જો કે, ક્વીનના નિધન બાદ ભારતમાં સૌથી વધુ ચર્ચા કોહિનૂર ડાયમંડની થઇ રહી છે. ટ્વીટર પર તેને ભારતને પરત સોંપવામાં આવે તેની માગ ઉઠી છે. આ ડાયમંડ હાલ ઇમ્પિરિયલ સ્ટેટ ક્રાઉન (Imperial State Crown)માં જડવામાં આવ્યો છે. આ ક્રાઉનને 1937માં કિંગ જ્યોર્જ (King George VI)ના રાજ્યાભિષેક માટે તૈયાર કરવામાં આવ્યો હતો. ત્યારબાદ આ ક્રાઉન ક્વીન એલિઝાબેથ (Elizabeth II) પાસે પહોંચ્યો હતો.
હવે જ્યારે 70 વર્ષ સુધી બ્રિટન રાજગાદી સંભાળનાર ક્વીનનું નિધન થયું છે, આ ડાયમંડ ક્વીનની પુત્રવધૂના હાથમાં જશે.
(સૌજન્યઃ ટાઇમ્સ ઓફ ઇન્ડિયા) (Images: Instagram/ @britishroyaljewels, theroyalfamily)
મહારાણીની આ પુત્રવધૂ બનશે હકદાર
ડેઇલી મેલના રિપોર્ટ અનુસાર, ક્વીન એલિઝાબેથ દ્વિતીય (Queen Elizabeth II)ની પુત્રવધૂ કેમિલા (Queen's daughter-in-law, Camilla) પાસે આ ડાયમંડ જડીત ક્રાઉન જશે. કેમિલા પાસે ક્વીનના અન્ય કિમતી પ્લેટિનમ અને હીરાજડિત ક્રાઉન પણ છે જે તેને કિંગ ચાર્લ્સના રાજ્યાભિષેક દરમિયાન આપવામાં આવ્યા હતા.
માત્ર સ્ત્રીઓ જ ધારણ કરી શકે છે કોહિનૂર
રોયલ ફેમિલીમાં એક માન્યતા એવી પણ છે કે, કોહિનૂરને માત્ર સ્ત્રીઓ એટલે કે, કિંગની ક્વીન જ ધારણ કરી શકે છે. જો કોઇ મહારાજા આ તાજને ધારણ કરે તો તે બદનસીબી અથવા ખરાબ નસીબને નોંતરે છે.
ભારતમાં મળ્યો હતો આ ડાયમંડ
આ બહુમૂલ્ય હીરો 14મી સદીમાં ભારતની ગોલકોન્ડા ખાણ (Golconda mines)માં મળી આવ્યો હતો. તે સમયથી જ આ ડાયમંડ એક હાથથી બીજા હાથમાં ફરતો રહ્યો છે. કોહિનૂરનો અર્થ થાય છે પહાડોની ચમક અથવા ચમકતો પર્વત (Mountain of Light), જે એક પ્રકારે સામાન્ય કરતાં મોટો અને રંગહિન હીરો છે. આ કિમતી હીરો વસાહતી યુગ (colonial era)માં બ્રિટિશરોના હાથમાં પહોંચ્યો હતો. તે સમયથી જ લગભગ ભારત સહિત ચાર દેશો તેના પર હક્ક જમાવી રહ્યા છે.
સદીઓથી અનેક દેશો કરી રહ્યા છે દાવો
સત્તા અને વિજયના પ્રતિક આ કોહિનૂરને લઇને મુઘલ રાજકુમારો, ઇરાની યૌદ્ધાઓ, અફઘાનના શાસકો અને પંજાબી મહારાજા તેના પર સત્તાધિકાર જમાવવાની કોશિશ કરી રહ્યા છે.
ક્વીને 2016માં પહેર્યો હતો આ તાજ
ક્વીનને આ ડાયમંડ પહેરીને જાહેરમાં 2016માં સ્ટેટ ઓપનિંગ દરમિયાન જોવામાં આવ્યા હતા. આ ઇમ્પિરિયલ સ્ટેટ ક્રાઉન 2,868 નાજૂક અને બારીકાઇથી કટ-ડાયમંડ્સથી સજાવવામાં આવ્યો છે. ઉપરાંત તેમાં 17 નીલમ, 11 નીલમણિ અને 269 મોતી લગાવવામાં આવ્યા છે.
તાજ સાથે બેલેન્સ કરવું મુશ્કેલ
એક ડોક્યૂમેન્ટરી અનુસાર, ક્વીન એલિઝાબેથ દ્વિતીય (Queen Elizabeth II)એ એક ઇન્ટરવ્યુમાં જણાવ્યું હતું કે, આ ક્રાઉન ખૂબ જ કદાવર છે અને તેનું વજન ખૂબ જ વધારે છે. આ ક્રાઉન પહેરીને બેલેન્સ કરવું ખૂબ જ મુશ્કેલ છે. જો તાજ પહેર્યા બાદ તમે નીચે જોવાના પ્રયત્ન પણ કરો તો તમારી ગરદન તૂટી જવાનો ભય પણ રહેલો છે.
આ સમાચારને અંગ્રેજીમાં વાંચવા માટે અહીં ક્લિક કરો