રવિવારે ક્વીન એલિઝાબેથનું સ્થાન લેનાર કેમિલા પાર્કર બોલ્સે (Camilla Parker Bowles) એક સેરેમની દરમિયાન મહારાણી એલિઝાબેથને અંતિમ વિદાય આપી હતી. પ્રિન્સ ચાર્લ્સની વાઇફ કેમિલા (Prince Charles’ wife Camilla) તેઓના મહત્વપૂર્ણ નિર્ણયો જ નહીં બ્યૂટીફૂલ સ્કિન માટે પણ એટલાં જ જાણીતા છે.
શું તમે જાણો છો કે, ડચિઝ ઓફ કોર્નવૉલ કેમિલા (Camilla, Duchess of Cornwall) પોતાના માટે એક ખાસ એન્ટી-એજિંગ પ્રોડક્ટનો ઉપયોગ કરે છે, આ પ્રોડક્ટ તેઓને એટલો પસંદ છે કે, તેઓએ તેને ડચિઝ ઓફ કેમ્બ્રિજ કેથરિનને પણ આપ્યો છે. આ પ્રોડક્ટની કિંમત વધારે નથી પરંતુ તેમાં એક ખાસ વસ્તુ એડ કરવામાં આવે છે, જેના વિશે જાણીને તમારે પણ આ બ્યૂટી રિજિમ ફૉલો કરવું કે નહીં તે નક્કી કરી શકો છો.
(સૌજન્યઃ ટાઇમ્સ ઓફ ઇન્ડિયા) (Cover Image: Instagram/ @theroyalfamily) (અન્ય તસવીરોઃ પિક્સાબે.કોમ)
મધમાખી અને ઝેરનો ડંખ
કેમિલાની બ્યૂટી ટ્રીટમેન્ટ એટલી મોંઘી નથી પરંતુ તે એટલી સરળ પણ નથી કે દરેક યુવતી તેને અજમાવવાની શરૂઆત કરી દે. કેમિલાના બ્યૂટી ટ્રીટમેન્ટની વાત કરવામાં આવે તો તેમાં મધમાખી અને હર્બેસિયસ છોડ (herbaceous plant)ના ઝેરનો ઉપયોગ કરવામાં આવે છે.
મધમાખીના ડંખનું કલેક્શન
ચાર્લ્સ અને કેમિલા જે સમયથી રૉયલ ડ્યૂટીઝ પર પરત ફર્યા હતા ત્યારથી ડચિઝની સ્કિનના ગ્લોને લઇને ફેન્સ ચર્ચા કરી રહ્યા હતા. કેમિલા સેલિબ્રિટી ફેસિયાલિસ્ટ ડેબ્રોહ મિશેલ (celebrity facialist Deborah Mitchell)ની ક્લાયન્ટ છે જે યૂનિક સ્કિનકેર પ્રોડક્ટ્સ માટે જાણીતી છે. મિશેલના પ્રોડક્ટ્સમાં મધમાખીના ઝેર એટલે કે, ડંખનો ઉપયોગ કરવામાં આવે છે. કેમિલાને આ બી સ્ટીંગ કલેક્શન (bee sting collection)નો એટલો શોખ છે કે, તેઓ પોતાના ચહેરા પરથી ફાઇન લાઇન્સ અને કરચલીઓને દૂર કરાવવા માટે અવાર-નવાર આ ટ્રીટમેન્ટ લેતા રહે છે.
મધમાખીના ડંખમાં છે ઇન્ગ્રિડિયન્ટ્સ
મીડિયા રિપોર્ટ્સ અનુસાર, આ પ્રોડક્ટ્સમાં મધમાખીના ડંખમા રહેલા પાવરફૂલ ઇન્ગ્રિડિયન્ટ્સનો ઉપયોગ થાય છે. આ ક્રિમને એ પ્રકારે તૈયાર કરવામાં આવે છે કે, જ્યારે તમે તેને ચહેરા પર અપ્લાય કરો ત્યારે તમને મધમાખીએ ડંખ માર્યો હોય તેવો અનુભવ થાય છે અને તેના કારણે ચહેરાના ભાગે બ્લડફ્લૉ વધી જાય છે. આ પદ્ધતિથી કોલાજન પ્રોડક્શન વધે છે અને એન્ટી-એજિંગ ઇફેક્ટ્સ જોવા મળે છે.
પ્લાન્ટના ઝેરનો ઉપયોગ
રોયલ કોમેન્ટેટર અનુસાર, ડચિઝ ઓફ કોર્નવેલે મિશેલના નેટલ વેનમ (nettle venom) પ્રોડક્ટ્સનો ઉપયોગ કરવાનુ શરૂ કર્યુ છે. આ એક પ્રકારે એન્ટી-એજિંગ ક્રિમ છે જે મધમાખીના ઝેરની માફક કામ કરે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
આ સમાચારને અંગ્રેજીમાં વાંચવા માટે અહીં ક્લિક કરો