હૈદરાબાદ સ્થિત અપોલો હોસ્પિટલના ડોક્ટર સુધીર કુમારે (Dr Sudhir Kumar, Neurologist) પોતાની ટ્વીટમાં આ કેસ અંગે જાણકારી આપી છે અને લોકોને ચેતવ્યા પણ છે. પોતાની ટ્વીટમાં ડોક્ટરે લખ્યું કે, થોડાં સમય પહેલાં મારી પાસે 50 વર્ષીય મહિલા ચક્કર, ઉબકા અને ઉલટીની ફરિયાદ લઇને આવી હતી. આ બધુ જ બ્યૂટી પાર્લરમાં હેર વૉશ બાદ શરૂ થયું હતું. શરૂઆતમાં તેને ગેસ્ટ્રોએન્ટરોલોજીસ્ટ પાસે લઇ જવામાં આવી, જ્યાં તેના લક્ષણોના આધારે તેનો ઉપચાર શરૂ કરવામાં આવ્યો. જો કે, તેની સ્થિતિમાં કોઇ ફરક ના દેખાયો અને તેને ચાલતી વખતે પણ સમસ્યા થવા લાગી. ત્યારબાદ આ પેશન્ટને મારી પાસે ઇલાજ માટે લાવવામાં આવી.
(તસવીરોઃ પિક્સાબે.કોમ, ફ્રિપિક.કોમ)
પાર્લરમાં હેર વૉશ બન્યું મુસીબત
આ મહિલાનું જ્યારે એમઆરઆઇ (MRI) કરવામાં આવ્યું તો તેના બ્રેનના એક હિસ્સામાં ઇન્ફાર્ક્ટ/સ્ટ્રોકના લક્ષણો જોવા મળ્યા. આવું ત્યારે થાય છે જ્યારે કોઇ પણ કારણોસર બ્લડ સપ્લાયમાં અવરોધ ઉભો થતો હોય અને બ્રેઇન ટિશ્યૂ મૃત થઇ જાય છે. ડોક્ટરે આ બ્યૂટી પાર્લર સ્ટ્રોક સિન્ડ્રોમનું નિદાન કર્યુ, જેનું મુખ્ય કારણ મહિલાનું વૉશ બેસિનની પાછળ વધારે ઝૂકવાથી તેની નસ પર દબાણ વધવાના કારણે સ્ટ્રોકની સમસ્યા થઇ હતી. આનાથી બ્લડ ફ્લોમાં અવરોધ ઉભો થાય છે અને સ્ટ્રોકની સમસ્યા થાય છે. આ સિવાય મહિલાને બ્લડપ્રેશરની પણ સમસ્યા હતી, જેના કારણે તેની સ્થિતિ વધારે ગંભીર બની.
આવા લોકોને વધારે જોખમ
ડોક્ટર અનુસાર, સ્ટ્રોકમાં વર્ટિબ્રો-બેસિલર આર્ટરી ટેરટરીને પ્રભાવિત થવાથી આવી સ્થિતિ ઉભી થઇ શકે છે, ખાસ કરીને જ્યારે તમે પાર્લરમાં હેર વૉશ કરાવી રહ્યા હોવ. તેનું જોખમ એવી મહિલાઓને વધારે રહે છે જેમની ધમનીઓમાં પહેલેથી જ બ્લોકેજ હોય અથવા તેઓને vertebral hypoplasia હોય. જો યોગ્ય સમયે તેનું નિદાન અને ટ્રીટમેન્ટ શરૂ કરી દેવામાં આવે તો ભવિષ્યમાં વિકલાંગતાથી બચાવી શકાય છે.
ન્યૂરોલોજીસ્ટે શૅર કરી માહિતી
બચવા માટે શું કરશો?
ડોક્ટરે પોતાની પોસ્ટમાં બચાવની રીત પણ જણાવી છે, તેઓએ લખ્યું કે, હેર વૉશ દરમિયાન તમારી ગરદનને વધારે પાછળ ના ઝૂકાવો. તેને 20 ડિગ્રી સુધી જ ઝૂકેલી રાખો. જો તમારાં ગળાના ભાગે વધારે દબાણ થાય તો નીચે જાડા ટૂવાલથી સપોર્ટ આપો.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.