બિહાર કરતા ઓછી વસ્તી ધરાવતા તામિલનાડુને કોરોનાની વધુ વેક્સીન કેમ?

નવી દિલ્હીઃ ભારતમાં કોરોના વાયરસની રસી અપ્રૂવ થયા બાદ મોટા પ્રમાણમાં રસીકરણ અભિયાન શરુ કરવામાં આવશે. સરકાર જુલાઈ સુધીમાં 25-30 કરોડ લોકોને વેક્સીન આપવાની તૈયારીમાં છે. હેલ્થ વર્કર્સ, ફ્રન્ટલાઈન વર્કર્સ સિવાય એ લોકોનો સમાવેશ થાય છે કે જેમની ઉંમર 50 વર્ષ કરતા વધુ છે અથવા તો જેઓને કો-મોર્બિડિટી છે. જે રાજ્યોમાં આવા લોકોની વસ્તી વધુ છે, તેમને વેક્સીનનો પૂરવઠો વધુ આપવામાં આવશે. 50 વર્ષ કરતા વધુ ઉંમરવાળા લોકોની વધુ વસ્તી ધરાવતું રાજ્ય ઉત્તરપ્રદેશમાં છે, જ્યારે મહારાષ્ટ્રમાં હાઈપરટેન્શન અને પશ્ચિમ બંગાળમાં ડાયાબિટીસના સૌથી વધુ દર્દીઓ છે. કેરળની એક તૃતિયાંસ વસ્તી 50 વર્ષ કરતા વધુ ઉંમરની છે અને અહીં હાઈપરટેન્શન અને ડાયાબિટીસના દર્દીઓ વધુ છે.

સરકારના રસીકરણ કાર્યક્રમ અનુસાર કોરોના વેક્સીન સૌથી પહેલા ફ્રન્ટલાઈન હેલ્થ વર્કર્સને આપવામાં આવશે. જેમાં ડૉક્ટર્સ, નર્સ, પેરામેડિક્સનો સમાવેશ થાય છે. બીજુ ગ્રુપ ફ્રન્ટલાઈન વર્કર્સનું છે. જેમાં સેના, પોલીસ અને જરુરી સેવાઓ સાથે જોડાયેલા લોકોનો સમાવેશ થાય છે. ચોથા ગ્રુપમાં એવા લોકો છે જેઓની ઉંમર 50 વર્ષ કરતા ઓછી છે અને તેમને ડાયાબિટીસ, હાઈપરટેન્શન જેવી અન્ય બીમારીઓ છે. કોરોના વેક્સીન માટે આ ચાર પ્રાથમિક ગ્રુપ નક્કી કરવામાં આવ્યા છે.

રાજ્યમાં વધુ વૃદ્ધો હશે તેમને વધારે ડોઝ મળશે

19.5% વસ્તી કે જેમાં 50% કરતા વધુ ઉંમરના લોકો છે, તેમને વેક્સીન આપવાની તૈયારી સરકાર દ્વારા કરાઈ રહી છે. એનો મતલબ એવો છે કે 50 કરતા ઓછી ઉંમરના લોકોમાં 1 કરોડ હેલ્થ સ્ટાફ અને 4 કરોડ ડાયાબિટીક્સ સિવાય 26.5 કરોડ લોકો અન્ય છે. કોરોના વેક્સીનની વહેંચણી એ રાજ્યોમાં વધારે થશે જ્યાં વૃદ્ધોની સંખ્યા વધુ છે.

કયા રાજ્યો વેક્સીન મેળવવામાં આગળ છે?

ઉત્તરપ્રદેશમાં માત્ર 15% વસ્તી 50 વર્ષની ઉપરના લોકોની છે, જ્યાં વસ્તી એટલી છે કે ત્યાં સૌથી વધુ વેક્સીન સપ્લાય કરાશે. આ પછી સૌથી વધુ 50 વર્ષથી વધુ ઉંમરના લોકો ધરાવતા રાજ્યોમાં મહારાષ્ટ્ર, પશ્ચિમ બંગાળ અને બિહારનો નંબર આવે છે. જોકે, જે રાજ્યોમાં વેક્સીનની સૌથી વધુ જરુર છે તે કેરળ છે. નેશનલ ફેમિલી હેલ્થ સર્વે 2019-20ના ડેટા જણાવે છે કે કેરળની 25.3% વસ્તીને ડાયાબિટીસ અને 13.7% વસ્તીને હાઈપરટેન્શનનો શિકાર છે.