સીતાફળના આ ઔષધીય ગુણો વિશે તમે નહીં જાણતા હોવ...

Arjun Parmar | I am Gujarat 18 Oct 2017, 3:31 pm

health benefits of custard apple — સીતાફળના આ ઔષધીય ગુણો વિશે તમે નહીં જાણતા હોવ...

ગુણકારી સીતાફળ

શિયાળામાં સીતાફળ બજારમાં આવી જશે. સીતાફળને ઈંગ્લિશમાં કસ્ટર્ડ એપલ કહે છે. સીતાફળ અનેક ઔષધીય ગુણોથી ભરપૂર હોય છે. માર્કેટમાં આજકાલ સીતાફળશેક અને આઈસક્રીમ પણ મળે છે. સ્વાસ્થ્ય માટે ખૂબ જ સારો હોય છે. તેમાં વિટામિન સિવાય નિયાસિન વિટામિન એ રાઈબોફ્લેવિન થિયામિન જેવા તત્વો હોય છે. તેના ઉપયોગથી આયરન, કેલ્શિયમ, મેંગેનીઝ, મેગ્નેશિયમ, પોટેશિયમ અને ફોસ્ફરસ મળે છે. આવો તમને સિતાફળના લાભો વિશે માહિતી આપીએ…

કબજિયાત

જો તમને કબજિયાતની સમસ્યા હોય તો સીતાફળથી તે દૂર થઈ શકે છે. સીતાફળમાં પર્યાપ્ત પ્રમાણમાં કૉપર અને ફાયબર હોય છે. જે મળને નરમ કરીને કબજિયાતની સમસ્યા દૂર કરી શકે છે. તેના ઉપયોગથી પાચનતંત્રની સમસ્યા પણ દૂર થઈ શકે છે.

ગર્ભવતી મહિલાઓ માટે

ગર્ભવતી મહિલાઓ જો સીતાફળ ખાય તો તેનાથી કમજોરી દૂર થાય છે. ઉલ્ટી આવતી નથી. સવારે થાકમાં આરામ મળે છે. બાળકના જન્મ બાદ બ્રેસ્ટ દૂધમાં વધારો થાય છે.

વજન વધારવા માટે

જો તમે કમજોર હોવ અને વજન વધારવા માગતા હોવ તો સીતાફળનો ભરપૂર ઉપયોગ કરવો જોઈએ. તેમાં પ્રાકૃતિક સુગરની સારી માત્રા હોય છે. જે વગર કોઈ સાઈડ ઈફેક્ટ વજન વધારી શકે છે. તેના નિયમિત સેવનથી આવા અનેક લાભો પ્રાપ્ત થાય છે.

સીતાફળના ઝાડની છાલ

સીતાફળના ઝાડની છાલમાં મળી આવતા ટેનિનને કારણે દાંત અને પેઢાંને લાભ મળે છે. સીતાફળમાં મળતું કેલ્શિયમ દાંત મજબૂત બનાવે છે. સીતાફળના ઝાડની છાલને બારીક પીસીને મંજન કરવાથી પેઢા અને દાંતના દુ:ખાવામાં લાભ મળે છે. તેનાથી મોઢાની દુર્ગંધ પણ દૂર થઈ જાય છે.

આંખો માટે લાભકારી

સીતાફળમાં મળી આવતા વિટામીન એ, વિટામીન સી, રાઈબોફ્લેવિનને કારણે આંખો સતેજ બને છે. તેનાથી આંખની રોશની વધે છે. તેના કારણે આંખને લગતા રોગથી પણ સુરક્ષા મળે છે. જે લોકો લેપટોપ પર વધારે કામકાજ કરતા હોય છે તેઓ માટે આ ફળનું નિયમિત સેવન લાભકારી સાબિત થાય છે.

માનસિક શાંતિ

સીતાફળ ખાવાથી માનસિક શાંતિ મળે છે તેમજ ડિપ્રેશન દૂર થાય છે. કાચા સીતાફળની ક્રીમ ખાવાથી પેચિશમાં આરામ આવે છે. કાચી ક્રીમને સૂકવીને પણ ઉપયોગમાં લઈ શકો છો.