ફર્સ્ટ ટાઈમ સેક્સ પછી નીકળનારા લોહીને રોકવા માટે કોઈ દવા લેવી પડે?

ફર્સ્ટ ટાઈમ સેક્સ પહેલા એવા ઘણાં સવાલ હોય છે જેના વિશે કપલ્સે સાંભળ્યું હોય છે અથવા તો અનુભવ થયા પછી કેટલીક સમસ્યા સામે આવતી હોય છે. આ સમસ્યામાંથી એક છે ફર્સ્ટ ટાઈમ સેક્સ દરમિયાન ગર્લ્સને થનારો રક્તસ્ત્રાવ. આ બાબતને લઈને ઘણી ખોટી માન્યતાઓ મનમાં ઘર કરી ગયેલી હોય છે જેના કારણે તકલીફ વધી જતી હોય છે.

સામાન્ય રીતે આજના સમયમાં સાઈકલ ચલાવવાના કારણે સ્પોર્ટ્સ એક્ટિવિટીના કારણે એવું ભાગ્યે જ બનતું હોય છે કે મહિલાઓને ફર્સ્ટ ટાઈમ સેક્સ પછી રક્તસ્ત્રાવ થાય. જોકે, આ અંગે એક નાની વાત એક્સપર્ટ જણાવી રહ્યા છે તેના વિશે જાણી લેવું જરુરી છે.

આ અંગે એક યુવકે સવાલ પૂછ્યો છે કે, સેક્સ પછી મહિલાની યોનિથી લોહી નીકળે છે, તો શું આ રક્તસ્ત્રાવને રોકવા માટે કોઈ દવા લેવાની જરુર છે? કે પછી તે પોતાની મેળે જ બંધ થઈ જાય છે? એ કઈ રીતે ખ્યાલ આવે કે પત્ની લગ્ન પહેલા પ્રેગનેન્ટ થઈ ચૂકી છે?

જેનો જવાબ આપતા એક્સપર્ટ જણાવે છે કે, સામાન્ય રીતે કોઈ દવા લેવાની જરુર નથી. રક્તસ્ત્રાવ થોડા સમય માટે જ થશે, જો આવું ના થાય અને રક્તસ્ત્રાવ ચાલુ રહે તો ગાયનેકોલોજીસ્ટને મળીને સલાહ સૂચન જાણવા જોઈએ. જાતે ઈલાજ કરવાના બદલે ડૉક્ટરને મળવું જરુરી છે. પત્ની લગ્ન પહેલા પ્રગનેન્ટ રહી છે કે નહીં તે જાણવા કરતા તેના પર વિશ્વાસ રાખવાની જરુર છે.