રાહુલ ગાંધીના 41 હજાર રૂપિયાના જે ટી-શર્ટ પર મચ્યો છે હંગામો તે કોણ બનાવે છે?

નવી દિલ્હી: કોંગ્રેસના પૂર્વ અધ્યક્ષ રાહુલ ગાંધી (Rahul Gandhi) ભારત જોડો (Bharat Jodo Yatra) પર નીકળ્યા છે. જોકે, તેમની આ યાત્રા તેમના ટી-શર્ટના કારણે વધુ ચર્ચામાં છે. ભાજપ (BJP)નો દાવો છે કે, તેની કિંમત 41 હજાર રૂપિયા છે. તે તેને લઈને કટાક્ષ કરી રહી છે. કોંગ્રેસે પણ તેનો જવાબ આપ્યો છે. દેશની સૌથી જૂની પાર્ટીએ ભાજપને ભૂતકાળ યાદ કરાવ્યો છે. તેણે વડાપ્રધાન નરેન્દ્ર મોદી (PM Narendra Modi)એ પહેરેલા સૂટ અને ચશ્માની કિંમતની વાત કરી પલટવાર કર્યો છે. સાથે જ એમ પણ કહેવાયું છે કે, 'ભારત જોડો' યાત્રામાં ઉમટેલી મેદનીથી ભાજપ ડરી ગયો છે. એ જ કારણ છે કે, આડી-અવળી વાતો કરી રહી છે. શનિવારે કેન્દ્રીય ગૃહ મંત્રી અમિત શાહ (Amit Shah)એ પણ રાહુલ ગાંધી પર આ ટી-શર્ટને લઈને કટાક્ષ કર્યો. તેમણે કહ્યું કે, રાહુલ ગાંધી વિદેશી ટી-શર્ટ પહેરીને ભારત જોડવા નીકળ્યા છે. આ પહેલા ભાજપે પોતાના ટ્વિટર હેન્ડલ પરથી રાહુલ ગાંધીની એક તસવીર શેર કરી હતી. તેણે દાવો કર્યો હતો કે, રાહુલ ગાંધીએ જે ટી-શર્ટ પહેર્યું છે, તેની કિંમત 41.257 રૂપિયા છે. ઘણા લોકો કહી રહ્યા છે કે, જોવામાં તો આ ટી-શર્ટ સામાન્ય લાગે છે. તેમાં એવા કયા હીરા લાગેલા છે કે તે આટલી મોંઘી છે. તો તમને જણાવી દઈએ કે આખો ખેલ બ્રાન્ડનો છે. રાહુલ ગાંધીની જે ટી-શર્ટને લઈને હંગામો થઈ રહ્યો છે, તે બર્બરી (Burberry)ની છે. ફેશન ઈન્ડસ્ટ્રીમાં બર્બરી જાણીતી બ્રાન્ડ છે. બર્બરી બ્રિટનની આઈકોનિક બ્રાન્ડ છે. 1856માં આ કંપનીનો પાયો નંખાયો હતો. જોત-જોતામાં તે પોતાના સ્ટાઈલિશ રેનવેર માટે લોકપ્રિય થઈ ગઈ હતી. બર્બરી બ્રાન્ડની સૌથી મોટી ખૂબી તેની ક્વોલિટી છે. આજની તારીખમાં બર્બરી લક્ઝરી ફેશન હાઉસ બની ચૂક્યું છે. તે ઘણા પ્રકારની એક્સેસરીઝ, બ્યૂટી પ્રોડક્ટ્સ અને એપરલ રેન્જનું મેન્યુફેક્ચરિંગ કરે છે.

3,570 કિમી, 12 રાજ્યો, 150 દિવસ: ફરી બેઠા થવા કોંગ્રેસની 'ભારત જોડો યાત્રા'
લક્ઝરી આઈટમ્સ બનાવવા માટે જાણીતી છે બ્રાન્ડ
બર્બરીને લક્ઝરી આઈટમ્સ માટે ઓળખવામાં આવે છે. તે પોતાની લક્ઝરી આઈટમ્સમાં ઘણા હાઈ ક્વોલિટી મટિરિયલનો ઉપયોગ કરે છે. એક રિસર્ચ રિપોર્ટ મુજબ, બર્બરી 10 સૌથી કિંમત લક્ઝરી બ્રાન્ડ્સમાંથી એક છે. બર્બરી પોતાની પ્રોડક્ટ્સને બનાવવામાં ઈકો-ફ્રેન્ડલી મટિરિયલ અને ઈકો-સર્ટિફાઈડ ટેનરીઝનો ઉપયોગ કરે છે.

પહેલા મોંઘી ઘડિયાળો પણ વેચતી હતી
બર્બરી ગ્લોબલ લક્ઝરી ફેશન હાઉસ છે. તેના મેન્યુફેક્ચરિંગ યુનિટ્સ દુનિયાના ઘણા દેશોમાં છે. તેમાં ઈંગ્લેન્ડ, સ્પેન, પોલેન્ડ, રોમાનિયા, ભારત અને ચીન સામેલ છે. બર્બરી પહેલા લક્ઝરી ઘડિયાળો પણ વેચતી હતી. જોકે, 2017માં તેણે તેનું વેચાણ બંધ કરી દીધું હતું. જોકે, ફેશન ગોગલ્સ અને કિડ્સ કલેક્શન રેન્જનું તે હજુ પણ વેચાણ કરે છે. તેનું પરફ્યુમ પણ ઉમદા ક્વોલિટીનું હોય છે. તેના આઉટલેટ દુનિયાભરમાં ફેલાયેલા છે.

'અમારી પાસે કોઈ બીજો રસ્તો બચ્યો નથી..' પીએમ મોદી પર વરસી પડેલા રાહુલ ગાંધી દુઃખી
ભાજપ પર કોંગ્રેસે કર્યો પલટવારભાજપે રાહુલ ગાંધીના ટી-શર્ટને લઈને શરૂ કરેલા પ્રહારોનો જવાબ આપતા કોંગ્રેસે કે ભારત જોડો યાત્રામાં ઉમટેલી મેદનીને જોઈને ભાજપ ડરી ગયો છે. કોંગ્રેસે પીએમ મોદીએ ભૂતકાળમાં પહેરેલા સૂટ અને ચશ્માની કિંમતનો ઉલ્લેખ કરતા ટ્વીટ કરી કે, 'અરે... ડરી ગયા કે શું? ભારત જોડો યાત્રામાં ઉમટેલી મેદનીને જોઈને. મુદ્દાની વાત કરો... બેરોજગારી અને મોંઘવારી પર બોલો. બાકી કપડાંની ચર્ચા કરવી છે, તો મોદીજીના 10 લાખના સૂટ અને 1.5 લાખના ચશ્મા સુધી વાત જશે.બોલો કરવી છે?'