જો તમે હેલ્ધી ડાયટ લેતા હોવ અને યોગ્ય દેખરેખ નહીં કરતાં હોવ તો પણ વાળની સમસ્યા વધી શકે છે. મોટાંભાગે હેર લોસની સમસ્યા અંગે આપણે મેડિકલ હેલ્પ લેતાં નથી. જ્યારે હકીકત એ છે કે, વાળ ખરવા, પાતળા થઇ જવા પાછળના કારણોને જાણીને આ સમસ્યાને દૂર કરવા માટે એક્સપર્ટ્સની સલાહ લેવી અનિવાર્ય છે.
લગભગ બધી જ ટેક્નિક અજમાવવા છતાં વાળની સમસ્યા દૂર નહીં થવાના કારણો અંગે બ્લોસમ કોચર ગ્રૂપ ઓફ કંપનીઝ (Blossom Kochhar Group of Companies)ના ચેરપર્નસ ડોક્ટર બ્લોસર કોચર (Dr. Blossom Kochhar) વાળની સમસ્યા થવા પાછળના 5 કારણો વિશે જણાવી રહ્યા છે. જે અંગે સમજીને તમે તમારાં વાળની માવજત કરી શકો છો.
(સૌજન્યઃ ટાઇમ્સ ઓફ ઇન્ડિયા) (તસવીરોઃ પિક્સાબે.કોમ, ફ્રિપિક.કોમ)
તણાવ
ઓફિસ, ઘર કે અન્ય કોઇ બાબતને લઇને તણાવમાં હોય ત્યારે વ્યક્તિની નર્વસ સિસ્ટમ (nervous system) અને ડાયજેસ્ટિવ સિસ્ટમ (digestive system) તાણનો અનુભવ કરે છે. પરિણામે તે શરીરમાં અસંતુલન પેદા કરે છે. તેથી જ યોગ્ય આહાર છતાં આપણાં સ્કાલ્પને યોગ્ય પોષણ નથી મળતું અને વાળ પાંખા, બરછટ અને પાતળા બને છે.
ડાયટ
વાળને ભરાવદાર અને મજબૂત બનાવી રાખવા માટે ડાયટમાં પુરતાં પ્રમાણમાં બાયોટિન, ઝિંક અને વિટામિન ડી હોવું જરૂરી છે. આ તમામ વિટામિન્સ અને ન્યૂટ્રિશન્સની ઉણપથી વાળ પાતળા બને છે. વિટામિન ડીની ઉણપથી ઉંદરી (alopecia)ની તકલીફ થાય છે. તેથી જ વાળ માટે યોગ્ય અને બેલેન્સ્ડ ડાયટ લો, હેલ્ધી લાઇફસ્ટાઇલ જાળવો.
ડેન્ડ્રફ
વાળની સમસ્યા પાછળ સૌથી મોટું કારણ છે ડેન્ડ્રફ. સ્કાલ્પમાં ડેન્ડ્રફના કારણે ફ્લેક્સ (flakes) એટલે કે, સફેદ પાતળી પોપડી જેવો પદાર્થનો ભરાવો થાય છે. પરિણામે સ્કાલ્પમાં સતત ખંજવાળ આવે છે. ડેન્ડ્રફથી વાળના મૂળ નબળા પડે છે અને તેથી જ વાળ પાતળા બનીને ખરી જાય છે.
વજનમાં ઘટાડો
અચાનક જ વજનમાં ઘટાડો થાય તો તેની સ્પષ્ટ અસર વાળમાં દેખાઇ આવે છે. વજન ઘટાડવાની પ્રક્રિયામાં અમુક ચોક્કસ પ્રકારના ન્યૂટ્રિશનની ઉણપ શરીરમાં ઉભી થાય તો વાળ ખરવાની સમસ્યા ઉભી થાય છે. વજન ઘટાડવાની પ્રક્રિયામાં તમારાં ડાયટિશિયન સાથે વાતચીત બાદ વાળ માટે જરૂરી ન્યૂટ્રિશન તમારાં ડાયટમાં સામેલ કરો.
ઉંમર
પુરૂષ હોય કે સ્ત્રી ઉંમરની સાથે શારિરીક અને માનસિક રીતે કેટલાંક ફેરફાર થાય છે, જેની અસર વાળ ઉપર પણ જોવા મળે છે અને સમય જતાં વાળ પાતળા થવાની સાથે સાથે સફેદ પણ થતાં રહે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
આ સમાચારને અંગ્રેજીમાં વાંચવા માટે અહીં ક્લિક કરો