કેટલાંક લોકોને સીડી ચઢતી વખતે, પગપાળા ચાલતી વખતે અને નાના મોટાં કામકાજ કરવાથી પણ શ્વાસ ફૂલાઇ જવાની ફરિયાદ રહે છે. ક્લિવલેન્ડ ક્લિનિક (clevelandclinic.org) અનુસાર, આ લક્ષણો ફેફસાની બીમારી, હૃદયરોગ, ઇન્ફેક્શન પેનિક અટકે અથવા ફેફસાની નસોમાં બ્લોકેજ હોવાના છે. જેમાં કારણે વ્યક્તિ યોગ્ય રીતે અથવા સરળતાથી શ્વાસ નથી લઇ શકતો.
(તસવીરોઃ પિક્સાબે.કોમ, ફ્રિપિક.કોમ)
આ પરેશાનીઓ પણ જોડાય છે
નેશનલ હેલ્થ સર્વિસ (NHS) અનુસાર, ખાંસી, ગભરામણ, છાતીમાં જડતા કે અચાનક દુઃખાવો શરૂ થવો, વારંવાર છીંકો આવવી, બંધ નાક, ગળામાં દુઃખાવો જેવા લક્ષણો પણ પરેશાન કરી શકે છે. જેને હળવાશમાં ના લેવા જોઇએ અને તત્કાળ ડોક્ટરની સલાહ લેવી જોઇએ.
બદલાતી સિઝનમાં રહો સાવધ
ક્લિવલેન્ડ ક્લિનિક (clevelandclinic.org) અનુસાર, હવામાનમાં ફેરફાર થવા પર શ્વાસની બીમારી ગંભીર બનતી જાય છે. હાલ ચોમાસાની સિઝનમાં વાયરસ અને બેક્ટેરિયાનું જોખમ વધારે રહેલું છે જેના કારણે શ્વાસની નળીમાં સોજા આવી શકે છે. જો તમારાં શ્વાસ વારંવાર ફૂલાઇ જતા હોય તો તમારે સ્મોકિંગ, ફૅટ વધારતા ખોરાક, સુસ્ત જીવનશૈલી, અનહેલ્ધી ડાયટને છોડવું જોઇએ.
ફેફસાને હેલ્ધી રાખવા કરો આટલું
ફેફસાને મજબૂત બનાવી રાખવા માટે એન્ટીઓક્સિડન્ટ્સ અને એન્ટીઇન્ફ્લેમેન્ટરી ફૂડ્સની જરૂર હોય છે. આ માટે હળદર, ટામેટાં, ખાટાં ફળો, કોળું, સફરજન, લીલા શાકભાજી, બીટ ખાવ. ખુલીને શ્વાસ લેવા માટે ફેફસાની સફાઇનું ધ્યાન રાખો. આ માટે આદુ, લીંબુ અને મધથી બનતી હર્બલ ચાનું સેવન કરો. જે ફેફસાની નસોને રિલેક્સ કરવાની સાથે સાથે કફ દૂર કરવાનું પણ કામ કરે છે.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.