એશિયા અને યુરોપના ઘણા દેશો કોરોનાની ચોથી લહેરનો સામનો કરી રહ્યા છે. સૌથી ખરાબ સ્થિતિ દક્ષિણ કોરિયાની છે. જ્યાં દરરોજ લગભગ પાંચ લાખ નવા કેસ જોવા મળી રહ્યા છે. ચીનમાં સ્થિતિ ગંભીર છે જ્યાં ઘણા શહેરોમાં ફરીથી લોકડાઉન લગાવવામાં આવ્યું છે. આવા સમયે આ જીવલેણ વાયરસે ફરીથી જનમાનસમાં ચિંતા ઉભી કરી છે.
ઓમીક્રોન BA.1 અને BA.2ના મિશ્રણથી બન્યો XE
WHOએ ભૂતકાળમાં ઘણી વખત કહ્યું છે કે કોરોનાના વેરિએન્ટ્સ એકસાથે જોડાઈને કેટલાક નવા વેરિઅન્ટ બનાવી રહ્યા છે. થોડા દિવસો પહેલા ઓમિક્રોન અને ડેલ્ટાને જોડીને ડેલ્ટાક્રોન કોમ્બિનેશનની રચના કરવામાં થઈ હતી. હવે ઓમિક્રોન પાસે બે સબવેરિયન્ટ્સ BA1 અને BA2નું રિકોમ્બિનન્ટ થયું છે જેને XE વેરિયન્ટ કહેવામાં આવે છે. એવું માનવામાં આવે છે કે જ્યારે કોઈ વ્યક્તિ એક કરતાં વધુ વેરિયન્ટથી સંક્રમિત થાય છે ત્યારે આ XE પ્રકારનું વેરિયન્ટ બને છે.
કેટલો ઘાતક છે XE વાયરસ?
ઘણા દેશોમાં કોરોનાની ચોથી લહેરની સ્થિતિ યથાવત હોવાથી આ વાયરસ ચિંતાનું કારણ બની ગયો છે. યુકે હેલ્થ એજન્સીના ચીફ મેડિકલ એડવાઈઝર સુસાન હોપકિન્સ અનુસાર, 'કોરોના વાયરસના અન્ય પ્રકારો સાથે સાંકળીને બનેલા આવા પ્રકારો બહુ ઘાતક નથી હોતા અને ઝડપથી નબળા પડી જાય છે.'
કેટલો ગંભીર છે XE વેરિયન્ટ ?
WHOએ પોતાના નવા રિપોર્ટમાં કોરોના વાયરસના આ નવા પ્રકારને હાઈલાઈટ કર્યો છે. અત્યાર સુધીમાં કુલ 637 કેસ સામે આવ્યા છે. આ વાયરસ યુકેમાં જોવા મળ્યો છે. જેમાંથી પ્રથમ સેમ્પલ 19 જાન્યુઆરી 2022ના રોજ મળી આવ્યું હતું. જેની ગંભીરતા અંગે હોપકિન્સનું કહેવું છે કે આ વેરિયન્ટ કેટલો ઘાતક છે અને તે કેટલું નુકસાન પહોંચાડી શકે છે તેની અમે હજી પુષ્ટિ કરી શકતા નથી કારણ કે તેની ગંભીરતા વિશે તારણો કાઢવા માટે પૂરતા પુરાવા નથી.
XEમાં ઝડપથી ફેલાવાની છે ક્ષમતા
XE વેરિઅન્ટ ખૂબ જ ટ્રાન્સમિસિબલ હોવાનું કહેવાય છે. અહેવાલો અનુસાર, તે Omicron વેરિઅન્ટ કરતાં 10 ગણું વધુ ટ્રાન્સમિસિબલ છે. અત્યાર સુધી, Omicron સૌથી ઝડપથી ફેલાતો પ્રકાર માનવામાં આવતો હતો. ઓમિક્રોનનો દર એટલો ઊંચો હતો કે તેના કારણે સમગ્ર વિશ્વમાં કોવિડના કેસોની આખી લહેર ઉભી થઈ ગઈ.
WHOની પણ છે નજર
ડબ્લ્યુએચઓ પણ આ પ્રકારના વેરિયન્ટ પર બાજનજર રાખી રહ્યું છે અને તેના વિશે વધુ માહિતી એકત્રિત કરવામાં વ્યસ્ત છે. સંસ્થા તપાસ કરી રહી છે કે શું આ અને અગાઉના કોરોના વાયરસના પ્રકારો વચ્ચે ટ્રાન્સમિશન અને ગંભીરતામાં નોંધપાત્ર તફાવત છે કે નહીં?