દારૂ ફક્ત નશા માટે જ નથી, આ પણ છે તેના ધાંસૂ ઉપયોગ

I am Gujarat

આલ્કોહોલના આ ઉપયોગ જાણી તમે ચોંકી જશો

રેગી જોર્જ જેનારિસ, જો તમને એમ લાગતું હોય કે દારૂ અથવા આલ્કોહોલ તો ફક્ત પીવા માટે જ છે તો અહીં તેના અન્ય ઉપયોગ વાચ્યા બાદ તમે ચોક્કસ આશ્ચર્યચકિત થઈ જશો. મોટાભાગના લોકોને એ જાણ જ નથી કે આલ્કોહોલની માલિશથી કેટલાક આરોગ્ય વિષયક ફાયદા પણ મળી શકે છે.

મચ્છર અને જીવાતના કરડવામાં મળે રાહત

પોપસુગર ડોટ કોમના રિપોર્ટ મુજબ જો તમને મચ્છર અથવા કોઈ જીવાત કરડી હોય અને ત્યાં ખંજવાળ આવતી હોય તો તે જગ્યાએ આલ્કોહોલ લગાડવાથી ખંજવાળમાં તુરંત રાહત મળે છે.

તાવના કારણે પડતા ચાંદામાં

આલ્કોહોલમાં ડુબાડીને રાખવામાં આવેલ પેડને તાવથી થયેલા ચાંદા પર મુકવાથી તેમાં રાહત મળે છે. wikihow.comના રિપોર્ટમાં એમ પણ કહેવાયું છે કે આવા કેસમાં આલ્કોહોલની માલિશથી 70%રાહત મળે છે.

સાંધાના દુખાવામાં રાહત

કોલુમ્બા ઓનલાઈન એનસાઇક્લોપીડિયામાં જણાવ્યા અનુસાર સાંધાના દુખાવામાં આલ્કોહોલના ઉપયોગથી રાહત થાય છે. આલ્કોહોલ સાંધા પર લગાવવાથી ઇરિટન્ટની જેમ કાર્ય કરે છે અને તે જગ્યાએ ત્વચા નીચે લોહીના પરીભ્રમણને વધારે છે. જેના કારણે દુખાવામાં તત્કાળ રાહત મળે છે.

હાથ ધોવા માટે ઉત્તમ સેનિટાઇઝર

wellnessmama.com પર જણાવ્યા અનુસાર આલ્કોહોલમાં નીચે આપેલા ઇન્ગ્રીડિયન્ટ ભેળવીને ઘરે જ સેનિટાઇઝર બનાવી શકો છો જે બજારમાં મળતા કોઈપણ સેનિટાઇઝર કરતા વધુ હેલ્થી છે. 1/4 કપ એલોવિરા જેલ, 1/2 ટીસ્પૂન ગ્લીસરિન, 1 ટેબલ સ્પૂન રબિંગ આલ્કોહોલને એક બાઉલમાં મિક્સ કરો. જે બાદ તેમાં 10 ટીપા તજ અથવા ચાનું તેલ મિક્સ કરો. બસ હોમ મેઈડ સેનિટાઇઝર થઈ ગયું તૈયાર

આલ્કોહોલના ઉપયોગથી તમારૂ ઘર બનાવો જીવાત મુક્ત

અમેરિકન પેસ્ટ કંટ્રોલ વિભાગ દ્વારા જાહેર કરાયા મુજબ જો તમારા ઘરમાં ગાલીચા, બોક્સ કબાટ વગેરેમાં જીવાત થઈ જતી હોય તો મેડિકલ આલ્કોહોલનો સ્પ્રે કરી શકો છો. આલ્કોહોલના છંટકાવથી દરેક પ્રકારની જીવાત તુરંત જ નાશ પામશે. જોકે આલ્કોહોલ છંટકાવ સમયે તમારા હાથ, આંખ અને ચહેરાને તેનાથી બચાવો.

તમારા જૂતાની દુર્ગંધને દૂર કરો

તમારા જૂતાને પહેલા પૂર્ણરૂપે સૂકાવી નાખો. તે બાદ તેમાં રબિંગ આલ્કોહોલનો સ્પ્રે કરો. બસ પછી ફરી જૂતાને એક રાત માટે સુકાવી દો. જૂતામાથી દરેક પ્રકાર દુર્ગંધ દૂર થઈ ગઈ હશે.