બેંગલોર: પિમ્પલ્સની ટ્રીટમેન્ટ દરમિયાન એક યુવતીને ચહેરા પર ભયાનક ઈન્ફેક્શન થવાની સાથે વાળ ખરવાની સમસ્યા શરૂ થઈ આ મામલો ગ્રાહક સુરક્ષા કોર્ટમાં પહોંચ્યો હતો. 28 વર્ષની આ યુવતીએ જે ક્લિનિકમાં ટ્રીટમેન્ટ કરાવી હતી તેણે સ્ટેમ સેલ થેરપી દ્વારા પિમ્પલ્સ મટાડી આપવાની ખાતરી આપી હતી. જોકે, આ થેરપી હજુ ક્લિનિકલ ટ્રાયલ ફેઝમાં જ છે, જેના દ્વારા પિમ્પલની ટ્રીટમેન્ટ કરાવવા જતાં આ યુવતી મોટી મુસીબતમાં મૂકાઈ ગઈ હતી. ટ્રીટમેન્ટમાં પિમ્પલ્સ મટવાને બદલે ચહેરા પર ઈન્ફેક્શન આવી જતાં તેમજ વાળ પણ ખરવા લાગતા આ યુવતી ડરી ગઈ હતી, અને પોતાની સાથે જે થયું તે કોઈ બીજા સાથે ના થાય તે માટે તેણે ક્લિનિકને સબક શીખવવાનું નક્કી કર્યું હતું.
ટ્રીટમેન્ટ પાછળ હજારો રૂપિયાનો ખર્ચો કરી દેનારી આ યુવતીએ બેંગલોરની ગ્રાહક સુરક્ષા અદાલતમાં હોસ્પિટલ સામે કેસ કર્યો હતો. હાલમાં જ આ કેસમાં ચુકાદો આપતા કોર્ટે ક્લિનિકને યુવતીએ ટ્રીટમેન્ટ પાછળ ખર્ચેલા તમામ રૂપિયા પાછા આપવાની સાથે 30 હજાર રૂપિયાનું વળતર ચૂકવવા પણ આદેશ કર્યો હતો.
આ યુવતી ક્લિનિકની એક એડવર્ટાઈઝ જોઈને 24 ડિસેમ્બર 2021ના રોજ પિમ્પલ્સની ટ્રીટમેન્ટ કરાવવા માટે ગઈ હતી. જે વ્યક્તિએ ક્લિનિકમાં તેની ટ્રીટમેન્ટ કરી હતી તેણે પોતે ફિઝિશિયન હોવાનો દાવો કર્યો હતો, અને સાથે એવું પણ કહ્યું હતું કે સ્પેશિયલ સ્ટેમ સેલ થેરપી દ્વારા 10 સિટિંગમાં તેના ચહેરા પરથી તમામ પિમ્પલ્સ ગાયબ થઈ જશે.
કુલ 1.58 લાખ રૂપિયા ખર્ચ્યા
જોકે, સ્ટેમ સેલ થેરપી હજુ ક્લિનિકલ ટ્રાયલ સ્ટેજમાં જ છે. ભારત સરકારે પણ તેને લગતી જે ગાઈડલાઈન જાહેર કરી છે તેના અનુસાર, ક્લિનિકલ ટ્રાયલ સિવાય બીજા કોઈપણ હેતુ માટે આ થેરપીનો ઉપયોગ કરવો અયોગ્ય છે, અને તેની દેશમાં પરવાનગી પણ નથી. બેંગલોરની આ યુવતીએ જે ક્લિનિકમાં ટ્રીટમેન્ટ લીધી હતી તેણે પહેલા તો 54,868 રૂપિયા ચાર્જ લીધો હતો અને પછી યુવતી પાસેથી બીજા 1,03,633 રૂપિયા વસૂલવામાં આવ્યા હતા.
જોકે, અલગ-અલગ ડોક્ટર્સ સાથે છ સિટિંગ પૂરા થયા બાદ પેશન્ટના પિમ્પલ્સ મટવાને બદલે ખૂબ જ વધી ગયા હતા, અને તેના ચહેરા પર ઈન્ફેક્શન આવી ગયું હતું, તેમજ તેના ડાઘ પણ પડી ગયા હતા. યુવતીને ચહેરા પર ભયાનક દુ:ખાવો થવાની સાથે માથામાં પણ સતત દુ:ખાવો થવા લાગ્યો હતો અને તેના વાળ પણ ખરવા લાગ્યા હતા.
ચહેરા પર ઈન્ફેક્શન થઈ ગયું, વાળ પણ ખરવા લાગ્યા
પિમ્પલ્સ મટવાના બદલે તેની સાથે બીજી પણ સમસ્યા વધી જતાં આ યુવતીએ તે જ ક્લિનિક પર એક ફિઝિશિયનો સંપર્ક કર્યો હતો, પરંતુ તેણે કોઈપણ મદદ કરવાનો ઈનકાર કરી દીધો હતો. આખરે આ યુવતીને પોતાની સાથે છેતરપિંડી થઈ હોવાનો અહેસાસ થયો હતો, અને તેણે બેંગલોરની ગ્રાહક સુરક્ષા અદાલતમાં ઓગસ્ટ 2022ના રોજ કેસ ફાઈલ કર્યો હતો. જેમાં તેણે પ્રભા'સ વીકેર હેલ્થ ક્લિનિકના સીઈઓ સામે ફરિયાદ દાખલ કરી હતી.
