જો આદુના પોષક તત્વોની વાત કરીએ તો તેમાં વિટામિન સી, કેલ્શિયમ, ફોસ્ફોરસ, આયર્ન, ઝિંક, કોપ અને મૈન્ગનીઝ જેવા પોષક તત્વો મળે છે. જો આપણે મધની વાત કરીએ તો તે ટેસ્ટી હોવાની સાથે ફ્રક્ટોઝ, કાર્બોહાઇડ્રેટ, રાઇબોફ્લેવિન, નાયસિન, વિટામિન બી - 6, વિટામિન સી અને એમિનો એસિડ જેવા પોષક તત્વોનો ભંડાર છે.
ફેટ ટૂ સ્લિમના ડાયરેક્ટર અને ન્યૂટ્રિશનિસ્ટ એન્ડ ડાઇટીશિયન શિખા અગ્રવાલ શર્મા (Shikha Aggarwal Sharma, dietitian and nutritionist) ના કહેવા અનુસાર, આદુ અને મધ એક સાથે લેવાથી અપચો, શરદી - ઉધરસ, સોજો, ઉલ્ટી જેવી સમસ્યાઓની સાથે સેક્સ લાઇફ સાથે જોડાયેલી સમસ્યાઓ ઉકેલવામાં પણ મદદ મળી શકે છે. આ કોમ્બિનેશન પરણિત પુરૂષો માટે ઘણું ફાયદાકારક છે.
ટેસ્ટોસ્ટેરોન વધારવામાં મદદ કરે છે
લો ટેસ્ટોસ્ટેરોન તમારી સેક્સને લગતી ઇચ્છાઓ પર અસર કરી શકે છે. આ મિશ્રણ ટેસ્ટોસ્ટેરોનનું સ્તર વધારે છે. તે ઓક્સિડેટીવ સ્ટ્રેસને પણ અટકાવી શકે છે, બ્લડ શુગરને કંટ્રોલમાં રાખી શકે છે અને બ્લડ ફ્લોમાં વધારો કરી શકે છે.
શુક્રાણુની ગુણવત્તા સુધારે છે
જ્યારે સેક્સુઅલ હેલ્થ અને સ્પર્મ પ્રોડક્શનની વાત આવે છે ત્યારે શુક્રાણુની ગુણવત્તા પર ભાર મૂકવામાં આવે છે. એવું માનવામાં આવે છે આદુ અને મધના કોમ્બિનેશનથી સ્પર્મ ક્વોલિટી અને પ્રોડક્શન બન્નેમાં સુધાર લાવી શકે છે. આ મિશ્રણ ઓક્સીડેટિવ સ્ટ્રેસને ઓછો કરીને શુક્રાણુની ગુણવત્તા સુધારે છે અને ઇનફર્ટિલિટી સુધારી શકે છે.
બ્લડ સર્ક્યુલેશનને સારું બનાવે છે
ઈરેક્શન જાળવી રાખવા માટે બ્લડ સર્ક્યુલેશન સારું હોવું ખૂબ જ જરૂરી છે. તેના બગાડથી પુરુષોમાં જાતીય તકલીફ અને કામેચ્છાની સમસ્યાઓનું જોખમ વધી શકે છે. બ્લડ સર્ક્યુલેશન સારું થવાથી પ્રિમેચ્યોર ઇજેક્યુલેશન અને ઓછી કામેચ્છા જેવી સમસ્યાઓમાં મદદ મળે છે.
ઇન્ફ્લેમેશન રોકવામાં મદદ કરે છે
ઇન્ફ્લેમેશનને લગતી બીમારીથી પીડાતા દર્દીઓમાં યૌન સ્વાસ્થ્યને લગતી સમસ્યા વધારે જોવા મળે છે. દુખાવા અને થાકને કારણે સોજાને લગતા રોગ હોય છે તેના કારણે સેક્સ લાઇફ પર અસર પડે છે. તેમાં રહેલા એન્ટી ઇફ્લેમેટરી ગુણધર્મો સાંધા અને મગજને લાભ પહોંચાડે છે. તેમાં રહેલા ઔષધીય ગુણો લોહીના ગંઠાવા દેતા નથી, આમ સંભવિતપણે હૃદય રોગનું જોખમ ઘટાડે છે.
વજન ઘટાડવામાં મદદ કરે છે
સ્થૂળતા અને વધુ પડતા વજનને કારણે ઇરેક્ટાઇલ ડિસફંક્શનની સમસ્યા થઇ શકે છે. વધારે વજન સાંધાઓ પર દબાવ પડે છે અને તેના કારણે લોહીની નસોને નુકશાન પહોંચે છે, ટેસ્ટોસ્ટેરોન ઓછું કરે છે અને સોજા જેવી સમસ્યાઓ થઇ શકે છે. આ મિશ્રણનું સેવન કરવાથી સ્થૂળતામાં રાહત મળે છે અને સેક્સ લાઈફને સુધારી શકાય છે.
આદુ અને મધનું સેવન કેવી રીતે કરવું
સેક્સ લાઇફ સાથે જોડાયેલી સમસ્યાઓથી રાહત મેળવવા માટે તમારે સવારે વાસી મોઢેં આદુ અને મધનું સેવન કરવું જોઇએ. આ માટે તમે આદુનો એક ટુકડો ચાવો અને પછી બે ચમચી મધ સાથે લો. આ સિવાય તમે સુંઠના પાવડરને મધ અને ગરમ પાણી સાથે લઇ શકો છો.
નોંધઃ આ લેખ માત્ર સામાન્ય જાણકારી માટે છે, તે કોઇ દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.