ઉનાળામાં ત્વચાને લગતી સૌથી મોટી મુશ્કેલી છે ઓઇલી સ્કિન, છીદ્રો અને બ્રેકઆઉટ્સ. ઉનાળાની આ ગરમીને જોતાં ઓઇલી સ્કિન સૌથી કોમન પ્રોબ્લેમ છે. તમારી સ્કિન થોડાંઘણાં અંશે ઓઇલી હોય તો પણ સ્કિનને લગતી તકલીફ તાપના કારણે વધી જ જતી રહોય છે.
Written byહેતલ ડાભી | I am Gujarat13 May 2022, 12:30 pm
Skincare tips in Summer: વધુ પડતો તાપ અને યુવી કિરણોના કારણે ઉનાળામાં સ્કિન ઓઇલી દેખાય છે, વળી વાત અહીંથી અટકતી નથી. ઓઇલી સ્કિનના કારણે તમારાં રોમછીદ્રો પુરાઇ જાય છે, બ્રેકઆઉટ્સની સમસ્યા ઉભી થાય છે.
I am Gujaratઉનાળામાં સુંદરતાના પ્લાન બગાડતી ઓઇલી સ્કિનની સમસ્યા કરો દૂર, સેલિબ્રિટી કોસ્મેટોલોજીસ્ટ પાસેથી જાણો ટિપ્સ
સેલિબ્રિટી કોસ્મેટોલોજીસ્ટ (Celebrity cosmetologist) ડૉ. મોનિકા કપૂર (Dr Monica Kapoor)ના જણાવ્યા અનુસાર, તમારી સ્કિન ઓઇલી હોય કે પછી કોમ્બિનેશન ટાઇપ હોય, ત્વચામાં ઓઇલ (sebum)ના કારણે ચીકાશ (sebaceous) પેદા કરતી ગ્લેન્ડ્સ સ્કિનને નરિશમેન્ટ આપે છે, મોઇશ્ચરાઇઝ્ડ રાખે છે અને ફાઇન લાઇન્સ અને કરચલીઓથી બચાવે છે. આ સિવાય આ ગ્લેન્ડ્સ તમારી સ્કિનને સોફ્ટ રાખવામાં પણ મદદરૂપ થાય છે.
જો સીબમનું પ્રોડક્શન વધારે પડતું થવા લાગે ત્યારે તેની અસર તમારી સ્કિન પર દેખાય છે અને અહીંથી શરૂ થાય છે ઓઇલી સ્કિનની સમસ્યા. જેના કારણે એક્ને સહિત અનેક સ્કિન પ્રોબ્લેમ શરૂ થઇ જાય છે. ઓઇલી સ્કિન પાછળ હોર્મોન્સ અને જીનેટિક કારણો પણ જવાબદાર હોય છે.
ડૉ. મોનિકા કપૂરના જણાવ્યા અનુસાર, sebaceous ગ્લેન્ડ્સ પર ઉંમરની અસર થાય છે, સીબમ પ્રોડક્શનના કારણે ત્વચા પર એક લેયર ઉભું થાય છે, જો તમારાં શરીરમાં એન્ડ્રોજીન્સનું પ્રમાણ વધુ હશે તો સીબમનું પ્રોડક્શન પણ વધારે થશે. આ સીબમ ત્વચાના ઉપરના ભાગમાં જોવા મળે છે અને તેના કારણે ત્વચા ઓઇલી બને છે. વધુ પડતા ઓઇલ પ્રોડક્શનના કારણે પોર્સ બંધ થઇ જાય છે, જેનાથી બેક્ટેરિયા અને ડેડ સ્કિન સેલ્સનું પડ બની જાય છે, પરિણામે સ્કિન પર ખીલ અને બ્લેકહેડ્સ દેખાવા લાગે છે.
