કેન્સરનો એક પ્રકાર કોલોરેક્ટલ કેન્સર (Colorectal Cancer) પણ છે જેનાથી મોટાં આતરડાંનું કેન્સર અથવા પેટનું કેન્સર (Colon Cancer) પણ કહેવામાં આવે છે. તેના વિશે એક માન્યતા એવી છે કે તે વૃદ્ધોને થાય છે પરંતુ આજકાલ આ બીમારી યુવાઓમાં પણ સૌથી વધારે જોવા મળે છે.
અમેરિકન કેન્સર સોસાયટી (ACS) દ્વારા હાલમાં જ પ્રકાશિત એક અધ્યયન અનુસાર, નિદાન કરવામાં આવેલા પાંચ કેસમાં કેન્સરનો એક કેસ 55 વર્ષથી ઓછી ઉંમરના લોકોમાં જોવા મળ્યું છે. જેમાં તેનું યોગ્ય કારણ તો સામે નથી આવ્યું કે, શા માટે આવું થઇ રહ્યું છે પરંતુ વૈજ્ઞાનિકોનું કહેવું છે કે પર્યાવરણ અને આનુવંશિક કારણોથી આ કેન્સરનું પ્રમાણ વધી રહ્યું હોય તેવી શક્યતાઓ છે.
(તસવીરોઃ પિક્સાબે.કોમ, ફ્રિપિક.કોમ)
પેટના કેન્સરનું જોખમ કોને વધારે?
સીનિયર સાયન્ટિસ્ટ અને લેખિકા રેબેકા સીગલ (Rebecca Siegel, (2) Author/senior Scientific Director) અનુસાર, પેટના કેન્સરથી જોડાયેલા લગભગ એક તૃતીયાંશ કેસ વારસાગત હોવાનું સામે આવ્યું છે. જેમાં મેદસ્વિતા એક સૌથી મોટું કારણ છે. પેટના કેન્સરનું 5 ટકા કારણ શરીરનું વજન વધારે હોવું છે. આ ઉપરાંત વધારે વજન હોવાથી પેટના ડાબા ભાગે ટ્યૂમર થઇ શકે છે. પેટના કેન્સરના અન્ય કારણોમાં શુગરની માત્રા વધારે હોય તેવા પદાર્થો અને પ્રોસેસ્ડ મીટનું વધારે સેવન સામેલ છે.
પેટનું કેન્સર કેવી રીતે થાય છે?
અગાઉ જણાવેલા જોખમોનો માઇક્રોબાયોમ પર પ્રભાવ પડે છે. તે બેક્ટેરિયા અને અન્ય સૂક્ષ્મજીવ હોય છે જે માનવ શરીરના પાચનતંત્રને હેલ્ધી રાખવાનું કામ કરે છે. પેટનું કેન્સર એવા સમયે શરૂ થાય છે જ્યારે આતરડાં અથવા મળાશયની સ્વસ્થ કોશિકાઓ બદલાય છે અને અનિયંત્રિત થઇ જાય છે, જેના કારણે ટ્યૂમર બને છે.
પેટના કેન્સરનો સંકેત
આ કેન્સરનું ઝડપી નિદાન થાય તો દર્દીના જીવિત રહેવાની શક્યતા 90 ટકા હોય છે. નિષ્ણાતોની સલાહ છે કે તમે આ પ્રકારના સંકેતો પર નજર રાખો જેથી યોગ્ય નિદાન અને ઇલાજ થશે. જેમ કે, મળાશયમાં લોહી પડવું અથવા આયર્નની ઉણપ વગેરે.
યુવાઓમાં દેખાતા પેટના કેન્સરના લક્ષણો
યુવા દર્દીઓમાં કોલોરેક્ટલ કેન્સરનું સૌથી સામાન્ય લક્ષણ છે પેટમાં દુઃખાવો, આ ઉપરાંત અચાનક વજનમાં ઘટાડો, મળના રંગ અને આકારમાં ફેરફાર, મળાશયમાંથી લોહી પડવું જેવા લક્ષણો જોવા મળે છે.
પેટ સંબંધિત લક્ષણોને ઓળખો
હાર્વર્ડ મેડિકલ સ્કૂલ (Harvard Medical School)ના પ્રોફેસર અને વાઇસ ચેર ઓફ ગેસ્ટ્રોઇન્ટ્રોલોજી એન્ડ્ર્યૂ ચેન (Andrew Chan, professor of medicine) અનુસાર, મોટાંભાગે યુવા વર્ગ એવું સમજે છે કે, તેઓ સ્વસ્થ છે અને આ પ્રકારના સામાન્ય લાગતા લક્ષણોને ગંભીરતાથી નથી લેતા અથવા તેને નજરઅંદાજ કરી દે છે. યોગ્ય નિદાન અને ઇલાજના લક્ષણોની સમયસર ઓળખ જરૂરી છે. ચોક્કસથી પેટ સંબંધિત સમસ્યાઓ સામાન્ય છે પરંતુ જો તમને અગાઉ જણાવેલા લક્ષણો અથવા સંકેત જોવા મળી રહ્યા છે તો તત્કાળ ડોક્ટરની સલાહ લો.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.
આ સમાચારને અંગ્રેજીમાં વાંચવા માટે અહીં ક્લિક કરો