કોલકાતા: પશ્ચિમ બંગાળ વિધાનસભા ચૂંટણી માટે મંગળવારે બીજા તબક્કાનો પ્રચાર પૂરો થઈ ગયો. ચૂંટણી પ્રચારના છેલ્લા દિવસે પૂર્વ ક્રિકેટર અને ભાજપના ઉમેદવાર અશોક ડિંડા પર અજાણ્યા શખસોએ હુમલો કરી દીધો. ડિંડએ તૃણમૂળ કોંગ્રેસના કાર્યકર્તાઓ પર હુમલો કરવાનો આરોપ લગાવ્યો છે. તેમનું કહેવું છે કે, હુમલામાં તેમની કારના પાછળના ભાગનો કાચ તૂટી ગયો. હુમલાખોરોએ કાર પર પથ્થર પણ ફેંક્યા, જોકે આ હુમલામાં ડિંડાનો સદનસીબે બચાવ થયો છે. બીજી તરફ, ઘટના બાદ ચૂંટણી પંચે જિલ્લા વહીવટી તંત્ર પાસે આ અંગે રિપોર્ટ માગ્યો છે.
ડિંડાના મેનેજરે કહ્યું કે, 'આ ઘટના મોયના બજારની સામે બની, જ્યારે અમે રોડ શો કરીને પાછા આવી રહ્યા હતા. ત્યાં તૃણમૂલ કોંગ્રેસના એક સ્થાનિક ગુંડા શાહજહાં અલીએ અન્ય લગભગ 100 લોકોથી વધુ લોકોની સાથે મળીને લાકડીઓ, સળિયા અને ઈંટોથી હુમલો કરી દીધો.'
જોકે, તૃણમૂલ કોંગ્રેસે આરોપ નકાર્યા છે. ટીએમસીએ કહ્યું કે, આ હુમલો ભાજપના આંતરિક વિવાદનું એક પરિણામ છે. તૃણમૂલ કોંગ્રેસના જિલ્લા અધ્યક્ષ અખિલ ગિરિએ કહ્યું કે, ભાજપના જૂના લોકો ડિંડાનો પાર્ટીના ઉમેદવાર તરીકે સ્વીકારી કરી શકતા નથી, એટલે તેમણે તેમના પર હુમલો કર્યો. તેમણે કહ્યું કે, તૃણમૂલ કોંગ્રેસને આ ઘટના સાથે કોઈ લેવાદેવા નથી.
(પીટીઆઈના ઈનપુટ સાથે)
ડિંડાના મેનેજરે કહ્યું કે, 'આ ઘટના મોયના બજારની સામે બની, જ્યારે અમે રોડ શો કરીને પાછા આવી રહ્યા હતા. ત્યાં તૃણમૂલ કોંગ્રેસના એક સ્થાનિક ગુંડા શાહજહાં અલીએ અન્ય લગભગ 100 લોકોથી વધુ લોકોની સાથે મળીને લાકડીઓ, સળિયા અને ઈંટોથી હુમલો કરી દીધો.'
જોકે, તૃણમૂલ કોંગ્રેસે આરોપ નકાર્યા છે. ટીએમસીએ કહ્યું કે, આ હુમલો ભાજપના આંતરિક વિવાદનું એક પરિણામ છે. તૃણમૂલ કોંગ્રેસના જિલ્લા અધ્યક્ષ અખિલ ગિરિએ કહ્યું કે, ભાજપના જૂના લોકો ડિંડાનો પાર્ટીના ઉમેદવાર તરીકે સ્વીકારી કરી શકતા નથી, એટલે તેમણે તેમના પર હુમલો કર્યો. તેમણે કહ્યું કે, તૃણમૂલ કોંગ્રેસને આ ઘટના સાથે કોઈ લેવાદેવા નથી.
(પીટીઆઈના ઈનપુટ સાથે)