કોર્ટે આ મામલે ક્લિનિકના સીઈઓને નોટિસ ફટકારી હાજર રહેવા અનેકવાર ફરમાન કર્યું હતું, પરંતુ એકેય મુદ્દતમાં તેમના તરફથી કોઈપણ કોર્ટમાં નહોતું આવ્યું. આખરે છ મહિના સુધી ફરિયાદીની દલીલો સાંભળ્યા બાદ કોર્ટે તેની તરફેણમાં ચુકાદો આપી તેની ટ્રીટમેન્ટ કરનારા ક્લિનિકને કસૂરવાર ઠેરવ્યું હતું. કોર્ટે ફરિયાદીને તેણે ટ્રીટમેન્ટ પાછળ ખર્ચેલા 1,28,329 રૂપિયા વ્યાજ સાથે પરત કરવા માટે આદેશ કર્યો હતો. આ ઉપરાંત, ક્લિનિકે યુવતીને કુલ 30 હજાર રૂપિયાનું વળતર પણ ચૂકવવું પડશે.
ટ્રીટમેન્ટ પાછળ હજારો રૂપિયાનો ખર્ચો કરી દેનારી આ યુવતીએ બેંગલોરની ગ્રાહક સુરક્ષા અદાલતમાં હોસ્પિટલ સામે કેસ કર્યો હતો. હાલમાં જ આ કેસમાં ચુકાદો આપતા કોર્ટે ક્લિનિકને યુવતીએ ટ્રીટમેન્ટ પાછળ ખર્ચેલા તમામ રૂપિયા પાછા આપવાની સાથે 30 હજાર રૂપિયાનું વળતર ચૂકવવા પણ આદેશ કર્યો હતો.
આ યુવતી ક્લિનિકની એક એડવર્ટાઈઝ જોઈને 24 ડિસેમ્બર 2021ના રોજ પિમ્પલ્સની ટ્રીટમેન્ટ કરાવવા માટે ગઈ હતી. જે વ્યક્તિએ ક્લિનિકમાં તેની ટ્રીટમેન્ટ કરી હતી તેણે પોતે ફિઝિશિયન હોવાનો દાવો કર્યો હતો, અને સાથે એવું પણ કહ્યું હતું કે સ્પેશિયલ સ્ટેમ સેલ થેરપી દ્વારા 10 સિટિંગમાં તેના ચહેરા પરથી તમામ પિમ્પલ્સ ગાયબ થઈ જશે.
કુલ 1.58 લાખ રૂપિયા ખર્ચ્યા
જોકે, સ્ટેમ સેલ થેરપી હજુ ક્લિનિકલ ટ્રાયલ સ્ટેજમાં જ છે. ભારત સરકારે પણ તેને લગતી જે ગાઈડલાઈન જાહેર કરી છે તેના અનુસાર, ક્લિનિકલ ટ્રાયલ સિવાય બીજા કોઈપણ હેતુ માટે આ થેરપીનો ઉપયોગ કરવો અયોગ્ય છે, અને તેની દેશમાં પરવાનગી પણ નથી. બેંગલોરની આ યુવતીએ જે ક્લિનિકમાં ટ્રીટમેન્ટ લીધી હતી તેણે પહેલા તો 54,868 રૂપિયા ચાર્જ લીધો હતો અને પછી યુવતી પાસેથી બીજા 1,03,633 રૂપિયા વસૂલવામાં આવ્યા હતા.
જોકે, અલગ-અલગ ડોક્ટર્સ સાથે છ સિટિંગ પૂરા થયા બાદ પેશન્ટના પિમ્પલ્સ મટવાને બદલે ખૂબ જ વધી ગયા હતા, અને તેના ચહેરા પર ઈન્ફેક્શન આવી ગયું હતું, તેમજ તેના ડાઘ પણ પડી ગયા હતા. યુવતીને ચહેરા પર ભયાનક દુ:ખાવો થવાની સાથે માથામાં પણ સતત દુ:ખાવો થવા લાગ્યો હતો અને તેના વાળ પણ ખરવા લાગ્યા હતા.
ચહેરા પર ઈન્ફેક્શન થઈ ગયું, વાળ પણ ખરવા લાગ્યા
પિમ્પલ્સ મટવાના બદલે તેની સાથે બીજી પણ સમસ્યા વધી જતાં આ યુવતીએ તે જ ક્લિનિક પર એક ફિઝિશિયનો સંપર્ક કર્યો હતો, પરંતુ તેણે કોઈપણ મદદ કરવાનો ઈનકાર કરી દીધો હતો. આખરે આ યુવતીને પોતાની સાથે છેતરપિંડી થઈ હોવાનો અહેસાસ થયો હતો, અને તેણે બેંગલોરની ગ્રાહક સુરક્ષા અદાલતમાં ઓગસ્ટ 2022ના રોજ કેસ ફાઈલ કર્યો હતો. જેમાં તેણે પ્રભા'સ વીકેર હેલ્થ ક્લિનિકના સીઈઓ સામે ફરિયાદ દાખલ કરી હતી.
કોર્ટે આ મામલે ક્લિનિકના સીઈઓને નોટિસ ફટકારી હાજર રહેવા અનેકવાર ફરમાન કર્યું હતું, પરંતુ એકેય મુદ્દતમાં તેમના તરફથી કોઈપણ કોર્ટમાં નહોતું આવ્યું. આખરે છ મહિના સુધી ફરિયાદીની દલીલો સાંભળ્યા બાદ કોર્ટે તેની તરફેણમાં ચુકાદો આપી તેની ટ્રીટમેન્ટ કરનારા ક્લિનિકને કસૂરવાર ઠેરવ્યું હતું. કોર્ટે ફરિયાદીને તેણે ટ્રીટમેન્ટ પાછળ ખર્ચેલા 1,28,329 રૂપિયા વ્યાજ સાથે પરત કરવા માટે આદેશ કર્યો હતો. આ ઉપરાંત, ક્લિનિકે યુવતીને કુલ 30 હજાર રૂપિયાનું વળતર પણ ચૂકવવું પડશે.