સામાન્ય રીતે આ સ્થિતિ ખાનપાનની ખોટી રીત, સુસ્ત જીવનશૈલીના પરિણામે થાય છે. પરંતુ ઘણીવાર તેનાથી ઇરિટેબલ બાઉલ સિન્ડ્રોમ (IBS) જેવી ગંભીર બીમારીઓનું જોખમ પણ ઉભું થાય છે. પેટ ફૂલાયેલું રહેવાના અનેક કારણો હોઇ શકે છે. જો કે, તેના મૂળ કારણોને જાણ્યા બાદ તેનો ઇલાજ કરવાથી ઝડપી પરિણામ મળે છે. પેટ ફૂલવાની સમસ્યા ઘણીવાર કબજિયાત, ગેસ કે એસિડિટીના કારણે પણ થાય છે.
એક્સપર્ટ્સ અનુસાર, બ્લોટિંગથી બચવા માટે તમારે સૌથી પહેલાં ડાયટમાં ફેરફાર કરવા જોઇએ. તેના માટે અનેક દવાઓ અને ઉપચાર પણ મોજૂદ છે. આ સિવાય આયુર્વેદમાં પણ પેટ ફૂલવાની સમસ્યાને દૂર કરવાનો ઇલાજ છે. આયુર્વેદિક ડોક્ટર મિહિર ખત્રી (Dr. Mihir Khatri, Ayurveda Doctor) પાસેથી જાણો ફૂલેલા પેટ અને બ્લોટિંગની સમસ્યાને દૂર કરવાની અસરદાર, સરળ અને સસ્તી રીત વિશે.
(તસવીરોઃ પિક્સાબે.કોમ, ફ્રિપિક.કોમ)
પેટ ફૂલવા અથવા બ્લોટિંગના કારણો
- વધારે સમય સુધી બેસી રહેવું
- ભૂખ વગર ખાવું
- ભોજન બાદ અથવા ભોજન દરમિયાન વધારે માત્રામાં પાણી પીવું
- મોડી રાત્રે ભોજન લેવું
- વધારે કાચા શાકભાજીનું સેવન
બ્લોટિંગ માટે આયુર્વેદિક ઉપચાર
એક ચમચી દેશી ગાયનું ઘી ગરમ કરીને તેમાં 2 ચમચી સિંધવ મીઠું નાખો. આ મિશ્રણને ભોજન પહેલાં બપોરે અથવા રાત્રે ભોજન માટે માત્ર એક અઠવાડિયા સુધી લો. આનાથી પેટ ફૂલવાની સમસ્યાથી આરામ મળશે.
ઘી અને સિંધવ લૂણના ફાયદા
ડોક્ટર અનુસાર, ગરમ ઘીમાં અગ્નિપ્રદિપણ ગુણો રહેલા છે જે ભોજનને પચાવવામાં મદદ કરે છે. સિંધવ લૂણ પણ અગ્નિપ્રદિપક છે જે પાચનમાં સુધાર કરવામાં મદદ કરે છે અને ગેસથી છૂટકારો અપાવે છે.
પેટના ગેસ અને બ્લોટિંગનો રામબાણ ઇલાજ
બ્લોટિંગ ઉપાયો અને તકેદારી
દરરોજ સવારે ઓછામાં ઓછા અડધા કલાક સુધી ચાલવાની આદત રાખો, માત્ર ભોજન બાદ નહીં પણ સવારે પણ ચાલવાથી ગેસની સમસ્યા દૂર થશે. આ સિવાય તેનાથી સોજા પણ દૂર થાય છે.
જો તમે જૂના જીઆઇ ડિસ્ઓર્ડર્સ (GI Disorders)થી પીડિત છો, તો સૌથી પહેલાં તમારે તેનો ઇલાજ કરાવવો જોઇએ. આ બીમારીનો ઇલાજ શક્ય છે. પેટમાં સતત ગેસ બની રહ્યો છે તેના મૂળ વિશે જાણો અને ડોક્ટરની સલાહ લો.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.