આપત્તિને અવસરમાં બદલી : કોરોનાકાળમાં અહીંના ખેડૂતોએ બનાવી ઈમ્યુન બૂસ્ટિંગ કૉફી

વાયનાડ: સમયની ડિમાન્ડને ધ્યાનમાં લઈને વાયનાડમાં વેવીન ફાર્મર પ્રૉડ્યૂસર કંપનીએ ઈમ્યુન કૉફી લૉન્ચ કરી છે. આ લોકલ રોબુસ્તા કૉફી સાથે નવ ઔષધિઓ અને મસાલા જેવા કે, અશ્વગંધા, લવિંગ, કાળું જીરૂ, સૂંઠ, મરી અને ધાણાનું મિશ્રણ છે. આ તમામ મસાલા તેમના ઔષધિય ગુણો માટે ખૂબ પ્રચલિત છે.

કૉવિડ-19 મહામારીને કારણે સમગ્ર વિશ્વમાં 'ઈમ્યુન બૂસ્ટિંગ' પ્રૉડક્ટ્સની ડિમાન્ડ વધી છે અને અહીંના ખેડૂતોની પહેલથી આ બજારની ડિમાન્ડ પૂરી થઈ શકે તેવી આશા છે. વેવીન FPCના CEO જીનુ થોમસે જણાવ્યું કે, ચૂક્કુ (સૂકું આદુ) કૉફી ઘણા સમયથી માર્કેટમાં છે, ઈમ્યુન કૉફીમાં વધુ ઔષધિય ગુણધર્મો અને વધુ ઔષધિઓ છે.

તેમણે જણાવ્યું કે, આમાં અજમાના બી, તુલસી અને સૂંઠ જેવા મસાલા પણ છે, જેનો હેતુ ખેડૂતોનું વધુ લાભ પહોંચાડવાનો છે. ઈમ્યુન કૉફીને ઑનલાઈન વેચાણ માટે પણ મૂકવામાં આવી છે જેથી તે વધુ બજારોમાં પહોંચી શકે.

થોમસે જણાવ્યું કે, વેવિન FPCમાં 81 સભ્યો છે જેમની સાથે ઓપન માર્કેટમાં વેચવા માટે કૉફી બીન્સ લેવામાં આવે છે, જ્યારે કૉફી પાઉડર તૈયાર કરવા માટે કૉફી બીન્સ પસંદ કરાયેલા ખેડૂતો પાસેથી લેવામાં આવે છે જેથી સ્વાદ જાળવી શકાય.

વેવિન છેલ્લા ત્રણ વર્ષથી રિટેલ કૉફી પાઉડર સેગમેન્ટમાં હતી. થોમસે જણાવ્યું કે, FCP તેના વધારાના ઉપાયોથી કૉફીનો ઊંચો ભાવ મેળવી શકે છે. તેમણે જણાવ્યું કે, ઓપન માર્કેટમાં તેની કિંતમ 128 રૂપિયા પ્રતિ કિલો છે જ્યારે અમે ખેડૂતોને કૉફી બીન માટે 138 રૂપિયા પ્રતિ કિલો ચૂકવીએ છીએ.

કૉફી બોર્ડ ઑફ ઈન્ડિયાના એક અંદાજ અનુસાર, વાયનાડે 2018-19 દરમિયાન 58,450 ટન કૉફીનું ઉત્પાદન કર્યું હતું. વાયનાડ રોબુસ્તા કૉફીના ઉત્પાદન માટે જાણીતો વિસ્તાર છે અને કેરળની કુલ 80 ટકા કૉફીનું ઉત્પાદન અહીં થાય છે.