીચેથી મળી આવી છે. એટલે કે, તે પત્ની અને બાળકોને કરોડો રૂપિયાની નોટોના બંડલની ઉપર સૂવડાવતો હતો.