શિયાળામાં વધી જાય છે પોલ્યૂશન, આ રીતે તેનાથી બચો

I am Gujarat

ગામે ગામ વધી રહ્યું છે પ્રદૂષણ, આટલી તકેદારી રાખો

દિલ્હીની જેમ ઠેરઠેર પ્રદૂષણની સમસ્યા વકરી રહી છે. હવે તો તમારા પોતાના ગામમાં પણ મોડી સાંજના સમયે તમે ધૂમાડાનું સ્તર જોઈ શકતા હશો. તો આવી સ્થિતિમાં પોતાના આરોગ્યનું ધ્યાન રાખવું ખૂબ જરુરી બની જાય છે. કેમ કે પ્રદૂષણના કારણે શ્વાસોશ્વાસની અનેક બીમારીઓ થઈ શકે છે.

પ્રદૂષણથી થઈ શકે છે આ બીમારીઓ

પ્રદૂષિત હવાથી શ્વાસ લેવામાં તકલીફ તેમજ બ્રોકિયલ, અસ્થમા, ક્રોનિક ઓબ્સ્ટ્રક્ટિવ પલ્મોનરી ડિસઓર્ડર, ફેફસાના રોગો, ફેફસાનું કેન્સર સુદ્ધા થઈ શકે છે. ત્યારે આવી સ્થિતિમાં સૌથી સારી સલાહ તો એ જ છે કે ચહેરા પર માસ્ક પહેરવું જોઈએ અને બને ત્યાં સુધી વાયૂ પ્રદૂષણથી બચવું જોઈએ.

આ ઉપરાંત આ ટિપ્સનો પણ તમે ઉપયોગ કરી શકો છો

– ઘરની અંદરના વાતાવરણની ગુણવત્તા જાળવી રાખો. દરવાજા અને બારીઓ બંધ રાખો, ઘરમાં એર પ્યુરીફાયરનો ઉપયોગ કરો. – જ્યારે બહાર નીકળવાનું હોય ત્યારે શક્ય ત્યાં સુધી ફૂલ સ્લીવના કપડા પહેરો. અને ચહેરા પર સારી ગુણવત્તાનું માસ્ક પહેરો. – સવારના સમયે પણ ઠંડીના કારણે દિવસભરનું પ્રદૂષણ ધુમ્મસની સાથે જમા થાય છે. માટે એક્સર્સાઇઝ માટે બહાર જવાની જગ્યાએ ઘરમાં જ યોગા જેવી કસરત દ્વારા બોડીને ચૂસ્ત રાખો.

આ ટીપ્સનો પણ કરો ઉપયોગ

– પોતાના ઘરની આસપાસ વૃક્ષોનો ઉછેર કરો. – શરીરની રોગપ્રતિકારક શક્તિને વધારવા માટે આદૂ-તુલસીવાળી ચા પીવો – ખોરાકમાં વિટામિન-સી, ઓમેગા 3 અને મેગ્નેશિયમની માત્રા વધારો. આ માટે હળદર, ગોળ અને અખરોટ જેવી વસ્તુઓનું સેવન કરો.