કહેવત છે કે ‘An apple a day keeps the doctor away’. સફરજન ખૂબ જ ગુણકારી ફળ છે. કહેવાય છે કે રોજ તમે એક સફરજન ખાશો તો કોઈપણ પ્રકારના રોગથી તમે દૂર રહી શકશો. નિષ્ણાંતોના જણાવ્યા મુજબ સફરજનના ફાયદાને નજરઅંદાજ કરવા શક્ય જ નથી. આ એક એવું ફળ છે કે જેમાં હાડકા, દાંત, સ્કિનને સુધારવાની ક્ષમતા છે અને આ ઉપરાંત જાતજાતના વિટામિન્સ અને મિનરલ્સ ઉપલબ્ધ છે.
ડાયાબિટીસ માટેઃ
સફરજન ખાવું ડાયિબિટીસના દર્દીઓ માટે ખૂબ જ ફાયદાકારક પુરવાર થાય છે. તે શરીરના મેટાબોલિઝમને બેલેન્સ્ડ રાખે છે. આટલું જ નહિ, તે ટાઈપ ટુ ડાયાબિટીસનો ખતરો ઓછો કરે છે.
ચરબી ઘટાડવાઃ
તમે જો ખાલી પેટે સફરજન ખાશો તો તમારી ચરબી ફટાફટ ઓગળવા માંડશે. સફરજનમાં વિશેષ પ્રકારનું ફાઈબર રહેલું હોય છે જે તમારી સ્થૂળતા ઘટાડવામાં મદદ કરે છે.
પાચનક્રિયા સુધારેઃ
સફરજન પાચનક્રિયા સુધારવામાં મદદરપૂ છે. તેમાં મેલિક એસિડ રહેલું હોય છે જે તમારી પાચનક્રિયા વધુ મજબૂત બનાવે છે. તમને કબજિયાત કે ડાયેરિયાની સમસ્યા હોય તો તેમાં પણ સફરજન રામબાણ ઈલાજ છે.
મેનોપોઝમાં લાભકારકઃ
સફરજનમાં રહેલા તત્વો હાડકાની મજબૂતી વધારે છે. ખાસ કરીને સ્ત્રીઓએ મેનોપોઝ પછી સફરજન અવશ્ય ખાવું જ જોઈએ.
કોલેસ્ટ્રોલઃ
હૃદયના સ્વાસ્થ્ય માટે અને કોલેસ્ટ્રોલ કંટ્રોલમાં રાખવા સફરજન ફાયદાકારક છે. સફરજન ન માત્ર શુગર લેવલ કંટ્રોલ કરે છે પરંતુ કોલેસ્ટ્રોલ લેવલ પણ કાબુમાં રાખે છે. આથી કોલેસ્ટ્રોલની સમસ્યા ધરાવતા દર્દીઓ માટે સફરજન ખૂબ જ ફાયદાકારક છે.
દિમાગ તેજ બનાવે છેઃ
દિમાગ તેજ કરવા માટે સફરજન ફાયદાકરક છે. આ ખાવાથી નસ અને મગજ વચ્ચે યોગ્ય તાલ-મેલ જળવાઈ રહે છે. આથી તેજ મગજ જોઈતું હોય તો આજે જ સફરજન ખાવાનું શરૂ કરી દો.
મજબૂત જડબા માટેઃ
જડબા મજબૂત કરવા માટે સફરજન ખૂબ જ ઉપયોગી છે. સફરજનમાં રહેલુ મેલિક એસિડ તારા મોઢામાં રહેલા કીટાણુનો પણ નાશ કરે છે જેથી દાંત અને જડબા સ્વસ્થ બને છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.