Wing Commandor Abhinandan Transferred Out Of Kashmir Valley
વિંગ કમાન્ડર અભિનંદનની કાશ્મીરમાંથી ટ્રાન્સફર, સુરક્ષાને કારણ લેવાયો નિર્ણય
I am Gujarat20 Apr 2019, 8:53 pm
આ કારણોસર થઈ ટ્રાન્સફર
નવી દિલ્હીઃ વિંગ કમાન્ડર અભિનંદનની એરફોર્સે સુરક્ષાના કારણોસર કાશ્મીરમાંથી ટ્રાન્સફર કરી દેવામાં આવી છે. હાલમાં તેઓ શ્રીનગર સ્થિત એરબેઝ પર ડ્યુટી કરતા હતા. પરંતુ, સુરક્ષાના કારણોસર તેમની ટ્રાન્સફર કરી દેવામાં આવી છે. તેમને પશ્ચિમી સેક્ટરના એક મહત્ત્વના એરબેઝમાં પાકિસ્તાન બોર્ડર પર ડ્યુટી સોંપવામાં આવશે. સરકારી સુત્રો અનુસાર અધિકારીઓનો પોસ્ટિંગ ઓર્ડર જાહેર કરી દેવામાં આવ્યો છે. ટૂંક જ સમયમાં તેઓ શ્રીનગર એરબેઝથી પોસ્ટિંગના સ્થાને ફરજ બજાવશે.
ફાઈટર એરબેઝ પર ડ્યુટી
સુરક્ષાના કારણોસર અભિનંદનનું નવું પોસ્ટિંગ ક્યા થશે તેની કોઈ સ્પષ્ટતા કરવામાં આવી નથી પણ ફાઈટર એરબેઝ પર તેમને ડ્યુટી કરવાની રહેશે. આ સિવાય પણ તે ફ્લાઈંગ માટે પણ ક્લિયર હશે તો આ માટે પણ તેમને પરવાનગી આપી દેવાશે. પાકિસ્તાન સાથેની એર ફાઈટમાં અભિનંદન તેમના F16 યુદ્ધ વિમાનનો શિકાર કર્યો હતો. આ ઘટનાના બે દિવસ બાદ તેઓ અમૃતસર-વાઘા બોર્ડર પરથી ભારત પરત ફર્યા હતા.
એરસ્ટ્રાઈક
પુલવામામાં તા.14 ફેબ્રુઆરીના રોજ સીઆરપીએફના કાફલા પર થયેલા આત્મઘાતી આતંકી હુમલા બાદ ભારતીય વાયુસેનાએ પાકિસ્તાનના બાલાકોટ પર જૈશ એ મહંમદના આતંકી અડ્ડાઓ પર એરસ્ટ્રાઈક કરી હતી. જેની સામે પાકિસ્તાને ભારતીય જવાનોના કેમ્પને નિશાન બનાવીને પોતાના યુદ્ધ વિમાન મોકલ્યા હતા.
ભારતીય વાયુસેનાનો જડબાતોડ જવાબ
જેના જવાબમાં ભારતીય વાયુસેનાએ પણ જડબાતોડ જવાબ આપ્યો હતો. મિગ-21 યુદ્ધ વિમાનમાં અભિનંદને F16 પાકિસ્તાની યુદ્ધ વિમાન પર હુમલો કર્યો હતો. પરંતુ દરમિયાન તેમનું વિમાન મિગ-21 પણ પાકિસ્તાન અધિકૃત કાશ્મીરમાં ક્રેશ થઈ જતા તેમને પકડી લેવામાં આવ્યા હતા. ત્યાર બાદ સ્થાનિકો પણ હુમલો કર્યો હતો.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.