જો તમે પણ ઉનાળામાં ઓઇલી સ્કિનથી પરેશાન હોવ તો અહીં જાણો, એક્સપર્ટ ટિપ્સ (tips for oily skin by the expert) અને કેટલાંક ઉપાય જે આ સમસ્યાથી રાહત આપશે.
(સૌજન્યઃ ટાઇમ્સ ઓફ ઇન્ડિયા)
વોટર-બેઝ્ડ સનસ્ક્રિન છે બેસ્ટ
View this post on Instagram A post shared by Dr. Priyanka Reddy (@drpriyankareddy)
ડીપ ક્લિન્ઝિંગ જરૂરી
ડીપ ક્લિન્ઝિંગઃ એક્સેસ ઓઇલને કંટ્રોલ કરવા માટે ત્વચાને ડીપ ક્લિન કરવી જરૂરી છે. તમારાં ચહેરાને દિવસમાં બેથી ત્રણ વખત ચોખ્ખા પાણીથી ધોવાનો આગ્રહ રાખો જેથી ધૂળ અને વધારે પડતાં ઓઇલથી છીદ્રો બંધ ના થઇ જાય. બંધ થયેલા છીદ્રોના કારણે તમને એક્ને અને ખીલ જેવી સમસ્યા થઇ શકે છે.
સીરમનો ઉપયોગ નહીવતઃ સીરમનો ઉપયોગ ત્યારે જ કરો જ્યારે તમને ઓઇલ સિવાય અન્ય સ્કિન પ્રોબ્લેમ હોય. જો તમારી સ્કિન ડિહાઇડ્રેટ લાગતી હોય તો તમારાં સ્કિનકેર રૂટિનમાં (skincare routine) હાઇડ્રેટિંગ સિરમનો ઉપયોગ કરી શકો છો. બ્રાઇટનિંગ અને એન્ટી-એજિંગ ઇફેક્ટ્સ માટે તમે એવા પ્રોડક્ટનો ઉપયોગ કરો જેમાં આ બંને ગુણો હોય.
સ્કિન એક્સફૉલિએશન
સ્કિન એક્સફૉલિએશનઃ અઠવાડિયામાં એક અથવા બે વખત સ્કિન એક્સફૉલિએશન કરવાનું ના ભૂલો. વધારે પડતાં સીબમના કારણે સ્કિન લેયર પર ડેડ સ્કિન જમા થઇ જાય છે, જેના કારણે ખીલ, એક્ને, વ્હાઇટહેડ્સ અને બ્લેકહેડ્સની સમસ્યા સર્જાય છે.
મોઇશ્ચરાઇઝર અને હાઇડ્રેશનઃ ઓઇલી સ્કિન માટે મોઇશ્ચરાઇઝિંગ અને હાઇડ્રેશનની જરૂર પડે છે. જો કે, મોઇશ્ચરાઇઝરના કારણે સીબમ ગ્લેન્ડ વધુ ઓઇલ પ્રોડ્યૂસ કરે છે, તેથી જ ઓઇલ-ફ્રી (oil-free), ખીલ થતાં અટકાવે (non-comedogenic), અથવા વૉટર-બેઝ્ડ (water-based moisturizer) મોઇશ્ચરાઇઝરનો ઉપયોગ કરો.
પ્રાઇમર મેકઅપ માટે જરૂરી
મેકઅપ પહેલાં પ્રાઇમરઃ મેકઅપ પહેલાં પ્રાઇમરનો ઉપયોગ કરો, જેનાથી તમારું સીબમ કંટ્રોલમાં રહેશે અને તમારો મેકઅપ લાંબા સમય સુધી ચહેરા પર ટકેલો રહેશે.
આલ્કોહોલ-ફ્રી ટોનરઃ ચહેરા પર દરરોજ આલ્કોહોલ ફ્રી ટોનરનો ઉપયોગ કરો. દરરોજ ટોનરના ઉપયોગથી ચહેરા પર વધારાનું ઓઇલ દૂર થશે ઉપરાંત સ્કિન પર જમા ધૂળ અને રજકણો પણ દૂર થશે.
