કહેવાય છે કે સેક્સ ઘણાં રોગોની દવા છે, માટે જ તેને એક થેરેપી તરીકે પણ માનવામાં આવે છે. પરંતુ ઘણાં કિસ્સામાં એવું બનતું હોય છે કે પાર્ટનર ના હોવાના કારણે કે પછી પાર્ટનર સાથે સંબંધ તૂટી ગયા બાદ સેક્સ લાઈફ પર તેની અસર પડતી હોય છે. આવો જ એક કિસ્સો છે જેમાં એક યુવતી તેની અન્ય બહેનપણીઓ જેવી સેક્સ લાઈફ ઈચ્છી રહી છે અને કેટલાક સવાલો તેના માટે મુઝવણ ઉભી કરી રહ્યા છે.
આ યુવતી જણાવે છે કે, તે 23 વર્ષની છે અને તે આ ઉંમરમાં પણ સેક્સ નથી માણી શકતી, આની પાછળનું કારણ જણાવતા યુવતી કહે છે કે તેની પાસે એવો કોઈ પાર્ટનર નથી જે તેની સાથે શારીરિક સંબંધો રાખી શકે. તે જણાવે છે કે તેની બાકી બહેનપણીઓની સેક્સલાઈફ એકદમ એક્સાઈટિંગ રીતે જીવી રહી છે.
પોતાનો પાર્ટનર ના હોવાથી આ 23 વર્ષની યુવતી સેક્સ લાઈફને લઈને અનેક સવાલોમાં ગુંચવાઈ રહી છે. તેને સમજાતું નથી કે તેણે બાકી ફ્રેન્ડની જેમ રહેવા માટે શું કરવું જોઈએ. તે તેની બહેનપણીઓ દ્વારા પાર્ટનર સાથેની પર્સનલ લાઈફ સાંભળીને પણ દુઃખી થઈ રહી છે કે જેવું તેમની સાથે થઈ રહ્યું છે તેવું પોતાની સાથે શા માટે નથી થઈ રહ્યું.
આવામાં કિસ્સામાં એક્સપર્ટ જણાવે છે કે, તમને યોગ્ય વ્યક્તિ ના મળે ત્યાં સુધી તમારે કોઈ પ્રકારની ખોટી ઉતાવળ ના કરવી જોઈએ. કોઈ મળવું કે ના મળવું તે માટેનો કોઈ સમય નિશ્ચિત નથી હોતો. જો તમને કોઈ પસંદ હોય તો તમે તેમના સુધી તમારા મનની વાત પહોંચાડી શકો છો.
આવા કિસ્સાઓમાં એવું પણ બની શકે છે કે તમારા અન્ય ફ્રેન્ડ્સ માત્ર તમને ચીડવવા માટે તમારી સમક્ષ રસાળ વાતો કરી રહ્યા હોય. તમારે લોકોની વાતમાં આવ્યા વિના સારો પાર્ટનર ના મળે ત્યાં સુધી રાહ જોવી જોઈએ.