આવી ગઈ આયુર્વેદિક એન્ટિબાયોટિક દવા, બેક્ટેરિયા-વાયરસનો જડમૂળથી કરશે ખાત્મો

નવી દિલ્હીઃ એન્ટિબાયોટિક દવાઓના હદથી વધુ ઉપયોગના કારણે તેમના વિરુદ્ધ બેક્ટેરિયા અને વાયરસમાં પ્રતિરોધક ક્ષમતા ઉત્પન્ન થઈ રહી છે. અખિલ ભારતીય આયુર્વિજ્ઞાન સંસ્થાન(એમ્સ) ભોપાલ દ્વારા કરવામાં આવેલ એક અભ્યાસમાં આયુર્વેદિક એન્ટિબાયોટિક દવા ફીફાટ્રોલ એક મુખ્ય બેક્ટેરિયા સંક્રમણ વિરુદ્ધ ખૂબ પ્રભાવી અસર પાડતી જોવા મળી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:શોધકર્તા ટીમના પ્રમુખ અને એમ્સ ભોપાલના નિર્દેશક ડો. સમરન સિંહ અનુસાર સામાન્ય રીતે આયુર્વેદિક દવાઓ પ્રતિરોધક ક્ષમતા વધારે છે. પરંતુ ફીફાટ્રોલ બેક્ટેરિયા વિરુદ્ધ લડવામાં પણ કારગર છે. શરુઆતના પરિણામ ખૂબજ ઉત્સાહજનક છે. એમ્સ ભોપાલે પોતાની શોધમાં જાણવા મળ્યું કે ફીફાટ્રોલ સ્ટેફિલોકોકસ પ્રજાતીના બેક્ટેરિયા વિરુદ્ધ ખૂબ જ શક્તિશાળી રીતે લડે છે. આ પ્રજાતીના અનેક બેક્ટેરિયા હાલ સક્રિય છે. જેમાં આરિયસ, એપિડર્મિસ, સ્પોફિટિકસ તેના પેટા પ્રકારો પણ છે. આ ત્રણેય બેક્ટેરિયા વિરુદ્ધ તે ખૂબ જ પ્રભાવી એન્ટિબાયોટિક સાબિત થઈ છે.એક અન્ય બેક્ટેરિયા પી રુજિનોસા વિરુદ્ધ વિરુદ્ધ પણ આ દવા અસરદાર છે. ઉપરાંત ઇકોલાઈ, નિમોનિયા, કે. એરોજેન જેવા બેક્ટેરિયા વિરુદ્ધ પણ સંવેદનશીલ પ્રતિક્રિયા દેખાડે છે. સ્ટેફિલોકોકસ બેક્ટેરિયા ત્વચા, શ્વાસ અને પેટ સંબંધી ઇંફેક્શન માટે જવાબદાર છે. જે લોકોમાં રોગપ્રતિકારક શક્તિ નબળી હોય છે તેમનામાં આ બેક્ટેરિયાનું સંક્રમણ ખૂબ ઘાતક હોય છે.ફીફાટ્રોલ 13 આયુર્વેદિક જડીબુટ્ટી દ્વારા તૈયાર કરવામાં આવેલ એક એન્ટી માઈક્રોબિયલ સલૂશન છે. જેમાં પાચં જડીબુટ્ટીઓ મુખ્ય છે જ્યારે 8 જડીબુટ્ટીનો ફક્ત આંશિક ઉપયોગ કરવામાં આવ્યો છે. એમિલ ફાર્માસ્યુટિકલ્સ દ્વારા નિર્મિત ફીફાટ્રોલમાં સુદર્શન વટી, સંજીવની વટી, ગોદાંતી ભસ્મ, ત્રિભુવન કીર્તિ રસ તેમજ મૃત્યુંજય રસ સામેલ છે. જ્યારે 8 અન્ય ઔષધીય અંશોમાં તુલસી, કુટકી, ચિરયાત્રા, મોથા, ગિલોય, દારુહલ્દી, કરંજ તેમજ અપ્પામાર્ગ સામેલ છે. આયુર્વેદ વિશેષજ્ઞ ડો. રામનિવાસ પરાશરના જણાવ્યા મુજબ આ શોધ સાબિત કરે છે કે આયુર્વેદમાં એન્ટિબાયોટિક દવાનો વિકલ્પ રહેલો છે. જે સમગ્ર રુપે જડીબુટ્ટી પર આધારીત છે જેની કોઈ આડઅસર હોતી નથી.Video: આસામમાં બે બાળકો બાદ સરકારી નોકરી નહીં