30ની ઉંમરમાં માતા બનશો તો લાંબુ રહેશે તમારૂ જીવન

I am Gujarat

મોટી ઉંમરે માતા બનતી મહિલાઓ વધુ જીવે છે

હાલના સમયમાં ઘણા લોકો કરિયર માટે મોટી ઉંમરે લગ્ન કરે છે અને તેમાં મહિલાઓનું પ્રમાણ વધુ જોવામાં આવે છે. જોકે નિષ્ણાંતોએ આ ટ્રેન્ડ સામે રેડ સિગ્નલ આપતા જણાવ્યું કે ‘મોટી ઉંમરે લગ્નથી બાળક થવાની શક્યતાઓ ઓછી થઈ જાય છે.’ જોકે આ ટ્રેન્ડનો બીજો એક ફાયદો પણ છે પોર્ટુગલની કોઇબ્રા યુનિવર્સિટીના નિષ્ણાંતો દ્વારા જણાવ્યાં મુજબ જે મહિલાઓ મોટી ઉંમરે માતા બને છે તેમની ઉંમર 20 વર્ષની નાની વયે માતા બનતી મહિલાઓ કરતા વધી જાય છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મોટી ઉંમરે બાળક ન રહેવાનો ખતરો પણ રહેલો છે

જર્નલ ઓફ પબ્લિક હેલ્થમાં પ્રકાશિત એક અહેવાલમાં જણાવવામાં આવ્યું છે કે, ‘આ અભ્યાસના પરીણામ પ્રાસંગિક છે. જે મહિલાઓ મોટી ઉંમરે પહેલીવાર માતા બને છે તેઓ વધુ જીવે છે. મહિલાઓની ઉંમર પર અસર કરતા ફેક્ટર્સમાં તેઓ ક્યા વર્ષે માતા બની તે પણ મહત્વ રાખે છે.’

અન્ય એક અભ્યાસમાં પણ મળ્યા આવા જ પરીણામ

મોનોપોઝ નામના એક જર્નલમાં પ્રકાશીત અન્ય એક અભ્યાસ માં જણાવ્યા મુજબ જે મહિલાઓ 33 વર્ષ અથવા તો તેનાથી વધુ ઉંમરે માતા બની છે તેમનામાં દિર્ઘાયુ બનાવે તેવા ડિએનએની માત્રા 3 ગણી વધુ જોવા મળી હતી. જોકે આ બંનેમાંથી કોઈપણ અભ્યાસમાં આવું થવા પાછળનું કારણ દર્શાવવામાં આવ્યું નથી.

આવી મહિલાઓ જીવે છે વધુ હેલ્થી લાઇફ

જે મહિલાઓ મોટી ઉંમરે પ્રેગ્નેન્ટ થાય છે તે પોતે ભણેલી-ગણેલી અને સાધન-સંપન્ન હોય છે. આ મહિલાઓ હેલ્ધી લાઇફસ્ટાઇલ એફોર્ડ કરી શકે છે. જેના કારણે તેમની જીવવાની ઉંમર વધી જાય છે.