તેમણે હાલમાં પોતાના ઇન્સ્ટાગ્રામ હેન્ડલ પર પોતાની એક સેલ્ફી પોસ્ટ કરી હતી. આ પોસ્ટને કેપ્શન આપ્યું હતું કે, "મેં વધારાનો માઈલ પૂરો કર્યો છે. શું તમે તમારું કામ કર્યું છે? મારું લક્ષ્ય 10 હજાર પગલાં ચાલવાનું હતું. આ કર્યા પછી મારા હૃદયના ધબકારા સામાન્ય છે અને હું ખૂબ જ સારું અનુભવું છું." જણાવીએ કે 10000 સ્ટેપ્સ ચાલવાથી ઘણી કેલેરી બર્ન થાય છે. એટલું જ નહીં આમ કરવાથી માત્ર આપણા લિવર અને સ્વાદુપિંડને જ ફાયદો નથી થતો, પરંતુ તે ડાયાબિટીસથી પણ બચાવે છે અને સાથે હાડકાને પણ મજબૂત બનાવે છે. શું ખરેખર એક દિવસમાં 10000 સ્ટેપ્સ ચાલવું સારું છે? આ વિશે રિસર્ચ શું કહે છે તે જાણીએ.
(ઇમેજ ક્રેડિટ @pinkieroshan)
10 હજાર પગલાં ચાલીને પિંકી રોશને શેર કરી આ પોસ્ટ
View this post on Instagram A post shared by Pinkie Roshan (@pinkieroshan)શું એક દિવસમાં 10000 સ્ટેપ્સ ચાલવું સારું છે?
જર્નલ ઑફ ઓબેસિટીમાં પ્રકાશિત થયેલા 2020ના અભ્યાસ અનુસાર, ચાલવું અને સ્ટેપ્સનું ટ્રેકિંગ કરવું એ શારીરિક પ્રવૃત્તિ વધારવામાં મદદરૃપ રહે છે. લોકોને બેઠાડુ જીવનશૈલીમાંથી બહાર કાઢવા માટે 10 હજાર પગલાં ચાલવું તે સૌથી શ્રેષ્ઠ ઉપાય છે. 10000 પગલાં ચાલવાથી તમારું સ્વાસ્થ્ય હંમેશા સારું રહેશે.@pinkieroshan
હૃદય અને ફેફસા માટે ફાયદાકારક
નિષ્ણાતોના કહેવા અનુસાર, હૃદયની તંદુરસ્તી અને ફેફસાની ક્ષમતામાં સુધારવા માટે માટે દરરોજ 25-30 મિનિટ ચાલવું તે ખૂબ જ ફાયદાકારક છે. ઓપ્ટીમલ કાર્ડિયો એક્ટિવિટી બ્લડ પ્રેશરને સંતુલિત કરવામાં, ખરાબ કોલેસ્ટ્રોલને ઓછું કરવામાં, સારા કોલેસ્ટ્રોલને વધારવામાં, એન્ડોર્ફિન્સ રીલીઝ કરીને તણાવ ઘટાડવામાં, બ્લડ સર્કુલેશન અને ફેફસાના સ્વાસ્થ્યને પ્રોત્સાહન આપવાની સાથે બ્લડ શુગરના સ્તરને સંતુલિત કરવામાં મદદ કરે છે.@pinkieroshan
ચાલવું સારું છે
નિષ્ણાતોના કહેવા અનુસાર તમે જેટલું ચાલશો તેટલું તમારું ફિટનેસ લેવલ પણ સારું થશે. રિસર્ચ દર્શાવે છે કે 65 વર્ષના પુખ્ત વ્યક્તિમાં 17 વર્ષના કિશોર જેટલી જ સહનશક્તિ હોય છે. આપણે આ બાબતનો ઉપયોગ સારી રીતે કરવો જોઇએ. નિયમિત રૃપે વ્યાયામ કરવાથી જાગરૃકતા વધે છે અને મન, શરીર અને આત્માને સાજા કરવામાં મદદ મળે છે. આ માટે એક નાની શરૃઆત કરો અને સ્ટેપ્સ વધારો.
જાણવીએ કે પિંકી રોશનની ઉંમર 67 વર્ષની છે અને તેઓ જબરદસ્ત વર્કઆઉટ કરે છે. તેમની ફિટનેસ લેવલ જોઇ તેમના તેમની ફેન્સ પ્રસંશા કરી રહ્યા છે. પિંકી રોશન માટે વર્કઆઉટ એ મનોરંજન છે. આ માટે આપને જણાવીએ કે જો તમે પણ વર્કઆઉટને મનોરંજન માનવા લાગશો તો તમે પણ કોઇ પણ ઉંમરે ફિટ રહી શકશો.@pinkieroshan