મારા પતિ પેઈડ સેક્સના એડિક્ટ થઈ ગયા છે

મારા પતિ પેઈડ સેક્સના એડિક્ટ થઈ ગયા છે. મને ત્યારે ખ્યાલ આવ્યો જ્યારે મે તેમનું ક્રેડિટ કાર્ડનું બીલ જોયું. તેમને નથી ખબર કે તેમની પોલ ખુલી ગઈ છે, પણ મને તેમનું બીલ જોઈને ખ્યાલ આવી ગયો કે તેઓ આ એડિક્શન પાછળ ખાસ્સા રૂપિયા ખર્ચી રહ્યા છે. તેઓ ફ્રેન્ડ્સ સાથે એકલા જ ફરવા ઉપડી જાય છે. મારા પર બે બાળકોના ઉછેરની જવાબદારી છે અને હું મારી પ્રોફેશનલ લાઈફમાં પણ ખાસ્સી વ્યસ્ત છું જેથી હવે હું અમારો બેડરૂમ ગરમ કરવા માટે સક્ષમ નથી રહી. આ ચિંતા મને સતાવી રહ્યી છે પણ હવે મને સેક્સમાં રસ નથી રહ્યો. હું જાણું છું કે આમ થવાથી અમારા બન્ને વચ્ચેના સંબંધોમાં અંતર વધી રહ્યું છે. મારે હવે શું કરવું જોઈએ?

રાશી અહુજાનો જવાબઃ આવું જીવનમાં થતું હોય છે, કામની જવાબદારીની દોડમાં અમુંક જવાબદારીઓ ચૂકી જવાતી હોય છે. તમારી લાઈફમાં પણ આવું જ થયું છે. તમારી વાત પરથી લાગે છે કે તમે આના માટે તમારા કામ અને પતિના સેક્સ એડિક્શનને જવાબદાર ઠેરવી રહ્યા છો. તમારે આત્મચિંતન કરવાની જરૂર છે અને તે સમજવાની જરૂર છે કે તમારાથી ક્યાં ચૂક થઈ છે. તમારા પતિને તમે જણાવી શકો છો કે તમને તેમના એડિક્શનથી કેટલી તકલીફ થઈ રહી છે. સાથે, તમારા તમારી સમસ્યા અંગે કોઈ કન્સલ્ટન્ટ પાસે પણ મદદ લેવી જોઈએ, જે તમને તમારા સ્ટ્રેસ લેવલને ઘટાડવામાં મદદરૂપ બની શકે છે. છેલ્લે એટલું જરૂર છે કે દરેક સંબંધોને ટકાવી રાખવા માટે થોડી મહેનત તો કરવી જ પડે છે, અને તમારો પ્રેમ તમારા સંબંધોમાં વધી રહેલા અંતરને ઘટાડવામાં મદદરૂપ બની શકે છે.

રાશી અહુજા, ઓનલાઈન રિલેશનશિપ મનોચિકિત્સક, ePsyclinic.com