જાસૂદના ફાયદાઓ વિશે વધુ માહિતી આપતા આયુર્વેદિક ડૉ. દિક્ષા ભાવસારે પોતાના ઇન્સ્ટાગ્રામ પર એક માહિતી શૅર કરી છે. તેઓએ જણાવ્યું કે, જાસૂદના અગણિત ફાયદાઓ છે. તે પિત્ત અને કફ માટે ફાયદાકારક હોવા ઉપરાંત તેનો સ્વાદ મધુર (sweet) છે. આ સિવાય લોકડાઉન દરમિયાન બોલિવૂડ એક્ટ્રેસ બિપાશા બાસૂએ પોતાના ઘરે જાસૂદના પાઉડર સાથે અન્ય ઇન્ગ્રિડિયન્ટ્સ મિક્સને પેસ્ટ તૈયાર કરી હતી અને તેની માહિતી તેણે ઇન્સ્ટાગ્રામ હેન્ડલ પર શૅર કરી હતી. અહીં જાણો, જાસૂદના આયુર્વેદિક અને બ્યૂટી ફાયદાઓ વિશે.
આયુર્વેદ અનુસાર ગુણોથી ભરપૂર છે જાસૂદ
બિપાશાનું ફેસ પેક ટ્રેન્ડમાં
હેલ્થ ફાયદા ઉપરાંત જાસૂદના બ્યૂટી બેનિફિટ્સનો ઉપયોગ કરવાનું બોલિવૂડ બ્યૂટીઝ પણ પસંદ કરે છે. એક્ટ્રેસ બિપાશા બાસુએ પોતાના ઇન્સ્ટાગ્રામ પર શૅર કરેલા એક વીડિયોમાં તેણે હોમ મેડ ફેસ પેક અંગે માહિતી આપી હતી. જેમાં તેણે બેસન, જાસૂદનો પાઉડર અને એલોવેરા જેલ મિક્સ કરીને ફેસ પેક તૈયાર કર્યું હતું. તેની માહિતી તે સમયે ટ્રેન્ડમાં પણ હતી.
વિટામિન સીના ફાયદા
જાસૂદમાં રહેલા વિટામિન સી અને એન્થોસિનિન્સ એન્ટિઓક્સિડન્ટ્સ સ્કિન માટે ખૂબ જ અસરદાર સાબિત થાય છે. તે હાઇપર પિગ્મેન્ટેશન અને વધતી ઉંમરની નિશાનીઓને છૂપાવવામાં મદદરૂપ સાબિત થાય છે. જાસૂદમાં રહેલા ઓર્ગેનિક એસિડ સ્ક્બ તરીકે કામ કરે છે જે સ્કિનને એક્સફોલિએટ્સ કરવામાં મદદરૂપ સાબિત થાય છે.
ફેસ માસ્ક તરીકે ઉપયોગ
એક કટોરીમાં જાસૂદના ફૂલનો પાઉડર લઇ તેમાં બેસન, ચોખાનો લોટ લઇ એક ચમચી દહીં મિક્સ કરો. આ તમામ ચીજોની પેસ્ટ તૈયાર કરી આ ફેસ પેકને ચહેરા અને ગરદન પર લગાવી લો. 25 મિનિટ સુધી તેને રહેવા દો, ત્યારબાદ ચહેરાને સ્વચ્છ પાણીથી ધોઇને ફેસ સીરમ અથવા મોઇશ્ચરાઇઝર લગાવી દો.
એલોવેરા અને જાસૂદ
એલોવેરા સ્કિન અને સ્વાસ્થ્ય માટે અત્યંત ફાયદાકારક છે. એલોવેરા અને જાસૂદ ફેસપેક બનાવવા માટે જાસૂદના ફૂલનો પાઉડર, એક ચમચી એલોવેરા જેલ મિક્સ કરીને ચહેરા પર લગાવો. આ પેસ્ટને 15થી 20 મિનિટ સુધી રાખીને ચહેરાનો ધોઇ લો.
મુલતાની માટી અને જાસૂદ
મુલતાની માટી સ્કિન માટે ખૂબ જ ફાયદાકારક સાબિત થાય છે. આ પેક માટે જાસૂદના ફૂલનો પાઉડર, 1 ચમચી મુલતાની માટી, મધ અને પાણી મિક્સ કરીને પેસ્ટ બનાવી લો. આ પેસ્ટને 20 મિનિટ સુધી ચહેરા પર લગાવીને સ્વચ્છ પાણીથી ચહેરો ધૂઓ.
દહીં અને જાસૂદ
દહીં દરેક પ્રકારે ફાયદાકારક સાબિત થાય છે. આ ફેસ પેક માટે એક ચમચી જાસૂદ પાઉડર સાથે દહીં મિક્સ કરીને આ પેસ્ટ ચહેરા પર લગાવી લો. 20 મિનિટ બાદ ચહેરો ધૂઓ. અઠવાડિયામાં આ ફેસ પેક એક વખત લગાવવાથી ચહેરો ગ્લોઇંગ અને ચમકદાર બનશે.
નોંધઃ આ લેખ માત્ર સામાન્ય માહિતી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.