બોલો, હવે તો કોર્ટમાં જજ પણ નકલી નીકળ્યા અને એ પણ 21 વર્ષે ખબર પડી

I am Gujarat

બીજી પરીક્ષાઓ અને ક્ષેત્રોની વાત તો દૂર કોર્ટમાં પણ…

એ. સુબ્રમણિ, ચેન્નૈઃ અત્યાર સુધી તમે નકીલ પોલીસવાળા, નકલી ડોક્ટર અને વધુમાં વધુ નકલી વકીલ અંગે પણ સાંભળ્યું હશે. અહીં તો કોર્ટના જજ જ નકલી નીકળ્યા. વાત છે ભારતના તામીલનાડુ રાજ્યની જ્યાં એક વ્યક્તિ કોઈપણ જાતની કાયદાની ડિગ્રી વગર જ પાછલા 21 વર્ષથી જ્યુડિશિયલ મેજિસ્ટ્રેટ તરીકે ફરજ બજાવતો હતો. આ મામલો સામે આવતા ન્યાયપાલિકાની વ્યવસ્થા સાથે જોડાયેલા લોકો આશ્ચર્યમાં મુકાઈ ગયા છે. તો ખુદ ન્યાયપાલિક સામે પણ કેટલાય સવાલ ઉભા થયા છે.

વગર ડિગ્રીએ 21 વર્ષ સુધી કરી જજની નોકરી

હાલ વકીલ તરીકે કાર્યરત અને મદુરાઈના પૂર્વ મેજિસ્ટ્રેટ પી. નટરાજને કોઈપણ જાતની કાયદાની ડિગ્રી વગર જજ તરીકે કાર્ય કર્યું હતું અને કોઈપણ જાતની અડચણ વગર 21 વર્ષની નોકરી અને ત્યારબાદ પેન્શન મેળવી રહ્યા છે. આ મામલે તામિલનાડુ અને પુદ્દુચેરી બાર કાઉંસિલે કારણ દર્શાવો નોટિસ જાહેર કરીને વકીલનું રજીસ્ટ્રેશન રદ કરવાની વાત કરી છે.

હવે કહે છે કે મને ખબર જ નહોતી કે ડિગ્રી…

નટરાજને પોતાના જવાબમાં કહ્યું કે, મે 20 વર્ષ સુધી ન્યાયપાલિકામાં સેવા આપી છે. લોની ડિગ્રી મે કર્ણાટકની એક પ્રાઇવેટ કોલેજમાંથી મેળવી છે અને ક્નોવકેશન વખતે અમને એવી જાણ કરવામાં આવી નહોતી કે આ ડિગ્રીનો ઉપયોગ ફક્ત એકેડમિક ઉદ્દેશો માટે જ થઈ શકે છે રોજગાર માટે નહીં.

નિવૃત થયા બાદ આ જ ડિગ્રીના આધારે વકીલ તરીકે પણ રજીસ્ટ્રેશન કરાવ્યું

1975-78 દમિયાન શારદા લો કોલેજ નામની સંસ્થામાંથી તેમણે ડિસ્ટન્સ લર્નિંગ તરીકે આ ડિગ્રી મેળવી હતી. 15 ફેબ્રુઆરી 1982માં તેઓ જ્યુડિશયલ મેજિસ્ટ્રેટના પદ માટે સિલેક્ટ થયા હતા. જે બાદ 21 વર્ષ એટલે કે 30 જૂન 2003 સુધી નટરાજન નોકરી કરતા રહ્યા. નિવૃત્ત થયા બાદ પણ તેમણે તામિલનાડુ એન્ડ પુદ્દુચેરી બાર કાઉંસિલમાં આ જ ડિગ્રીના આધારે પોતાનું રજીસ્ટ્રેશન પણ કરાવ્યું છે.