વિશ્વભરમાં યોગ દિવસની ઉજવણી શરૂ, પીએમ મોદીએ બધાને ભાગ લેવા અપીલ કરી

નવી દિલ્હી: વિશ્વ યોગ દિવસ 21મી જૂને ઉજવાય છે, પરંતુ તે પહેલા 16 જૂને રવિવાર હોવાથી ઘણા દેશોમાં યોગને લગતા કાર્યક્રમ થયા. હિમાલય પર્વતથી લઈને વિશ્વના ઘણા દેશોમાં આંતરાષ્ટ્રીય યોગ દિવસને લઈને કાર્યક્રમો યોજાયા. પીએમ મોદીએ ઓસ્ટ્રેલિયા, ઝિમ્બાબ્વે, યુએઈ અને ફ્રાન્સમાં સ્થિત ભારતીય એમ્બેસીઓની ટ્વિટને રીટ્વિટ કરી અને યોગને પ્રમોટ કરવાના આ દેશોના પ્રયાસોને વખાણ્યા. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો ઘણા દેશોની સરકાર યોગ દિવસની મોટાપાયે ઉજવણી કરે છે અને તેમાં તેમાં જે-તે દેશના હજારો લોકો ભાગ લે છે. પીએમ મોદીએ દેશવાસીઓને પણ યોગ દિવસમાં ઉત્સાહથી ભાગ લેવા અપીલ કરી છે. વર્ષ 2015થી વિશ્વ યોગ દિવસ 21મી જૂને ઉજવવામાં આવે છે. 27મી સપ્ટેમ્બર 2014માં યુનાઈટે નેશન્સ જનરલ અસેમ્બલીમાં પીએમ મોદીએ પોતાના ભાષણ દરમિયાન યોગ દિવસ ઉજવવાની દરખાસ્ત મૂકી હતી. પીએમ મોદી પોતે પણ યોગને પ્રમોટ કરવાનો અને તેના ફાયદા અંગે લોકોને જાગૃત કરવાનો વિવિધ સ્તરે પ્રયાસ કરી રહ્યા છે. તેમણે આ અંગે ટ્વિટર પર પોતાનો 3D વિડીયો પણ પોસ્ટ કર્યો છે. 12મી જુલાઈએ પીએમ મોદીએ પોતાનો એનિમેટેડ વિડીયો પોસ્ટ કર્યો હતો, જેમાં ‘વક્રાસન’ અંગે જાણકારી આપવામાં આવી હતી. પીએમ મોદી આ વર્ષે વિશ્વ યોગ દિવસના કાર્યક્રમમાં રાંચીમાં ઉપસ્થિત રહેશે તેવી શક્યતા છે.