શુરૂફિટ ઇન્ડિયાના હેલ્થ કોચ સૌરભ ગુપ્તા (Saurabh Gupta, Certified Coach, Shurufit India)એ તેઓના સોશિયલ મીડિયા પ્લેટફોર્મ પર આ અંગે જાણકારી શૅર કરી છે કે ટ્રેડમિલનો ઉપયોગ ઘૂંટણ માટે કેટલો સુરક્ષિત છે અને કેવા લોકોએ તેના પર રનિંગ અથવા વૉક કરતી વખતે સાવધાની રાખવી જોઇએ.
(તસવીરોઃ ફ્રિપિક.કોમ)
ઘૂંટણની સમસ્યા
જો તમે મેદસ્વિ છો તો ટ્રેડમિલ પર રનિંગ કરવાથી બચવું જોઇએ. તેના બદલે ઇંક્લાઇન વૉક કરવું વધારે ફાયદાકારક છે. તમે ઇંક્લાઇન ટ્રેડમિલ પર વૉક કરી શકો છો. આ સિવાય ઘૂંટણની સમસ્યામાં વધારે ધ્યાન આપવું જોઇએ. કારણ કે રનિંગ અથવા ઝડપથી ચાલવાના કારણે ઘૂંટણ પર તણાવ પડી શકે છે અને સમસ્યા પહેલાં કરતા વધારે ગંભીર થઇ શકે છે. તમારે સૌથી પહેલાં ઘૂંટણને મજબૂત બનાવવાની એક્સરસાઇઝ કરવી જોઇએ.
ઘૂંટણ પર તણાવ ના પડે તે રીતે કરો ટ્રેડમિલનો ઉપયોગ
ફ્લેટ ફૂટ
ફ્લેટ ફૂટમાં રનિંગ કરવાથી તળિયા પર પ્રેશર પડી શકે છે, સાથે જ ઘૂંટણ અને કમર પર દબાણ પડે છે. આ માટે રનિંગ કરતા અગાઉ એવા જૂતા પહેરો જે તળિયામાં આર્ક બનાવવાનું કામ કરે.
લૉઅર બેકની સમસ્યા
રનિંગથી તમારાં લૉઅર બેકમાં પણ તણાવ પડી શકે છે આ માટે તમને અગાઉથી આ હિસ્સામાં સમસ્યા હોય તો જોગિંગ અથવા ઇંક્લાઇન વૉક કરવાથી બચો. તેના બદલે તમે નોર્મલ વૉક કરો.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.