ઘણીવાર આ પેચિઝ એટલા ઘટ્ટ બની જાય છે કે, તેને મેકઅપથી પણ છૂપાવવા મુશ્કેલ હોય છે. આ ડાર્ક સ્પોટ્સને દૂર કરવા માટે વધારે મહેતન ના બદલે, સ્માર્ટ રીતે અને સરળતાથી દૂર કરવા માટે ડર્મેટોલોજીસ્ટની ટિપ્સ અપ્લાય કરી શકો છો.
ટેન્ડર સ્કિન ઇન્ટરનેશન (Tender Skin International)ના ફાઉન્ડર અને સેલિબ્રિટી ડર્મેટોલોજીસ્ટ ડોક્ટર સોનિયા ટેકચંદાની (Dr. Sonia Tekchandani, Celebrity Dermatologist) પાસેથી જાણો પિગ્મેન્ટેશન, એક્નેથી સ્કિન પર થતાં ડાઘ ધબ્બાને ઘરેલૂ નુસખાઓ (DIY home remedies to reduce dark spots)થી કેવી રીતે દૂર કરી શકાય છે.
(સૌજન્યઃ ટાઇમ્સ ઓફ ઇન્ડિયા) (તસવીરોઃ પિક્સાબે.કોમ, ફ્રિપિક.કોમ)
ટામેટાંથી સ્કિન થશે બ્રાઇટ
ટામેટામાં વિટામિન સી (vitamin C), વિટામિન કે (vitamin K) અને લાઇકોપિન (lycopene) ભરપૂર માત્રામાં રહેલું હોય છે. તેમાં રહેલું એન્ટીઓક્સિડન્ટ્સ ત્વચાના રંગને સાફ કરવામાં મદદ કરે છે. ટામેટાંના ટૂકડાંને લઇને તેમાંથી જ્યૂસ કાઢી લો. આ જ્યૂસને ડાઘ-ધબ્બા હોય તે જગ્યા પર લગાવીને 10 મિનિટ સુધી રહેવા દો. હવે ચહેરાને પાણીથી ધોઇ મોઇશ્ચરાઇઝર લગાવો. આ સિવાય તમે ડાર્ક સ્પોટ્સ પર ટામેટાંની સ્લાઇડ ડાયરેક્ટ પણ લગાવી શકો છો. આ રીતને અઠવાડિયામાં બે કે ત્રણ વખત કરવાથી ઝડપી પરિણામ મળશે.
દૂધ
દૂધમાં રહેલું લેક્ટિક એસિડ ત્વચાના ડાઘને હળવા કરવામાં મદદરૂપ થાય છે અને ત્વચાને સાફ અને સ્વચ્છ રાખે છે. બે ચમચી કાચા દૂધને એક બાઉલમાં લો અને તેને કોટનની મદદથી ચહેરા પર લગાવી લો. થોડી મિનિટો સુધી હળવા હાથે મસાજ કરો. આ મિલ્ક પેસ્ટને 10 મિનિટ સુધી ચહેરા પર રહેવા દો ત્યારબાદ પાણીથી ચહેરો ધૂઓ. આ રેમેડીને અઠવાડિયામાં બે વખત કરો.
પપૈયું
પપૈયું એક પરફેક્ટ એક્સફોલિએટર છે જે ડાર્ક સ્પોટ્સને દૂર કરવા માટે અકસીર ગણાય છે. તેમાં AHA કમ્પાઉન્ટ રહેલું છે જે ત્વચાના રંગને ઉજળો બનાવે છે અને ડેડ સ્કિન સેલ્સને દૂર કરે છે. એક પીસેલા પપૈયાને માસ્કની માફક તૈયાર કરીને તેને ચહેરા પર 15થી 20 મિનિટ સુધી લગાવીને રાખો. આ એક્સફોલિએટર રેમેડીને અઠવાડિયામાં બે વખત અજમાવો.
હળદર
હળદર પ્રાચીન સમયથી જ ત્વચાને લગતી પરેશાનીઓ દૂર કરવા માટે ઉપયોગમાં લેવામાં આવે છે. હળદરના રેગ્યુલર ઉપયોગથી ત્વચાના ડાઘ દૂર થાય છે અને સ્કિનમાં ચમક આવે છે. એક ચમચી હળદર પાઉડરમાં થોડાં લીંબુના ટીંપા અને દૂધ નાખીને પેસ્ટ તૈયાર કરો. આ પેસ્ટને ચહેરા પર 15 મિનિટ સુધી લગાવીને રાખો. હવે હળવા હાથે મસાજ કરતાં આ પેસ્ટ દૂર કરો. આ રેમેડીને તમે દરરોજ કરી શકો છો.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
આ સમાચારને અંગ્રેજીમાં વાંચવા માટે અહીં ક્લિક કરો