વરસાદમાં ક્યારેય ઘરમાં ન સૂકવો ભીનાં કપડાં, થશે આ મુશ્કેલી

વરસાદની મોસમ ભલે રોમેન્ટિક કહેવાતી હોય પરંતુ તે પોતાની સાથે અનેક તકલીફો પણ લઈને આવે છે. હજુ વોશિંગમશીન હોય તો ઓછી તકલીફ રહે છે પરંતુ રોજ કપડા ડ્રાયરમાં સૂકવી શકતાં નથી. આથી વરસાદથી કપડાને બચવા માટે ઘરની અંદર દોરી લગાવીને રાખવી પડે છે, પરંતુ શું તમે જાણો છો કે કપડા સૂકવવાની આ રીત ઘરના સભ્ય માટે અનેક બીમારીઓ પણ સાથે લાવે છે?

વરસાદની મોસમ ભલે રોમેન્ટિક કહેવાતી હોય પરંતુ તે પોતાની સાથે અનેક તકલીફો પણ લઈને આવે છે. હજુ વોશિંગમશીન હોય તો ઓછી તકલીફ રહે છે પરંતુ રોજ કપડા ડ્રાયરમાં સૂકવી શકતાં નથી. આથી વરસાદથી કપડાને બચવા માટે ઘરની અંદર દોરી લગાવીને રાખવી પડે છે, પરંતુ શું તમે જાણો છો કે કપડા સૂકવવાની આ રીત ઘરના સભ્ય માટે અનેક બીમારીઓ પણ સાથે લાવે છે?

I am Gujarat

અસ્થમાના દર્દી માટે નુકસાનકારક

જ્યારે કપડા વરસાદથી ભીનાં થઈ જાય છે ત્યારે તે દુર્ગંધ ફેલાવે છે અને ઘરનું ઈન્ટિરિયર પણ બગાડે છે. આ ઉપરાંત તે અનેક બેક્ટેરિયાને પોષણ આપવાનું પણ કામ કરે છે. અસ્થમાના દર્દીઓ માટે આ પ્રકારના રુમ અથવા ઘરમાં રહેવું એ ખૂબ જ ઘાતક સાબિત થઈ શકે છે.

ઉત્પન્ન થાય છે જીવાણું

આ ઉપરાંત જો ઘરમાં નાનુ બાળક હોય તો તેના સ્વાસ્થ્ય પર પણ દોરી પર રહેલા ભીના કપડાં નુકસાન પહોંચાડે છે. ભીનાં વાતાવરણમાં જીવાણું ઉત્પન્ન થાય છે. જે નરીઆંખે જોવા મળતાં નથી . જેની રોગપ્રતિકારક શક્તિ નબળી હોય છે તેને તરત જ અસર પહોંચે છે.

ત્વચાના સંક્રમણનો ભય

જેમને ત્વચાની બીમારીઓ હોય તેમની બીમારીઓ વધુ વકરે છે. સ્વસ્થ લોકોમાં પણ ત્વચાના સંક્રમણનો ભય ફેલાય છે. જ્યાં સુધી શક્ય હોય ત્યાં સુધી વોશિંગ મશિન ખુલ્લી અથવા હવાવાળી જગ્યા પર રાખો. મશીનને બેડરુમ અથવા લિવિંગ એરિયાથી દૂર રાખવું જોઈએ. જેથી તેમાં ભીનાશ ન રહે.

અલમારીનું રાખો ખાસ ધ્યાન

અલમારીમાં ભીનાશ ન રહેવા દેવી જોઈએ. આ ઉપરાંત સમય સમય પર સફાઈ પર પણ ધ્યાન આપવું જોઈએ. આછા ભીના કપડાઓને ‘તેની મેળે સૂકાઈ જશે’ એવું વિચારીને ક્યારેય અલમારીમાં ન રાખો. બારી હંમેશા ખુલ્લી રાખો. જેથી હવાની અવર-જવર યોગ્ય રીતે થઈ શકે.