દારુ વેચવાવાળાના ઘરની બહાર જ શરુ કરી દીધી ભજન મંડળી, પછી શું ચોપટ થઈ ગયો ધંધો

નવી દિલ્હીઃ ઘરના પુરુષોને નશાથી દૂર રાખવા માટે અહીં મહિલાઓએ અનોખો રસ્તો શોધી કાઢ્યો. મહિલાઓ પોતાના વિસ્તારમાં આવેલ ગરેકાયદેસરના દારુના અડ્ડા અને દારુ વેચતા માફિયાઓના ઘરની બહાર જ મંડળી જમાવીને બેસવા લાગી અને ભજન-કિર્તન શરુ કરી દીધા. આ કારણે દારુનો વેપાર કરતા લોકોનો ધંધો ધીરે ધીરે ઠપ્પ થવા લાગ્યો. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો બીજી તરફ ઘરની મહિલાઓને દારુ વેચતા માફિયાઓના ઘરની બહાર જઈને ગમે તેવા પિયક્કડ પુરુષો પણ એ તરફ જવાનું છોડવા લાગ્યા. જેમાં મોટાભાગના યુવાનો જ હતા. ગેરકાયદે દારુ વેચતા માફિયા વિરુદ્ધ આ મુહિમ નવી દિલ્હી નજીક દ્વારકા જિલ્લાના બિંદાપુર પોલીસ સ્ટેશનના વિસ્તારમાં યોજવામાં આવી હતી. પોલીસ અને તેના દબાણને ન ગાઠતા અને ચોરીછુપે દારુ વેચતા આ માફિયાઓને મહિલાઓના આ વિરોધ પ્રદર્શનથી મોટો ઝટકો લાગ્યો. આ 10-15 મહિલાઓનું ગ્રુપ રોજ દારુ વેચતા તત્વોના ઘરની બહાર ભજન-કીર્તન કરવા બેસી જાય છે. જેના કારણે તેમને ધંધો ચોપટ થી રહ્યો છે. હવે પોલીસ આ પ્રકારનો પ્રયોગ દિલ્હીની આસપાસ એવા તમામ વિસ્તારમાં કરવા માગે છે જ્યાં દારુનો ગેરકાયદે વેપાર થઈ રહ્યો છે. મહિલાઓના આ વિરોધ પ્રદર્શનને પોલીસનો પણ પૂર્ણ સપોર્ટ મળી રહ્યો છે.