રાતના અંધારામાં પ્રેમિકાના ઘરે પહોંચ્યો પ્રેમી, યુવતીના પિતાએ રૂમમાં પૂરીને આખું ગામ ભેગું કર્યું

બિહારના છપરામાં એક યુવકને યુવતી સાથે ચોરીછુપી પ્રેમ કરવાનું ભારે પડી ગયું. પ્રેમી પોતાની પ્રેમિકાને મળવા માટે રાતના અંધારામાં પહોંચ્યો હતો. આ દરમિયાન પરિવારજનોની આંખ ખૂલી ગઈ. યુવતીના પરિવારજનોએ પ્રેમીને રૂમમાં જ પૂરી દીધો અને બાદમાં આખું ગામ ભેગું કર્યું. જે બાદ પંચાયત બોલાવીને યુવના યુવતી સાથે લગ્ન કરાવી દેવાનું નક્કી કરવામાં આવ્યું. રવિવારે પ્રેમીને ગામના સરપંચ તથા પ્રેમિકાના પરિવારજનો મંદિરમાં લઈને પહોંચ્યા અને ત્યાં આ યુવકના લગ્ન કરાવી દીધા.

પ્રેમિકાના ઘરે ચોરીછુપી મળવા આવ્યો હતો પ્રેમી
ઘટના વિશે કહેવાઈ રહ્યું છે કે સત્યેન્દ્ર કુમાર નામનો યુવક રામબચન રાયના ઘરે તેમની દીકરીને મળવા માટે પહોંચ્યો હતો. પરંતુ છોકરીના ઘરના સદસ્યોને તેની જાણ થઈ ગઈ, પછી તેમણે છોકરાને પકડીને ગ્રામજનોના પંચાયતમાં મળ્યા બાદ પ્રેમિકા સાથે લગ્ન કરાવી દીધા.

પ્રેમીના ઘરના સદસ્યો દહેજ માગી રહ્યા હતા
રામબાબુ રાયનો દીકરો સત્યેન્દ્ર કુમાર રામબચનની દીકરી સાથે ઘણા દિવસોથી પ્રેમ સંબંધમાં હતો. ઘણીવાર પ્રેમિકાના પિતાએ પ્રેમીના ઘરના સદસ્યોને લગ્ન માટે તૈયાર કરવાનો આગ્રહ કર્યો. પરંતુ પ્રેમીના ઘરના સદસ્યો દહેજ વિના દીકરાના લગ્ન કરાવવા માટે તૈયાર નહોતા થઈ રહ્યા.

યુવતીના પિતાએ પ્રેમીને ઘરમાં બંધ કરીને ગામલોકોને બોલાવ્યાશુક્રવારે રાત્રે અચાનક સત્યેન્દ્ર કુમાર પોતાની પ્રેમિકાને મળવા માટે ઘરે રાતના અંધારામાં પહોંચ્યો હતો. જેની છોકરીના પિતાને જાણ થઈ ગઈ. છોકરીના પિતાએ બહારથી રૂમનો દરવાજો બંધ કરી દીધો અને આખું ગામ ભેગું કરી નાખ્યું. ગ્રામલોકોએ પંચાયત બોલાવીને બંનેના ગામમાં જ સ્થિત મંદિરમાં લગ્ન કરાવી દીધા.