સનસ્ક્રિનનો ઉપયોગ
માસ્કનો ઉપયોગઃ ત્વચાને અનુરૂપ કોઇ પણ માસ્ક અથવા પીલનો અઠવાડિયામાં એકવાર ઉપયોગ કરો. તમારાં ચહેરા માટે ઉનાળામાં ચારકોલ અથવા મોરોક્કન ક્લે (charcoal or Moroccan clay face mask) શ્રેષ્ઠ રહેશે. તે ત્વચાને ક્લિયર કરશે અને એક્સેસ ઓઇલ દૂર કરશે.
સનસ્ક્રિનઃ સનસ્ક્રિનનું લેયર તમારાં ડેટાઇમ ઓઇલ સ્કિન કેર રૂટિનનો (oily skincare routine) મહત્વનો ભાગ હોવો જોઇએ. આ માટે તમે મિનરલ-બેઝ્ડ (mineral-based) પ્રોડક્ટ્સનો ઉપયોગ કરી શકો છો જેમાં ઝીન્ક અથવા ટીટેનિયમ ડાયોક્સાઇડ હોય જે ત્વચામાં તરત જ સમાઇ જાય છે અને એક્સ્ટ્રા ઓઇલને શોષી લે છે.
મેકઅપ રિમૂવ કરવાનું ના ભૂલો
મેકઅપ રિમૂવલઃ ક્યારેય મેકઅપ ચહેરા પર લઇને ના સૂવો, આનાથી તમારાં રોમછીદ્રો પૂરાઇ જશે અને નવા સ્કિન પ્રોબ્લેમને જન્મ આપશે.
ફેસ માસ્કઃ એક્સફૉલિએશન બાદ ફેસ માસ્કનો ઉપયોગ કરો, જેને અઠવાડિયામાં ત્રણથી ચાર વખત લગાવો. તમે એવા ફેસ માસ્કનો ઉપયોગ કરી શકો છો જેમાં kaolin અને bentonite માટી, ચંદન અને મુલતાની માટી હોય. આ પ્રકારના ફેસ માસ્ક તમારી સ્કિનને ક્લિયર કરવાની સાથે એક્સ્ટ્રા ઓઇલ પણ દૂર કરશે.
હેતલ ડાભી 13 વર્ષથી વધુનો અનુભવ ધરાવતી જર્નાલિસ્ટ છે જેઓએ તેમની કારકિર્દીની શરૂઆત અમદાવાદના એક લોકલ ન્યૂઝપેપર સાથે વર્ષ 2007માં કરી હતી. કારકિર્દીની શરૂઆતથી લઇ અત્યાર સુધી તેઓએ ક્રાઇમ, બિઝનેસ, ટેક્નોલોજી, પોલિટિક્સ, ઇન્ટરનેશનલ અફેર્સ, ટ્રાવેલ, ફેશન, લાઇફસ્ટાઇલ જેવા વિવિધ સેક્શનમાં કામ કર્યુ છે. હાલમાં તેઓ લાઇફસ્ટાઇલ સેક્શનમાં છેલ્લાં એક વર્ષથી કામ કરે છે. જ્યાં તેઓના અનુભવના આધારે વિવિધ માહિતી અને રસપ્રદ આર્ટિકલ્સ લખી રહ્યા છે જે વાચકોને સતત નવી નવી માહિતી સાથે જકડી રાખે છે. જર્નાલિઝ્મ ઉપરાંત હેતલ ડાભીને વાંચન, લેખન અને ડાન્સનો શોખ છે. તેઓના સાહિત્ય પ્રત્યેના લગાવ અને સતત કંઇક નવું લખવા તેમ જ વાંચવાના શોખથી તેઓ એક પરિપક્વ લેખિકા છે અને આ જ બાબતની ઝલક તેમના કામમાં પણ સરળતાથી જોવા મળે છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
