નવજાતની જીભની સફાઈ કેવી રીતે કરશો? રાખો આ વાતનું ધ્યાન
નાના બાળકોને દાંત ના આવ્યા હોવા છતાં તેમના મોંની યોગ્ય સફાઈ થાય તે જરૂરી છે. બાળકના ઓરલ હેલ્થની કાળજી રાખવી માતા-પિતાની જવાબદારી છે. એવામાં જો તમે તમારા શિશુની જીભ સાફ કરતાં હો તો આટલી વાતો ખાસ ધ્યાન રાખજો.
જન્મના સમયે જ ભલે બાળકના દાંત નથી હોતા પરંતુ નિયમિત નવજાતનું મોં સાફ કરવાની જરુર તો પડે જ છે. જો તમારુ બાળક પણ નાનું હોય તો તમારે પણ તેની જીભ રોજ સાફ કરવી જોઈએ. બાકી બાળકને ઓરલ હેલ્થથી જોડાયેલી સમસ્યા થઈ શકે છે. આવો જાણીએ કે બાળકની જીભ સાફ કરવાની સાચ્ચી રીત કઈ છે?
I am Gujaratનવજાતની જીભની સફાઈ કેવી રીતે કરશો? રાખો આ વાતનું ધ્યાન
શા માટે જરુરી છે જીભ સાફ કરવી?
જો તમે રોજ બાળકની જીભ અને મોંની સફાઈ કરો છો તો તેનાથી બાળકના મોમાંથી વાસ આવવાની અને બેક્ટેરિયા તેમજ ઓરલ ઈન્ફેક્શનની બીમારીઓનો ખતરો ઓછો થઈ જાય છે. દાંત આવતા પહેલા જ બાળકની મોની સફાઈ કરવી શરુ કરી દેવી જોઈએ. શરુઆતમાં આવું કરવાથી બાળકના દાંત આવવાની પ્રક્રિયામાં વધુ મદદ મળે છે અને દાંત સાફ અને મજબૂત રહે છે.
નવજાતની જીભ સાફ કરવાની રીત
સૌથી પહેલા તો તમે તમારા હાથને ધોઈ લો અને પછી સાફ સ્વચ્છ સૂતરાઉ કાપડ લઈને તેને ગરમ પાણીમાં ભીંજવીને પોતાની તર્જની આંગળી પર લપેટી લો. હવે બાળકનું મોં ખોલીને પોતાની આંગળી અંદર નાખો. આંગળીને જીભ પર ગોળ-ગોળ ફેરવો. જોકે, ધ્યાન રાખો કે તમારી આંગળી શિશુના ગળા સુધી ન જવી જોઈએ.બાળકના મોની સફાઈ કરતા સમયે જુઓ કે ક્યાંક તેની જીભ પર કોઈ સફેદ કોટિંગ તો નથી ને. આ ઓરલ થ્રશ હોય શકે છે. જો આવું હોય તો તરત જ ડોક્ટરનો સંપર્ક કરો. દિવસમાં ઓછામાં ઓછું એકવાર બાળકની જીભ અને મોંની સફાઈ કરો. તમે ડોક્ટરને પૂછીને ફિંગર ટૂથબ્રશ અથવા તો ટંગ ક્લીનરનો ઉપયોગ પણ કરી શકો છો.
આ વાતોનું રાખો ધ્યાન
તમારે ખાસ ધ્યાન રાખીને શિશુની જીભ અને મોંની સફાઈ કરવાની છે. એ વાતનું ધ્યાન રાખો કે બાળકને કોઈ જ ઈજા ન પહોંચે. ઈન્ફેક્શનથી બચવા માટે સાફ કપડાનો જ ઉપયોગ કરો. હંમેશા પોતાના નખ નાના અને કાપીને જ રાખો. ઉપરાંત આ નખમાં કોઈ જ ગંદકી પણ જમા થવા ન દો. બાળકની જીભ જબરજસ્તીથી સાફ કરવાની કોશિશ ન કરો.
મહત્વની છે જીભની સફાઈ
વારંવાર એવું જોવા મળ્યું છે કે લોકો નવજાતની જીભ સાફ કરવાને વધુ મહત્વ આપતા નથી. જોકે, તમારે એ સમજવું પડશે કે શિશુની ઓરલ હેલ્થ માટે જીભની સફાઈ ખૂબ જ જરુરી છે. આ નાની-નાની વાતોનું ધ્યાન રાખીને તમે શિશુને સ્વસ્થ જીવન આપી શકો છો. નિયમિત જીભ અને મોની સફાઈ કરવાથી તમારા બાળકના દાંત પણ સારી રીતે આવશે અને મોંને લગતી કોઈ જ સમસ્યા નહીં નડે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
