પતિ ક્વોરન્ટાઈનમાં હતો, પત્ની તકનો લાભ ઉઠાવી પ્રેમી સાથે ભાગી ગઈ

TNN, ભોપાલઃ મધ્ય પ્રદેશના છત્તરપુર જિલ્લામાં હોમ ક્વોરન્ટાઈનમાં રહેલા પરપ્રાંતિય શ્રમિકે પોલીસમાં ફરિયાદ નોંધાવી છે કે તેની 46 વર્ષની પત્ની પોતાના પ્રેમી સાથે ભાગી ગઈ છે. હવે પોલીસે આ મામલે ફરિયાદ નોંધીને ગુમ થયેલી ત્રણ બાળકોની માતાને શોધવા માટે કવાયત હાથ ધરી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:જાણકારી મુજબ, 50 વર્ષનો આ વ્યક્તિ દિલ્હીમાં કન્સ્ટ્રક્શન સાઈટ પર કામ કરતો હતો. તેની પત્ની પણ શરૂઆતના દોઢ વર્ષ સુધી તેની સાથે ત્યાં જ રહી. બાદમાં તે પોતાના ત્રણ બાળકોને લઈને ઘરે પાછી આવી ગઈ. લોકડાઉનના કારણે કામકાજ બંધ થઈ જતા આ મજૂર 19મી મેએ પોતાના ગામમાં પાછો આવ્યો હતો.શ્રમિક સ્પેશિયલ ટ્રેનમાં પાછા આવેલા આ વ્યક્તિને 14 દિવસ માટે હોમ ક્વોરન્ટાઈન કરાયો હતો. તેનું કહેવું છે કે, તે ઘરના પહેલા માળ પર ક્વોરન્ટાઈન થયો હતો, જ્યારે પત્ની અને બાળકો ગ્રાઉન્ડ ફ્લોર પર રહેતા હતા. 24મી મેએ સવારે જ્યારે તે ઉઠ્યો તો તેનો રૂમ બહારથી લોક હતો. તે ગમે તેમ કરીને બહાર નીકળ્યો, પત્ની ઘરમાં ક્યાય નહોતી અને બાળકોને પણ પોતાની માતા વિશેની કોઈ જાણકારી નહોતી.પોતાના મોઢા પર કપડું બાંધીને તે ગામના એક એક ઘરના દરવાજે ગયો, સંબંધીઓ અને પરિચિતોના ઘરે જઈને પત્ની વિશે પૂછપરછ કરી. પરંતુ કોઈપણ જગ્યાએ તેને પત્ની કે તેની જાણકારી મળી નહી.ઉલ્લેખનીય છે કે હાલમાં શહેરોમાં લોકડાઉનના કારણે બે મહિનાથી વધુ સમયથી કામકાજ બંધ રહેતા મોટી સંખ્યામાં શ્રમિકો પોતાના વતનમાં પાછા જઈ રહ્યા છે. વતન પાછા ફરેલા શ્રમિકોથી અન્ય કોઈમાં કોરોના ન ફેલાય તે માટે તેમને 14 દિવસના ક્વોરન્ટાઈનમાં રાખવામાં આવી રહ્યા છે.