જ્યારે લોહીમાં શુગરનું લેવલ 125 મિલિગ્રામ/DL (Milligrams per deciliter)થી વધારે પહોંચી જાય છે, તો તેને હાઇપરગ્લેસિમિયા કહેવામાં આવે છે. બ્લડ ગ્લૂકોઝ લેવલ 90 મિલિગ્રામ/DLથી ઓછું હોવું જોઇએ. જો હાઇપરગ્લેસિમિયાનો યોગ્ય સમયે નિદાન અને ઇલાજ કરવામાં ના આવે તો અનેક પ્રકારની સ્વાસ્થ્ય સમસ્યાઓ ઉભી થઇ શકે છે.
અમેરિકન ન્યૂટ્રિશનિસ્ટ એરિન કેની (Erin Kenney, American Nutritionist) અનુસાર, હાઇ બ્લડશુગર શરીરના ટિશ્યૂ જ નહીં તમારાં મૂડ અને ઉંઘને પણ પ્રભાવિત કરી શકે છે. કેટલીક સરળ રીત છે જેની મદદથી બ્લડ ગ્લૂકોઝ લેવલને કંટ્રોલ કરવામાં મદદ મળી શકે છે.
(તસવીરોઃ પિક્સાબે.કોમ, ફ્રિપિક.કોમ)
પુરતી ઉંઘ લો
અનેક રિસર્ચમાં એ વાત સાબિત થઇ છે કે, અપુરતી ઉંઘ અને પુરતો આરામ નહીં કરવાથી ઇન્સ્યૂલિન સંવેદનશીલતામાં ઘટાડો થાય છે. જો તમે બ્લડશુગરને કંટ્રોલમાં રાખવા ઇચ્છો છો તો રાત્રિ દરમિયાન ઓછામાં ઓછા આઠ કલાકની ઉંઘ લો.
સંતુલિત ભોજન છે જરૂરી
ભોજનમાં હંમેશા પ્રોટીન, હેલ્ધી ફેટ અને ફાઇબરથી ભરપૂર ચીજોનો ઉપયોગ કરો. આ એવા પોષક તત્વો છે જે નેચરલ રીતે બ્લડશુગર કંટ્રોલ રાખવામાં મદદ કરે છે.
હાઇ બ્લડશુગરને ઘટાડવાની ટિપ્સ
હાઇડ્રેટ રહો
પર્યાપ્ત માત્રામાં તરલ પદાર્થોનું સેવન કરવાથી કિડનીને પેશાબની મદદથી એક્સ્ટ્રા શુગર બહાર કાઢવામાં મદદ મળે છે. આનાથી બ્લડશુગર લેવલ ઘટી શકે છે અને ડાયાબિટીસનું જોખમ પણ ઘટે છે.
એક્સરસાઇઝ કરો
એક્સરસાઇઝ કરવાથી ઇન્સ્યૂલિન સંવેદનશીલતામાં સુધારો થાય છે અને તમારી માસપેશીઓના કામકાજમાં પણ સુધારો જોવા મળે છે, જેનાથી બ્લડશુગરનો ઉપયોગ કરવામાં શરીરને મદદ મળે છે. તમે વૉક, સાયકલ ચલાવવી, ડાન્સ અથવા દિવસમાં 10 મિનિટ એનર્જી બ્રેક પણ લઇ શકો છો.
નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.