મુંબઈને મળશે બુલેટ ટ્રેનનો પણ બાપ, થઈ ડીલ

I am Gujarat

અત્યાધુનિક ટેક્નોલોજીથી તૈયાર હાઇપરલૂપ

દેશની આર્થિક રાજધાનીથી અમદાવાદ વચ્ચે બુલેટ ટ્રેન પ્રોજેક્ટનું કામ ચર્ચામાં છે ત્યાં મુંબઇના લોકોને બુલેટ કરતા પણ બમણી સ્પીડથી ચાલતા હાઇપરલૂપની ભેટ મળવાની છે. મુંબઇ-પુણેને હાઇપરલૂપથી જોડવા માટે અમેરિકન કંપની વર્જિન ગ્રુપે મહારાષ્ટ્ર સરકાર સાથે ઇન્ટેન્ટ એગ્રીમેન્ટ સાઇન કરવાની જાહેરાત કરી છે. નોંધનીય છે કે કંપનીનો દાવો છે કે આ ટેક્નીકથી 1000 કિ.મીની સફર માત્ર એક જ કલાકમાં પૂરી થશે તેમજ મુંબઇ અને પુણે વચ્ચે માત્ર 13 મિનિટમાં પહોંચી શકાશે.

નવેમ્બર 2017માં કર્યો હતો કરાર

બદલી નાખશે યાત્રાનો અનુભવ

એક કલાકની મુસાફરી માત્ર 6 મિનિટમાં

આ પહેલા આંધ્ર પ્રદેશ સરકારે વિજયવાડા અને અમરાવતી શહેરોને હાઇપરલૂપથી જોડવા માટે અમેરિકન કંપની હાઇપરલૂપ ટ્રાન્સપોર્ટેશન ટેક્નોલોજી (એચટીટી) સાથે સમજૂતી કરી હતી. બન્ને શહેરો વચ્ચે એક કલાકની મુસાફરી માત્ર 5થી 6 મિનિટમાં જ થઇ શકશે. હાલ અમેરિકા, કેનાડા, ફિનલેન્ડ અને નેધરલેન્ડમાં હાઇપરલૂપ પર કામ થઇ રહ્યું છે.

શું છે હાઇપરલૂપ

હાઇપરલૂપ ટેસ્લાના સંસ્થાપક એલન મસ્કના મગજની ઉપજ છે. જેમણે વર્ષ 2013માં એક વ્હાઇટપેપર તરીકે હાઇપરલૂપની ડિઝાઇનથી વર્લ્ડમાં તહેલકો મચાવ્યો હતો. હાઇપરલૂપ એક ટ્યૂબ ટ્રાન્સપોર્ટ ટેક્નોલોજી છે. જે અંતર્ગત થાંભલાઓ પર એક ટ્યૂબ રાખવામાં આવે છે. જેની અંદર બુલેટ જેવી લાંબી સિંગલ બોગી હવામાં તરતી ચાલે છે. વેક્યૂમ ટ્યૂબમાં કેપ્સ્યૂલને ચુંબકિય શક્તિથી ચલાવવામાં આવે છે. વીજળી ઉપરાંત આ ટેક્નોલોજીમાં સૌર અને પવન ઉર્જાનો પણ ઉપયોગ કરવામાં આવે છે. જેમાં વીજળીનો ઓછો ખર્ચ છે અને પ્રદૂષણ નહીંવત્ થાય છે.