PM મોદી સંબંધિત BBCની ડોક્યુમેન્ટરી પર એક્શન, બ્લોક કરાઈ ટ્વિટર અને યુટ્યુબ લિંક

BBC documentary on PM Modi: બ્રિટિશ બ્રોડકાસ્ટિંગ કોર્પોરેશન (બીબીસી) દ્વારા બહાર પાડવામાં આવેલી ડોક્યુમેન્ટરી સીરિઝને લઈને કેન્દ્ર સરકારે મોટું પગલું ભર્યું છે. સરકારે વડાપ્રધાન નરેન્દ્ર મોદી સાથે સંબંધિત આ ડોક્યુમેન્ટરી સીરિઝના ટ્વીટ અને યુટ્યુબ લિંક વીડિયોને બ્લોક કરવાનો આદેશ આપ્યો છે. ટ્વિટર અને યુટ્યુબ પરથી આ વીડિયો અને લિંક્સ હટાવવામાં આવી રહી છે. એવું કહેવામાં આવ્યું હતું કે યુટ્યુબ વીડિયોની લિંક ધરાવતી 50થી વધુ ટ્વીટ્સને બ્લોક કરી દેવામાં આવી છે. અગાઉ વિદેશ મંત્રાલયના પ્રવક્તાએ આ બીબીસી શ્રેણીને ખોટા વર્ણન અને પ્રચારનો એક ભાગ ગણાવ્યો હતો. તમને જણાવી દઈએ કે બીબીસીએ 'ઈન્ડિયાઃ ધ મોદી ક્વેશ્ચન' (BBC documentary "India: The Modi Question") નામના બે ભાગમાં એક નવી ડોક્યુમેન્ટરી સીરિઝ બનાવી છે. આ શ્રેણી ગુજરાતમાં 2002ના રમખાણો પર આધારિત છે જ્યારે નરેન્દ્ર મોદી રાજ્યના મુખ્યમંત્રી હતા.

માહિતી અને પ્રસારણ મંત્રાલયે બીબીસી ડોક્યુમેન્ટરીનો પ્રથમ એપિસોડ ચલાવતા કેટલાક યુટ્યુબ વીડિયોને બ્લોક કરવા માટે સૂચનાઓ જારી કરી છે. સૂચના અને પ્રસારણ મંત્રાલયના સચિવે આ સંદર્ભમાં સૂચના આપી છે. તેમણે ટ્વિટરને બીબીસી સિરીઝની લિંક સાથે સંબંધિત 50થી વધુ ટ્વીટ્સને બ્લોક કરવાનો આદેશ જાહેર કર્યો છે. સૂત્રોએ જણાવ્યું કે યુટ્યુબ અને ટ્વિટર બંનેએ સૂચનાઓનું પાલન કર્યું છે.

કેન્દ્ર સરકારે PM મોદીને લઈને બનેલી BBCની ડોક્યુમેન્ટ્રી 'ધ મોદી ક્વેશ્ચન'ને શેર કરનારા ટ્વીટ્સને બ્લોક કરવાનો આદેશ આપ્યો છે. ડોક્યુમેન્ટ્રીની તપાસમાં એવું સામે આવ્યું છે કે તે છબી બગાડવાનો પ્રયાસ છે. ડોક્યુમેન્ટ્રીની YouTube લિંક જે ટ્વીટમાં શેર કરવામાં આવી છે, તેને પણ બ્લોક કરી દેવામાં આવી છે. મીડિયા રિપોર્ટ્સ અનુસાર માહિતી અને પ્રસારણ મંત્રાલયે આદેશ આપ્યો છે કે BBC ડોક્યુમેન્ટ્રીના પહેલા એપિસોડને YOUTUBE પર શેર કરેલા તમામ વીડિયોને બ્લોક કરવામાં આવે.